போட்றா வெடிய..தடையை உடச்சாச்சு..சென்சாரும் முடிச்சாச்சு! இனி ரிலீஸ் மட்டும்தான் - கங்குவா படம் மொத்த நீளம் எவ்வளவு?
கங்குவா படத்துக்கு தடை கோரிய வழக்கு முடித்து வைக்கப்பட்ட நிலையில், படத்தின் சென்சாரும் முடிக்கப்பட்ட நிலையில் படத்தின் மொத்தம் நீளம் குறித்த தகவல் வெளியாகியுள்ளது.
சூர்யா நடிப்பில் ஆக்ஷன் கலந்த பேண்டஸி த்ரில்லர் படமாக கங்குவா உருவாகியுள்ளது. இந்த படத்தை ஸ்டுடியோ க்ரீன் நிறுவனம் மிக பெரிய பொருள் செலவில் பிரமாண்டமாக தயாரித்துள்ளது. இதையடுத்து இந்த படத்துக்கு தடை கோரி சென்னை உயர் நீதிமன்றத்தில் தொடரப்பட்ட வழக்கில், பிரச்னை தீர்க்கப்பட்டது. இதனால் படத்தின் ரிலீஸுக்கு எந்த தடையும் இல்லை என நீதிமன்றம் உத்தரவிட்டுள்ளது.
கங்குவா படத்தின் மொத்த நீளம்
இதற்கிடையே கங்குவா படத்தின் புரொமோஷன் பணிகள் விறுவிறுப்பாக நடந்து வரும் நிலையில், நடிகர் சூர்யா உள்பட படக்குழுவினர் இந்தியா முழுவதும் பல்வேறு ஊர்களுக்கு சென்று படத்தை பிரபலப்படுத்தி வருகிறார்கள். இந்த நேரத்தில் கங்குவா படத்தை பார்த்த தணிக்கை குழுவினர் படத்துக்கு யு/ஏ சான்றிதழ் அளித்துள்ளனர். அத்துடன் படத்தின் மொத்த நீளம் 2 மணி நேரம் 34 நிமிடங்கள் இருப்பதாக தெரிவிக்கப்பட்டுள்ளது. படத்தின் சென்சார் விவரம் குறித்து படக்குழுவினர் அதிகாரப்பூர்வமாக அறிவித்துள்ளனர்.
கங்குவா ரிலீஸுக்கு தடையில்லை
இந்த படத்தை தயாரித்திருக்கும் ஸ்டுடியோ க்ரீன் நிறுவனம் பல்வேறு படங்களை தயாரிக்க தங்களது நிறுவனத்திடம் கடனாக பெற்ற தொகையில் ரூ. 55 கோடி செலுத்தவில்லை எனவும், அதை திருப்பி தராமல் கங்குவா படத்தை ரிலீஸ் செய்ய தடை விதிக்க வேண்டும் எனவும் கோரி ரிலையன்ஸ் நிறுவனம் சார்பில் சென்னை உயர் நீதிமன்றத்தில் வழக்கு தொடரப்பட்டது.