Mynaa Movie:‘சீரியலை விட கேவலமா பார்த்தாங்க’ மைனா அனுபவம் பகிர்ந்த பிரபு சாலமன்!
Mynaa Movie Director Prabu Solomon Interview: ‘ட்ராலி எடுக்கக் கூட காசு இல்லை. ஸ்டடி கேம் எடுக்க காசு இல்லை. ஒரு நாளைக்கு 5 ஆயிரம் முதல் 7 ஆயிரம் ரூபாய் தான் செலவுக்கு வச்சிருப்போம். ஆனால், நல்ல கதை கையில் இருந்தது’ -பிரபுசாலமன்
இயற்கையோடு ஒன்றிய திரைக்கதையின் நாயகன் இயக்குனர் பிரபு சாலமன். மைனா, கும்கி உள்ளிட்ட மெகாஹிட் படங்களை கொடுத்த பிரபுசாலமனுக்கு, பெரிய பெயர் பெற்றுத்தந்தது மைனா திரைப்படம். மைனா படம் எப்படி உருவானது, அதன் பின்னணியில் நடந்த சுவாரஸ்யங்களை பகிர்ந்துள்ளார் பிரபு சாலமன். இணையதளம் ஒன்றுக்கு முன்பு அவர் அளித்த பேட்டி இதோ:
‘‘ நான் ஆத்மார்த்தமா பண்ண படம் மைனா தான். காரணம் அது என்னுடைய தயாரிப்பில் உருவான படம். என்னை கேள்வி கேட்க யாருமே இல்லை. அதுக்கு முன்னாடி நான் பண்ண கொக்கி, லீ படங்கள் நான் இன்னொரு தயாரிப்பாளரை சார்ந்து இருந்தேன்.
அவங்க சூழலை நினைத்து, கொஞ்சம் காம்ரமைஸ் பண்ணிப்பேன். அந்த மாதிரி எந்த எண்ணமும் இல்லாமல் பண்ண படம் மைனா தான். இத்தனைக்கும் என்னிடம் வேறும் கேமரா மட்டும் தான் இருந்தது. வேறு யாருமே இல்லை. லைட் எடுப்பதற்கு கூட காசு இல்லை.
