'ஆட்டோகிராஃப் வேற, 96 வேற, பிரேமம் வேற.. விரைவில் ஆட்டோகிராஃப் ரீ-ரிலீஸ்’: உடைத்துப் பேசிய இயக்குநர் சேரன்

நீங்க தான் பண்ணனும் என பிடிவாதமாக இருந்து கேட்டார். எனக்கு அந்த கேரக்டர் ரொம்பப் பிடிச்சிருந்தது. எந்தப் படம் பண்ணுனாலும் நமக்கு என்ன சேலஞ்ச் அப்படின்னு யோசிப்போம். அந்த சேலஞ்ச் புதுசா ஏதாவது ஒன்னு பண்ணத்தோணும். இந்த கேரக்டரை வித்தியாசமாகப் பண்ணலாம் என்ற நம்பிக்கை கொடுத்தது. அதனால் தான் பண்ணுனது.

ஆட்டோகிராஃப் படத்தின் ட்ரெய்லரை ஏ.ஐ.யில் வெளியிட்டது நிறைய பேர்கிட்ட வரவேற்பினைக் கொண்டு வந்திடுச்சு. அந்தப் படம் எப்போது ரிலீஸ்?

முதலில் மே 16ஆம் தேதி ரிலீஸ் பண்ணலாம்ன்னு நினைச்சோம். ஆனால், நரிவேட்டை மே 16ஆம் தேதி ரிலீஸ் ஆகுது. அதனால், ஒரே நேரத்தில் இரண்டு படங்கள் வேண்டாம்ன்னு முடிவு எடுத்திட்டு, மே 23 இல்லையென்றால், விரைவில் மே 30ஆம் தேதி ரீ-ரிலீஸ் செய்யலாம்ன்னு இருக்கோம். ஏ.ஐ என்பது ஒரு சின்ன யுக்தி. இன்னிக்கு உள்ள 2கே கிட்ஸ்களை அட்ராக்ட் பண்ணனும். பழைய விசுவல்ஸை போட்டால், அது பழைய படம்ன்னு போயிடும். அவங்களுக்கு புதுசா ஏதோ ஒன்னு பண்ணுச்சில்ல. ஏதோ ஒன்னு இந்தாளு பண்றான்டா அப்படின்னு தோணுமில்ல. அது அவங்களைப் படம் பார்க்க கொண்டு வரும். படம் ரீ-ரிலீஸ் பண்ணக்காரணம், ஆட்டோகிராஃப் படத்துக்கு ஒரு ஃபேன்ஸ் இருக்காங்க. அவங்க மீண்டும் படம் பார்க்கலாம்ன்னு ஒரு ஐடியாவுக்கு வருவாங்க.

மேலும் படிக்க: முடிவுக்கு வந்த ஜி.பி. முத்து பிரச்சனை.. ஊர் கூடி நடந்த சமாதானப் பேச்சுவார்த்தை..

அந்தப் படம் என்னைய திருப்பி, இந்த ஜெனரேஷன் பசங்ககிட்ட ஞாபகப் படுத்தும். வாரணம் ஆயிரம் கொஞ்சம் டச் ஆகுது இல்ல. 96 வருதில்ல அப்படின்பாங்க. அப்போது திரும்பவும் நாம் சினிமாவில் பயணப்பட, ஒரு ஃபிளாட்ஃபார்ம் கிரியேட் ஆகும்.

ஒரு ஐந்து ஆண்டுகள் இடைவெளி விட்டுட்டேன். அதனால், என்னை நான் புதுப்பிச்சுக்கிறேன். வேறு ஒன்றுமே இல்லை. இன்னிக்கு இருக்கிற ஆடியன்ஸ் வேற. அதனால், படத்தை இன்னும் கொஞ்சம் வேகப்படுத்தினேன். காட்சிகளை மாற்றினேன். ரீவொர்க் பண்ணி எடிட் பண்ணினேன். இன்னிக்கு உள்ள கலருக்கு டி.ஐ. பண்ணினேன். ரீரெக்கார்டிங்கில் புதுசாக ஸ்டிரிங்ஸ் சேர்த்திருக்கேன். அதை நான் அட்மாஸ் பண்ணுனேன். ஏனென்றால், இன்னிக்கு உள்ள தியேட்டர்கள் எல்லாமே அட்மாஸ். அதில் பார்க்கும்போது தான், இன்றைய ரசிகர்களால் கனெக்ட் பண்ணிக்கிற முடியும். ஏனென்றால், சினிமா மேல் இருக்கும் காதல்.

மேலும் படிக்க: டைட்டில் சிக்கலில் பிரதீப் ரங்கநாதன் 'ட்யூட்'.. சொன்ன பெயரில் சொன்ன தேதியில் ரிலீஸ் ஆகுமா?

பிரேமம் பார்த்தபோது, ஆட்டோகிராஃப் பார்த்த மாதிரி இருந்ததுன்னு சொன்னாங்க? அது பற்றி உங்கள் கருத்து?

அது இன்ஸ்பிரேஷனாக இருக்கலாம். தவறாக எடுத்துக்கக் கூடாது. ஆட்டோகிராஃப் எடுத்துக்கிட்டீங்க என்றால், Forrest Gump படத்தின் இஸ்பிரேஷன் தான். அந்தப் படத்தில் ஒருத்தனுடைய லைஃப் டிராவல் போய்க்கிட்டே இருக்கும். அதில் இருந்து ஒன்றை மட்டும் எடுத்துக்கிட்டு, நான் பண்ணின கதை வேற. அல்போன்ஸ்புத்திரன் கூட பேசினார். நான் பண்ணின Region வேற. அவர் பண்ணியிருக்கிறது வேறன்னு சொன்னேன். மக்கள் 4 போர்ஷன் அப்படின்றவுடன், அதை ஆட்டோகிராஃப் கூட கனெக்ட் பண்ணிக்கிறாங்க. ஆட்டோகிராஃப் படத்தின் ஸ்கூல் வெர்ஷன் தான், 96ன்னு சொன்னாங்க. நான் பிரேம்கிட்ட சொன்னேன். அதுவேற, இதுவேறன்னு. அதனை அப்படி சொல்றது எப்போதுமே நம் தவறு தான்’ எனத் தெரிவித்து இருக்கிறார்,சேரன்.