தனுஷை ஹீரோவாக்கிய துள்ளுவதோ இளமை.. சூர்யாவுக்கு சூப்பர் ஹிட் கொடுத்த உன்னை நினைத்து
மே 10ம் தேதி முந்தைய ஆண்டுகளில் தனுஷ், சூர்யாவின் சூப்பர் ஹிட் படங்கள் வெளியாகியுள்ளன. தனுஷை ஹீரோவாக்கிய படம் முதல் கிளாசிக் சூப்பர் ஹிட் படம் வரை, இந்த நாளில் வெளியாகி ரசிகர்களின் கவனம் ஈரத்த படங்கள் பற்றி ரீவைண்ட் செய்து பார்க்கலாம்
மே 10, 2025க்கு முன், இதே தேதியில் முந்தைய ஆண்டுகளில் தனுஷ் ஹீரோவாக அறிமுகமான துள்ளுவதோ இளமை, சூர்யா நடித்த உன்னை நினைத்து, மறைந்க இயக்குநர் சிகரம் பாலசந்தர் இயக்கிய சூப்பர் ஹிட் படமான பூவா தலையா போன்ற ரசிகர்கள் மத்தியில் கவனம் பெற்ற படங்கள் வெளியாகியுள்ளன. இந்த படங்கள் பற்றிய சுவாரஸ்ய விஷயங்களை ரீவைண்ட் செய்து பார்க்கலாம்
துள்ளுவதோ இளமை
கஸ்தூரி ராஜா இயக்கத்தில் தனுஷ் ,ஷெரின் பிரதான கதாபாத்திரத்தில் நடிக்க டீன் ஏஜ் ட்ராமா படமாக உருவாகி 2002இல் ரிலீசான படம் துள்ளுவதே இளமை. டீன் ஏஜ் வயதில் நிகழும் காதல், தடுமாற்றம் போன்றவற்றை கொஞ்சம் கவர்ச்சியுடன் எதார்த்தமாக சொல்லப்பட்டிருக்கும் இந்த படம் பல தடைகளை தாண்டி வெளியாகி சக்ஸஸ் படமானது.
இயக்குநர் கஸ்தூரி ராஜா என்று டைட்டில் கார்டில் பெயர் தோன்றினாலும், இந்தப் படத்துக்கு திரைக்கதை, வசனம் எழுதிய இயக்கியது செல்வராகவன் தான். பள்ளிப்படிப்பை முடித்த தனுஷ் இந்த படத்தில் தான் ஹீரோவாக அறிமுகமானார். இவரது முதல் படமே 175 நாள்களுக்கு மேல் ஓடி வெள்ளி விழா படமானது. யுவன் ஷங்கர் இசையில் படத்தின் அனைத்து பாடல்களும் ஹிட்டாகி ரிப்பீட்டாக கேட்கப்பட்ட பாடலாக மாறியது.