தன் கனவு படத்தின் அப்டேட்டை தந்த ராஜமௌலி.. மீண்டும் இணையப் போகும் வெற்றிக் கூட்டணி..

மேலும் படிக்க| முத்தக்காட்சியில் நடித்ததிற்கு நோட்டீஸ்; 'இவ்வளவு சீரியஸா எடுத்துப்பாங்கன்னு நினைக்கல' - ஐஸ்வர்யாராய் த்ரோபேக் பேட்டி!

இதை பாராட்டியே ஆக வேண்டும்

அப்போது பேசிய ராஜமௌலி, "தாங்கள் எடுக்கும் படத்தின் ரகசியங்கள் வெளியானால் தங்களுக்கு உள்ளுக்குள் கொதிப்பு ஏற்படும். ஆனால், ஹிட் 3 பற்றி பத்திரிகையாளர்கள் கேட்ட கேள்விகளுக்கு இயக்குனர் சைலேஷ் அமைதியாக பதிலளித்தார். அதை பார்த்து ஆச்சரியப்பட்டதாக ராஜமௌலி பாராட்டு தெரிவித்தார்.

"ஹிட் 3 படத்திற்கான ஒரு பேட்டியை பார்த்தேன். பொதுவாக இயக்குனர்கள், தயாரிப்பாளர்கள் படத்தின் ரகசியங்கள் வெளியானால் மிகவும் வருத்தப்படுவார்கள். உள்ளுக்குள் கொதிப்பார்கள். ஆனால் சைலேஷ் அமைதியாகவும், கட்டுப்பாட்டுடனும் பதிலளித்தார்" என ராஜமௌலி கூறினார்.

எஸ்எஸ்எம்பி 29

ராஜமௌலி தற்போது சூப்பர் ஸ்டார் மகேஷ் பாபுவுடன் ஒரு பெரிய பட்ஜெட் படமான (எஸ்எஸ்எம்பி 29) படத்தில் பணியாற்றி வருகிறார். இன்னும் பெயரிடப்படாத இந்த படத்தின் ஷூட்டிங் செட்டில் இருந்து சமீபத்தில் ஒரு வீடியோ வெளியானது. சமூக வலைத்தளங்களில் வைரலானது. இந்த சூழ்நிலையில் ரகசியங்கள் வெளியானால் தங்களுக்கு உள்ளுக்குள் கொதிப்பு ஏற்படும் என ராஜமௌலி கூறினார்.

மேலும் படிக்க| பஹல்காம் தாக்குதல் குறித்த சர்ச்சைக்கருத்து.. 'தவறாக புரிந்து கொண்டவர்களிந் கவனத்திற்கு' - விஜய் ஆண்டனி மறுஅறிக்கை!

அந்த சமயத்தில் நிகழ்ச்சி தொகுப்பாளர் ராஜமௌலியிடம் எஸ்எஸ்எம்பி 29 பற்றி கேள்வி கேட்டார் தொகுப்பாளர். ஆனால், அதற்கு ராஜமௌலி எந்தவிதமான தகவல்களையும் வெளியிடவில்லை. அவர் அமைதியாகவே இருந்தார். ஏற்கனவே படப்பிடிப்பு தள காட்சிகள் வெளியான நிலையில், படக்குழு ஷூட்டிங்கிற்கு 3 அடுக்கு பாதுகாப்பை அதிகப்படுத்திய நிலையில், இனி அந்தப் படம் குறித்து எந்தத் தகவலும் வெளியே சொல்ல தயாராக இல்லை எனத் தெரிகிறது,

மகாபாரதத்தில் நானி

முன்னதாக, ராஜமௌலி பல பேட்டிகளில் தனது கனவு படம் மஹாபாரதம் தான். மஹாபாரதக் கதையை எப்படியாவது திரையில் எடுக்க வேண்டும் என ஆசைப்படுவதாக கூறி இருந்தார். இதற்கான வேலைகளை அவரும் அவரது தந்தையும் ஏற்கனவே தொடங்கிவிட்டதாகவும் கூறினார். இந்த நிலையில், நானியின் பட புரொமோஷன் விழாவில், என் கனவுத் திட்ட படத்தில் நடிகர் நானி நடிப்பது உறுதி என்பதை கூறி ரசிகர்களுக்கு சந்தோஷத்தை கொடுத்தார்.

ராஜமௌலி- நானி கூட்டணி

ராஜமௌலி ஏற்கனவே நானியை வைத்து நான் ஈ படத்தை வழங்கியுள்ளார். இந்தப் படத்தில் நானி சிறிது நேரமே வந்தாலும் இந்தப் படம் பிளாக் பஸ்டர் ஹிட். பெரியவர்களுக்கு மட்டுமல்ல குழந்தைகளுக்கும் ஃபேவரைட் படமாக மாறியது. இதையடுத்து, ராஜமௌலி இயக்கிய படங்களில் நானி நடிக்காமல் இருந்த நிலையில், தன் கனவுத் திட்டத்தில் நானி இருப்பார் எனக் கூறி மேடையிலேயே சர்ப்ரைஸ் கொடுத்தார்.

மேலும் படிக்க| 'எனக்கு பிடிச்ச வேலைய என் வாயாலயே வேணாம்னு சொல்ல வச்சிட்டாங்க.. கௌசிக் மாதிரி பல பேர்' - மணிமேகலை பேச்சு

ராஜமௌலிக்கு சர்ப்ரைஸ்

ஹிட் 3 படக்குழு ராஜமௌலிக்கு ஒரு சிறப்பு ஆச்சரியத்தை வழங்கியது. ஒரு மரப் பெட்டியை மேடையில் வைத்து அதை உடைத்து அதில் இருந்த ஹிட் 3 ஸ்டைல் சூட்டை ராஜமௌலி அணிந்தார். நானி மற்றும் ராஜமௌலி ஒரே ஸ்டைல் சூட்டில் காட்சியளித்தனர். ஹிட் 3 டிரைலரில் இந்த வெள்ளை சூட் ஹைலைட் ஆகியுள்ளது.

ஹிட் 3 படத்தில் நானி ஒரு கடுமையான போலீஸ் அதிகாரியாக நடித்துள்ளார். இந்த படத்தில் ஸ்ரீநிதி ஷெட்டி நாயகியாக நடித்துள்ளார். மே 1 ஆம் தேதி தெலுங்கு, தமிழ், கன்னடம், மலையாளம், இந்தி ஆகிய மொழிகளில் இந்த படம் வெளியாக உள்ளது. நானி இந்த படத்தை தயாரித்துள்ளார்.