டைவர்ஸ் செய்திகளுக்கு மத்தியில் இனிப்பு.. 42ஆவது இணையேற்பு நாள் கொண்டாடிய தர்பார் வில்லன் நடிகர் சுனில் ஷெட்டி

நீண்ட ஆண்டு காதலுக்குப் பின், டிசம்பர் 25, 1991ஆம் தேதி, நடிகர் சுனில் ஷெட்டி தனது காதலி மனாவை திருமணம் செய்து கொண்டார். தங்கள் திருமண நாளையொட்டி, தங்கள் காதல் கதையை சமூக ஊடகங்களில் ரசிகர்களுடன் பகிர்ந்து கொண்டார்.

சிறப்பு சந்தர்ப்பத்தை நினைவுகூரும் வகையில், சுனில் இன்ஸ்டாகிராமில் இரண்டு அழகான படங்களை வெளியிட்டார். அது அவர்களின் நீடித்த உறவின் சாரத்தைப் படம்பிடித்துக் காட்டியது.

பின்னால் இருந்து எடுக்கப்பட்ட அந்தப் படத்தில், அவர்கள் கைகோர்த்து படிக்கட்டுகளில் ஏறுவதைக் காட்டுகிறது. அன்பையும் ஒற்றுமையையும் வெளிப்படுத்துகிறது.

இணையேற்பு நாளை கொண்டாடிய சுனில் ஷெட்டி:

நடிகர் சுனில் ஷெட்டி இட்ட பதிவில், "எங்களுக்கு 42ஆவது இணையேற்பு நாள்" என்று குறிப்பிட்டுள்ளார். ஆனால், அவர் மனா ஷெட்டியைத் திருமணம் செய்தது, 1991ஆம் ஆண்டு தான். அப்படி பார்க்கையில் கிட்டத்தட்ட பத்து ஆண்டுகள் இவர்கள் காதலில் இருந்து இருக்கின்றனர்.

பாலிவுட் நடிகர் சுனில் இந்த தகவலைப் பகிர்ந்தவுடன், அவரது ரசிகர்களும் இந்த இடுகையில் அன்பான வாழ்த்துகளைக் குவித்தனர். அவர்களின் மகள், அதியா ஷெட்டியும் தனது பெற்றோரை எப்போதும் போற்றுவேன் என்று கருத்துரைத்தார்.

மகள் அதியா ஷெட்டியின் வாழ்த்து:

பின்னர் அவர் தனது இன்ஸ்டாகிராம் கதைகளில் தனது பெற்றோரின் நிச்சயதார்த்த விழாவிலிருந்து ஒரு த்ரோபேக் புகைப்படத்தைப் பகிர்ந்து கொண்டார். அங்கு மனா சுனிலின் விரலில் ஒரு மோதிரத்தை அணிகிறார். இருவரும் அழகான தருணத்தில் மாலைகளை அணிந்துள்ளனர்.

அதியா அதில்,"காதல் பற்றிய எனது வரையறை எனது அம்மா அப்பா தான். இனிய திருமண நாள் வாழ்த்துகள்!" எனக் கூறியிருக்கிறார்.

சுனில் மற்றும் மனா ஷெட்டி தம்பதிக்கு இரண்டு குழந்தைகள் உள்ளனர். 1992-ல் பிறந்த அதியா என்ற மகளும்; 1996ல் அஹான் என்று மகனும் இருக்கின்றனர்.

சுனில் ஷெட்டியின் நீடித்த திருமண உறவு, சினிமா துறையில் மிகவும் பிரியமான ஜோடிகளில் ஒருவராக ஆகியுள்ளது.

சுனில் ஷெட்டியின் அடுத்தடுத்த படங்கள்:

சுனில் ஷெட்டி, தமிழின் உச்ச நடிகர் ரஜினியின் ‘தர்பார்’ திரைப்படத்தில் வில்லனாக நடித்திருக்கிறார்.  

இதற்கிடையில், சுனில் ஷெட்டி 'தி லெஜண்ட் ஆஃப் சோம்நாத்' மற்றும் 'வெல்கம் 3' போன்ற மிகவும் எதிர்பார்க்கப்பட்ட படங்கள் உட்பட வரவிருக்கும் பல திட்டங்களுக்கு தயாராகி வருகிறார்.

அவர் சமீபத்தில் ஏஎன்ஐ செய்தி நிறுவனத்திடம் தனது வரவிருக்கும் படங்கள் குறித்து சுனில் ஷெட்டி பேசுகையில், "வரவிருக்கும் மாதங்களில், நான் நடித்த தி லெஜண்ட் ஆஃப் சோம்நாத் படம் ரிலீஸ் ஆகப்போகிறது.

நான் அதைப் பற்றி மிகவும் உற்சாகமாக இருக்கிறேன். படம் ஏற்கனவே எடுக்கப்பட்டு விட்டது. சில வி.எஃப்.எக்ஸ் வேலைகள் மட்டுமே நிலுவையில் உள்ளன. வெல்கம் டு தி ஜங்கிள் மற்றும் நந்தா தேவி வித் லயன்ஸ்கேட் ஆகிய நிகழ்ச்சிகளிலும் இருக்கிறேன்.

’வெல்கம் 3' படத்தில் நடிகர் அக்ஷய் குமாருடன் சுனில் மீண்டும் இணைந்துள்ளார்’’ எனத் தெரிவித்தார்.

இந்தப் படத்தில் விக்ரம் சின்ஹா, இஷா தியோல், ராகுல் தேவ், பர்கா பிஷ்ட், மிஹிர் அஹுஜா, டீனா சிங், சாஹத் தேஜ்வானி, கரண்வீர் சர்மா, சித்தார்த் கெர், கார்கி சாவந்த் மற்றும் பவன் சோப்ரா ஆகியோர் முக்கிய வேடங்களில் நடித்துள்ளனர்.

8 பகுதிகளைக் கொண்ட இந்த தொடரை சரிகம இந்தியா லிமிடெட்டின் திரைப்படப் பிரிவான யூட்லீ பிலிம்ஸ் தயாரிக்கிறது மற்றும் பிரின்ஸ் திமான் & அலோக் பத்ரா இயக்கியுள்ளார்.