HBD Unnikrishnan: மக்களை மயக்கிய மெல்லிய குரல்.. முதல் பாடலில் உச்சம் தொட்ட உன்னி கிருஷ்ணன்..!
Published Jul 09, 2024 05:51 AM IST
HBD Unnikrishnan: மென் காந்த குரலால் தமிழ் இசை ரசிகர்களை கட்டிப்போட்டு வைத்திருக்கும் உன்னிகிருஷ்ணன் வாழ்வில் எல்லா நலன்களும், வளங்களும் பெற்ற வாழவேண்டும் என்று ஹெச்.டி.தமிழ் வாழ்த்துகிறது.
மக்களை மயக்கிய மெல்லிய குரல்.. முதல் பாடலில் உச்சம் தொட்ட உன்னி கிருஷ்ணன்..
HBD Unnikrishnan: ‘நிலவைக்கொண்டு பிடித்தேன் கட்டிலில் கட்டினேன், மேகம் பிடித்தேன் மெத்தை விரித்தேன்’ அதிரடி அனுராதா ஸ்ரீராமின் குரலுக்கு, அமைதியாக பதிலுக்குப் பாடுவார் உன்னிகிருஷ்ணன். ஆர்ப்பாட்டம் இல்லாத அமைதியான குரல் ஆனால் அனைவரையும் ஈர்க்கும் குரல்.
உன்னிகிருஷ்ணன் கேரளாவின் பாலக்காட்டில் பிறந்தவர். இவரது பெற்றோர் ராதாகிருஷ்ணன், ஹரிணி ராதாகிருஷ்ணன் ஆவர். இவரது கொள்ளு தாத்தா ஆயுர்வேத மருத்துவர்.
கேரளாவைச் சேர்ந்தவர் என்றாலும் உன்னிகிருஷ்ணன் சென்னையில்தான் வளர்ந்தார். அசன் நினைவுப் பள்ளி, சாந்தோம் உயர்நிலைப்பள்ளியில் படித்தவர். ராதகிருஷ்ண மிஷன் கல்லூரியின் பி.காம் பட்டதாரி. சட்டமும், முதுகலை பட்டயப்படிப்பும் படித்தவர். இவர் பேரி நிறுவனத்தில் வேலை செய்தார். தொழில்முறை பாடகர் ஆவதற்காக வேலையை விட்டுவிட்டார்.