அவளைப் போய் எப்படி அடிப்பேன்.. பெண் பிள்ளையை யாராவது அடிப்பார்களா? .. மமிதா பைஜு சர்ச்சை.. இயக்குனர் பாலா விளக்கம்!

திடீரென மறுப்பு

இதையடுத்து பாலா அடிக்கவில்லை என திடீரென மறுப்பு தெரிவித்து விளக்கமளித்தார் மமிதா பைஜு. அதில், “ நான் ஒன்றை இங்கு தெளிவுபடுத்த விரும்புகிறேன். நான் நடித்த வணங்கான் திரைப்படம் தொடர்பாக ஆன்லைனில் பரவும் செய்திகள் அனைத்தும் ஆதாரமற்றவை. நான் கொடுத்த நேர்காணலின் ஒரு பகுதியை மட்டும் கட் செய்து பதிவிட்டு, தவறான தலைப்பில் அவை செய்திகளாக மாறிக்கொண்டிருக்கின்றன. நான் பாலா சாருடன் கிட்டதட்ட ஒரு வருடம் பணியாற்றி இருக்கிறேன். அதில் படத்திற்கு முந்தைய பணிகளும், பிந்தைய பணிகளும் அடங்கும்.

அவர் என்னிடம் கனிவாக நடந்து கொண்டு என்னை ஒரு நல்ல நடிகையாக மாற்ற முயன்றார். அந்தப்படத்தில் மனரீதியாகவோ, உடல்ரீதியாகவோ நான் எந்த வித துன்பத்தையும் அனுபவிக்கவில்லை என்பதை இங்கு மீண்டும் சொல்லிக்கொள்கிறேன். நான் அந்தப்படத்தில் இருந்து வெளியே வந்ததற்கான காரணம் என்னுடைய தொழில்முறை சார்ந்த கமிட்மெண்ட்டுகள்தான்” என தெரிவித்தார்.

இயக்குனர் பாலா விளக்கம்

இந்நிலையில், வணங்கான் படப்பிடிப்பில் நடிகை மமிதா பைஜுவை அடித்ததாக சொல்லப்பட்டது குறித்து இயக்குனர் பாலா விளக்கம் தந்துள்ளார். இப்படத்தின் விளம்பரப்படுத்தும் பணிகள் மும்முரமாக நடைபெற்று வருகின்றன. இதற்காக அளித்த பேட்டியில் மமிதா பைஜுவை அடித்ததாக வெளியான செய்திக்கு விளக்கம் அளித்துள்ளார் பாலா.

அதில், “'மமிதா பைஜு என் மகள் மாதிரி. அவளைப் போய் எப்படி அடிப்பேன். இன்னொன்று பெண் பிள்ளையை யாராவது அடிப்பார்களா? மும்பையில் இருந்து வந்த மேக்கப் ஆட்கள், இவருக்கு மேக்கப் போட்டுவிட்டார்கள்.

எனக்கு மேக்கப் பிடிக்காது என்று அவர்களுக்கு தெரியாது. மேக்கப் போடாதீர்கள் எனக்கு பிடிக்காது என்று மமிதா பைஜுவுக்கும் சொல்ல தெரியவில்லை. ஷாட் ரெடி என்றவுடன் மேக்கப்போடு வந்துவிட்டார். யார் மேக்கப் போட்டது? என்று கையை ஓங்கினேன். உடனே அடித்துவிட்டார் என செய்தி வந்துவிட்டது. உண்மையில் இதுதான் நடந்தது' என்று தெரிவித்துள்ளார் பாலா.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.