வெற்றிமாறன் தயாரித்த ‘மனுஷி’ பட விவகாரம்.. மறு ஆய்வு செய்வதாக சென்சார் போர்டு தகவல்.. அடுத்த விசாரணை எப்போது?
Published Jun 11, 2025 05:35 PM IST
மனுஷி திரைப்படத்தை இன்று மீண்டும் பார்வையிட்டு மறு ஆய்வு செய்ய இருக்கிறோம். அதில் உள்ள சர்ச்சைக்குரிய காட்சிகள், வசனங்கள் குறித்து மனுதாரருக்கு தகவல் தெரிவிக்கிறோம்.
வெற்றிமாறன் தயாரித்த ‘மனுஷி’ பட விவகாரம்.. மறு ஆய்வு செய்வதாக சென்சார் போர்டு தகவல்.. அடுத்த விசாரணை எப்போது?
பிரபல திரைப்பட இயக்குநரும், தயாரிப்பாளருமான வெற்றி மாறன், தான் தயாரித்து, ஆண்ட்ரியா நடிப்பில் உருவான படத்திற்கு தணிக்கை சான்றிதழ் மறுக்கப்பட்டதை எதிர்த்து சென்னை உயர் நீதிமன்றத்தில் மனு ஒன்றை தாக்கல் செய்தார்.
தணிக்கை சான்றிதழ் வழங்க மறுப்பு
அந்த மனுவில் ‘செப்டம்பர் 2024 -ல் மத்திய திரைப்பட சான்றிதழ் வாரியம் (CBFC) மனுஷி படத்திற்கு தணிக்கை சான்றிதழை வழங்க மறுத்துவிட்டது. அதற்கான காரணங்களாக மனுஷி திரைப்படம் மாநிலத்தை மோசமாக சித்தரித்து இருப்பதாகவும், படம் இடதுசாரி கம்யூனிசத்தையும், நடப்பு கம்யூனிசத்தையும் குழப்பி இருக்கிறது என்றும் கூறியது.
ஆனால், சென்சார் சான்றிதழ் மறுக்கப்படுவதற்கு முன்பு என்னுடைய தரப்பை சொல்வதற்கு வாய்ப்பு வழங்கப்படவில்லை. சென்சார் குழுவில் இருப்பவர்கள் படம் குறித்தான தங்களது தனிப்பட்ட பார்வை தொடர்பான கருத்துக்களை கூறவில்லை.