Chitra Lakshmanan: தமிழ் சினிமாவின் என்சைக்ளோபீடியா! தோண்ட தோண்ட தகவல் தரும் அட்சய பாத்திரம்.. HBD சித்ரா லட்சுமணன்..

இந்த 2 வேளைகளும் தான், தமிழ் சினிமாவில் உள்ள லைட் மேன் தொடங்கி, மாபெரும் தயாரிப்பாளர்கள் வரையிலான அறிமுகத்தை அவருக்கு பெற்றுத் தந்தது.

சொந்த தயாரிப்பு நிறுவனம்

இது ஒருபக்கம் சுமூகமாக போய்க் கொண்டிருந்த சமயத்தில், தன் சகோதரருடன் சேர்ந்து படத்தின் இணை தயாரிப்பாளராக பணியாற்றி பின் சொந்த தயாரிப்பு நிறுவனத்தையும் ஆரம்பித்தார். அவர் தயாரித்த முதல் படமான மண் வாசணை வசூலைக் குவித்ததுடன் சிறந்சத படத்திற்கான விருதையும் வென்றது.

80 ஆண்டு தமிழ் சினிமா

இதற்கிடையில் சித்ரா லட்சுமணன் திரைப்படங்களிலும் நடித்து தனது மற்றுமொரு திறமையை வெளிக்கொண்டு வந்தார். அவர் இந்தநாள் வரை, தனக்கு தெரிந்த சினிமா தகவல்களை மற்றவர்களுக்கும் தெரிய வைக்க வேண்டும் என்ற முனைப்பில் தான் பணியாற்றி வருகிறார். அதன் காரணமாகத் தான், தமிழ் சினிமா குறித்த தகவல்கள் அனைத்தையும் திரட்டி 80 ஆண்டு தமிழ் சினிமா என்ற புத்தகத்தை வெளியிட்டார்.

டூரிங் டாக்கீஸ்

இதைத் தொடர்ந்து தற்போது டூரிங் டாக்கீஸ் என்ற யூடியூப் சேனலைத் தொடங்கி, தமிழ் சினிமா பற்றிய தகவல்களையும், பல்வேறு துறையினரின் பேட்டிகள் மூலம் புதுப்புது தகவல்களையும் மக்கள் வெளிச்சத்திற்கு கொண்டு வருகிறார்.

இப்படி, தன் வாழ்நாளில் பெரும் பகுதியை சினிமாவிற்காகவே அர்பணித்து வரும் சித்ரா லட்சுமணன், இன்று அவரது பிறந்தநாளைக் கொண்டாடுகிறார். அவருக்கு இந்துஸ்தான் டைம்ஸ் தமிழ் சார்பில் வாழ்த்துகள்…