பைக் ரைட்! தெறிக்கும் துப்பாக்கி! 8 வருடத்தை கடந்த அச்சம் என்பது மடமையடா! கவுதம் பகிர்ந்த ஸ்பெஷல் போட்டோ!
அச்சம் என்பது மடமையடா படம் வெளியாகி 8 ஆண்டுகள் கடந்துள்ள நிலையில் இது குறித்தான புகைப்படத்தை அப்படத்தின் இயக்குனர் கவுதம் வாசுதேவ் மேனன் பகிர்ந்துள்ளார்.
இயக்குனர் கௌதம் மேனன் இயக்கத்தில் கடந்த 2016 ஆம் ஆண்டு வெளியான திரைப்படம் அச்சம் என்பது மடமையடா, இப்படத்தில் நடிகர் சிலம்பரசன், மஞ்சிமா மோகன் மற்றும் பாபா சேகர் உட்பட பலர் நடித்து இருந்தனர். ரொமான்டிக் ஆக்சன் படமாக வெளியாகிய இந்த படம் ரசிகர்களிடத்தில் பெரும் வரவேற்பு பெற்று இருந்தது. ஏ.ஆர்.ரகுமானின் இசையில் இளைஞர்களின் மனதை கவரும் காதல் பாடல்களும் பெரும் வரவேற்பை பெற்றிருந்தன. மேலும் இப்படத்தில் வரும் பைக் ரைட் காட்சிகளும் காதல் வசனங்களும் இன்றளவும் ரசிகர்களால் விரும்பப்பட்டு வருகிறது.
அச்சம் என்பது மடமையடா சந்தேகத்திற்கு இடமின்றி சிம்புவின் கேரியரில் மிகப்பெரிய வெற்றிப்படங்களில் ஒன்றாகும். ரொமாண்டிக் ஆக்ஷன்-த்ரில்லர் படமாக உருவாகி வெளியான இந்த திரைப்படம் வெளியாகி இன்றோடு 8 வருடங்கள் நிறைவடைந்துள்ளது.
விறு விறு திரைக்கதை
கல்லூரி படித்து வரும் சிம்பு அவரது சகோதரியின் தோழியான மஞ்சிமா மோகனை காதலிக்கிறார். அவரைப் பார்த்த முதல் சந்திப்பிலேயே காதலில் விழுந்து விடுகிறார். இந்த நிலையில் எதிர்பாராத விதமாக தான் செல்லும் பைக் ரைடில் மஞ்சிமாவும் இணைந்து கொள்கிறார். இந்த பயணத்தின் போது துரதிஷ்டவசமாக விபத்து ஏற்படுகிறது. இந்த விபத்தின் முடிவில் சிம்பு மஞ்சிமா மோகனிடம் தனது காதலை கூறுகிறார். இதன் பின்னர் மஞ்சிமா மோகனை மருத்துவமனையில் சேர்க்கும்போது அவரை கொல்வதற்காக மும்பையை சேர்ந்த அரசியல்வாதிகள் உலா வருவது சிம்புவிற்கு தெரிய வருகிறது.