Suriya Movies in OTT: கங்குவா ரிலீஸுக்கு முன் ஓடிடியில் பார்த்து ரசிக்க வேண்டிய சூர்யாவின் சூப்பர் ஹிட் படங்கள் லிஸ்ட்
Suriya Action Thriller Movies in OTT: கடந்த ஒரு ஆண்டுக்கும் மேலாக சூர்யா படங்கள் எதுவும் வெளியாகிவில்லை. அந்த வகையில் எதிர்பார்ப்பை ஏற்படுத்திய கங்குவா ரிலீஸுக்கு முன் ஓடிடியில் பார்த்து ரசிக்க வேண்டிய சூர்யா நடித்த சூப்பர் ஹிட் ஆக்ஷன் த்ரில்லர் படங்கள் எவையெல்லாம் என்பதை பார்க்கலாம்.
சூர்யா நடிப்பில் கடைசியாக வெளியான படம் எட்டுத்திக்கும் துணிந்தவன். கடந்த 2022இல் வெளியான இந்த படம் சூப்பர் ஹிட் ஆனதுடன் நல்ல வசூலையும் குவித்தது.
சூர்யா, பிரியங்கா மோகன், சத்யராஜ் உள்பட பலர் நடித்திருக்கும் இந்த படத்தை பாண்டிராஜ் இயக்கியுள்ளார். பொள்ளாச்சி பாலியல் வழக்கு சம்பவத்தை அடிப்படையாக கொண்டு படத்தின் கதை அமைந்திருக்கும். படத்தில் வழக்கறிஞராக வரும் சூர்யாவின் நடிப்பு ரசிகர்களை வெகுவாக கவர்ந்தது.
எதிர்பார்ப்பை ஏற்படுத்தியிருக்கும் கங்குவா
இந்த படத்தை தொடர்ந்து சிறுத்தை சிவா இயக்கத்தில் பேண்டஸி ஆக்ஷன் பாணியில் உருவாகியிருக்கும் கங்குவா என்ற படத்தில் சூர்யா நடித்துள்ளார். பாலிவுட் நாயகி திஷா பதானி இந்த படம் மூலம் தமிழில் ஹீரோயினாக அறிமுகமாகிறார்.
பாலிவுட் நடிகர் பாபி தியோல், நடராஜன் சுப்பிரமணி, கிச்சா சுதீப், ஜெகபதி பாபு, யோகி பாபு உள்பட பலரும் இந்த படத்தில் நடித்துள்ளார்கள். ரூ. 350 கோடி செலவில் இந்தியவில் அதிக பட்ஜெட்டில் உருவாகும் படமாக இருக்கும் கங்குவா, 3டி மற்றும் ஐமேக்ஸ் பார்மெட்களில் வெளியாகிறது.
கங்குவா படத்தில் சூர்யா நடித்து வந்த நிலையில், கடந்த ஆண்டு முழுவதும் சூர்யாவின் படங்கள் எதுவும் ரிலீஸாகவில்லை.
1997இல் நேருக்கு நேர் படம் மூலம் அறிமுகமானார் நடிகர் சூர்யா. இதையடுத்து இவரது நடிப்பில் ஆண்டுக்கு ஒரு படம் கட்டாயமாக வெளிவந்து கொண்டிருந்த நிலையில், முதல் முறையாக அவரது நடிப்பில் படம் வெளிவராத ஆண்டாக 2023 அமைந்திருந்தது.
இது சூர்யா ரசிகர்கள்களுக்கு ஏமாற்றம் அளிக்கும் விதமாக அமைந்திருந்தது. இருப்பினும் கங்குவா ரிலீசை எதிர்நோக்கி ரசிகர்கள் காத்திருக்கும் நிலையில் சூர்யாவின் சிறந்த ஆக்ஷன் திரைப்படங்கள் பல்வேறு ஓடிடி தளங்களில் பார்த்து ரசிக்கலாம். எந்தெந்த ஓடிடி தளங்களில் சூர்யாவின் சிறந்த ஆக்ஷன் த்ரில்லர் படங்கள் இருக்கிறது என்பதை பார்க்கலாம்
சிங்கம் சீரிஸ்
சிங்கம் சீரிஸ் படங்களில் முதல் பாகமாக இருந்து வரும் இந்த படம் அனைத்து தரப்பு ரசிகர்களையும் வெகுவாக கவர்ந்த படமாக உள்ளது. ஹரி இயக்கத்தில் அனல் பறக்கும் ஆக்ஷன் காட்சிகள், பஞ்ச் வசனங்களுடன் இடம்பிடித்திருக்கும் இந்த படம் சன் நெக்ஸ்ட் ஓடிடி தளத்தில் உள்ளது.
சிங்கம் சீரிஸ் படங்களில் இரண்டு மற்றும் மூன்றாவது பாகங்களும் சன் நெக்ஸ்ட் ஓடிடி தளங்களில் உள்ளன. சிங்கம் சீரிஸ் படங்கள் அனைத்திலும் சூர்யாவுக்கு ஜோடியாக அனுஷ்கா நடித்திருப்பார். இரண்டாவது பாகத்தில் ஹன்சிகா, மூன்றாவது பாகத்தில் ஸ்ருதிஹாசன் இரண்டாவது ஹீரோயின்களாக நடித்திருப்பார்கள்.
கஜினி
சூர்யாவின் சினிமா கேரியரில் முக்கிய திருப்புமுனை ஏற்படுத்திய படமாக இருந்து வரும் கஜினி படத்தை ஏ.ஆர். முருகதாஸ் இயக்கியுள்ளார். முதல் பாதியில் ரெமாண்டிக் ஹீரோ, இரண்டாவது பாதியில் ஆக்ஷன் என சூர்யா மிரட்டியிருப்பார். சூர்யாவுக்கு ஜோடியாக அசினும் க்யூட்டான நடிப்பை வெளிப்புடுத்தியிருப்பார். படத்தில் நயன்தாராவும் இரண்டாவது ஹீரோயினாக நடித்திருப்பார்
24
மூன்று வேடங்களில் சூர்யா நடிக்க, விக்ரம் குமார் இயக்கியிருக்கும் இந்த சயின்ஸ் த்ரில்லர் ஆக்ஷன் திரைப்படம் ஜீ5 ஓடிடி தளத்தில் உள்ளது. படத்தில் சூர்யா ஜோடியாக சமந்தா, நித்யா மேனன் ஆகியோர் நடித்திருப்பார்கள். மூன்று சூர்யாக்களில் ஒருவர் வில்லனாக நடிப்பில் மிரட்டியிருப்பார்.
நந்தா
சூர்யாவுக்கு முதல் பெரிய ஹிட்டாக அமைந்த படம் நந்தா. பாலா இயக்கியிருக்கும் இந்த படத்தில் சூர்யா வித்தியாசமான நடிப்பை வெளிப்படுத்தியிருப்பார். சூர்யாவுக்கு ஜோடியாக லைலா நடித்திருப்பார். ராஜ்கிரண், கருணாய், சரவணன் ஆகியோரும் முக்கிய கதாபாத்திரங்களில் நடித்திருப்பார்கள். ரசிகர்களை பெரிதும் கவர்ந்த இந்த படம் ஆஹா ஓடிடி தளத்தில் உள்ளது.
சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:
Twitter: https://twitter.com/httamilnews
Facebook" https://www.facebook.com/HTTamilNews
You Tube: https://www.youtube.com/@httamil
Google News: https://tamil.hindustantimes.com/
