தமிழ் சினிமா ரீவைண்ட்: இளைஞர்களை கவர்ந்த கல்லூரி Reunion கதை.. ஜூன் 3ஆம் தேதி முந்தைய ஆண்டுகளில் ரிலீசான படங்கள் லிஸ்ட்
ஜூன் 3ஆம் தேதி முந்தைய ஆண்டுகளில் டாப் ஹீரோக்கள் படங்கள் எதுவும் வெளியாகவில்லை என்றாலும், ரசிகர்களின் மனதை கவர்ந்த சில படங்கள் வெளியாகியுள்ளன. அந்த படங்கள் எவையெல்லாம் என்பதை பார்க்கலாம்
ஜூன் 2, 2025க்கு முன், இதே தேதியில் முந்தைய ஆண்டுகளில் விஜய்சேதுபதி, எஸ்ஜே சூர்யா இணைந்து நடித்த இறைவி, விஷ்ணு விஷால் நடித்த வேலைன்னு வந்துட்டா வெள்ளக்காரன், ஷாம், ஆர்யா இணைந்து நடித்த உள்ளம் கேட்குமே போன்ற ஹிட் படங்கள் வெளியாகியுள்ளன. இந்த படங்கள் பற்றிய சுவாரஸ்ய விஷயங்களை ரீவைண்ட் செய்து பார்க்கலாம்
இறைவி
கார்த்திக் சுப்பராஜ் இயக்கத்தில் விஜய் சேதுபதி, எஸ்.ஜே.சூர்யா, பாபி சிம்ஹா, அஞ்சலி, கமாலினி முகர்ஜி, பூஜா தேவரியா உள்பட பலரும் நடித்து ட்ராமா பாணியில் உருவாகி 2016இல் ரிலீசான படம் இறைவி. ரசிகர்கள் மத்தியில் எதிர்பார்ப்பை ஏற்படுத்திய இந்த படம் எமோஷனலான கதையம்சத்துடன் அமைந்திருந்ததுடன் விமர்சக ரீதியாக பாராட்டை பெற்றது. ஆனால் பாக்ஸ் ஆபிஸில் எதிர்பார்த்த வெற்றியை பெறவில்லை.
இருப்பினும் படத்தில் நடித்த நடிகர்கள், நடிகைகளின் நடிப்புக்கு பாராட்டுகள் குவிந்தன. ஆண்களிடம், பெண்களின் செல்வாக்கு எப்படி இருக்கிறது என்பதை பிரதிபலிக்கும் விதமாகவும், பெண்களின் கதாபாத்திரத்தை மையப்படுத்தியும் அமைந்திருந்த திரைக்கதை பின்னாளில் கல்ட் கிளாசிக் அந்தஸ்தையும் பெற வைத்தது.