லீட் ரோலுக்காக ரிஸ்க் எடுக்கும் லோகி.. அடுத்தடுத்து படம் இருந்தும் ஹீரோவாக களமிறங்க முயற்சி!

ரஜினியுடன் இணைந்த லோகி

அதையெல்லாம் களையும் வகையில் தான் தற்போது அவர் ரஜினிகாந்த் உடன் இணைந்திருக்கும் கூலி படத்தை உருவாக்கி வருகிறார். லோகேஷ் கனகராஜ் தற்போது ரஜினிகாந்த் நடிக்கும் கூலி திரைப்படத்தில் மும்மரமாக பணியாற்றி வருகிறார். ரஜினிகாந்த் உடன் முதல் முறையாக அவர் இணைந்திருக்கும் இந்த திரைப்படத்தில், நாகர்ஜுனா உள்ளிட்ட பல முன்னணி நட்சத்திரங்கள் நடிக்கிறார்கள்.

ஆமிர் கானுடன் கூட்டணி

இந்த படம் கிட்டத்தட்ட இறுதிகட்ட பணிகளை எட்டிய நிலையில் அவரது அடுத்த பணிகள் குறித்து பேச்சுகள் எழுந்து வருகிறது. அப்போது தான் பாலிவுட் நடிகர் ஆமிர் கான், தான் கூலி படத்தில் ஒரு கேமியோ ரோலில் நடித்ததாகவும், ரஜினி சார் படத்தில் நடிப்பதால் கதை கூட கேட்காமல் நடித்ததாகவும் கூறினார். அத்தோடு லோகேஷ் கனகராஜோடு சேர்ந்து ஒரு சூப்பர் ஹூரோ கதை கொண்ட படத்திலும் நடிக்க இருப்பதாகவும் கூறினார்.

மேலும் படிக்க| 'கொஞ்சம் சும்மா இருங்கடா'.. இண்டர்நெட்டில் வெளியான பலே திருமண அறிவிப்பு.. ரியாக்ட் செய்த அனிருத்..

லோகேஷின் அடுத்தடுத்த வேலை

ஆனால், இந்தப் படத்திற்கு முன் லோகேஷ் கனகராஜ் கைதி 2 படத்தை எடுத்து முடிக்க உள்ளார் எனக் கூறி இருந்தார். ஆகஸ்ட் 14 ஆம் தேதி கூலி படம் வெளியான பின் இந்தப் படத்தின் பணிகள் தொடங்கும் எனவும் அவர் தெரிவித்திருந்தார். இந்த சமயத்தில் தான் லோகேஷ் கனகராஜ் நடிகராக களமிறங்க உள்ளதாக சில தகவல்கள் வெளியாகி வருகிறது.

ஸ்ருதி ஹாசனுடன் இணைந்து

தமிழ் சினிமாவில் பிரபலமான இயக்குநராக வலம் வரும் லோகேஷ் சமீபத்தில் தயாரிப்பாளராகவும் மாறி இருந்தார். இதனைத் தொடர்ந்து அவர் ஸ்ருதி ஹாசனுடன் இணைந்து இனிமேல் எனும் ஆல்பம் பாடலில் நடித்தும் இருப்பார். இந்த அனுபவமே அவரை படத்தின் கதாநாயகனாக மாற்ற முயற்சி செய்தது என பலரும் கூறி வருகின்றனர்.

நடிகராகும் லோகேஷ்

முன்னதாக, சுதா கொங்கரா இயக்கி வரும் பராசக்தி படத்தில் ஒரு கதாப்பாத்திரத்தில் நடிக்க லோகேஷ் கனகராஜிடம் பேச்சுவார்த்தை நடத்தியதாகவும் அதற்கு லோகேஷ் மறுத்துவிட்டதால் அந்தக் கதாப்பாத்திரத்திற்கு வேறு ஒரு நடிகரை தேர்வு செய்ததாகவும் பேச்சுகள் அடிபட்டது. இந்த நிலையில், அவர் கதாநாயகனாக நடிப்பது உறுதியே செய்யப்பட்டுள்ளது.

மேலும் படிக்க| மீண்டும் ரீ- ரிலீஸ் செய்யப்படும் 'ஏ மாயம் சேசாவே'.. மீண்டும் ஒர்க் அவுட் ஆகுமா மேஜிக்? ஆர்வத்தில் ரசிகர்கள்!

தற்காப்பு கலை கற்கும் லோகேஷ்

லோகேஷ் கனகராஜ் ராக்கி, சாணி காயிதம், கேப்டன் மில்லர் போன்ற படங்களை இயக்கிய அருண் மாதேஸ்வரன் இயக்கத்தில் உருவாகும் புதிய படத்தில் நடிக்க இருக்கிறார். இப்படம் ஆக்ஷன் காட்சிகள் நிறைந்து இருப்பதால், லோகேஷ் இதற்காக தற்காப்பு கலைகளை கற்று வருவதாக தகவல் வெளியாகி உள்ளது. ஆனால், இந்த தகவல் எதுவும் அதிகாரப்பூர்வமானதாக வெளியாகவில்லை.