Blue sattai Maran Twitt: ‘உப்மா விருதா?காட்டுங்க பாப்போம்’ ப்ளூ சட்டை கிண்டல்!
Bluesattai Maran criticized Iravin Nizhal Movie: 115 விருதுகளை மீடியா முன்பு காட்ட முடியுமா? யார் தந்தனர் என பட்டியல் உண்டா?
விமர்சனங்களில் மட்டுமே படங்களையும், படம் சார்ந்த பணியாளர்களையும் கலாய்த்து வந்த ப்ளூ சட்டை மாறன், சில நேரங்களில் நேரடியாகவும் மோதலில் இறங்குவதுண்டு. அந்த வகையில், ‘சிங்கிள் ஷாட்’ படம் என்கிற பெயரோடு வந்த பார்த்திபனின் இரவின் நிழல் படத்தை கடுமையாக விமர்சித்த ப்ளூ சட்டை மாறன், அதற்கான எதிர்வினையையும் எதிர்கொண்டார்.
ப்ளூ சட்டைமாறனின் விமர்சனத்தை தொடர்ந்து, அதற்கு பார்த்திபன் கடுமையான குற்றச்சாட்டுகளை வைக்க, அதற்கு மாறன் பதிலுக்கு ஒரு வாதத்தை வைக்க, இப்படியே இரவின் நிழல், பகலின் நிழலாக உலா வந்து கொண்டிருந்தது. ஒருவழியாக தியேட்டர் வசூலை முடித்து, தற்போது ஓடிடி.,யில் ஓடிக்கொண்டிருக்கும் இரவின் நிழல் படத்தை, இன்னும் முதல் ‘சிங்கிள் ஷாட்’ படம் இது அல்ல என்கிற வாதத்தோடு எதிர்த்துக் கொண்டிருக்கிறார் ப்ளூ சட்டை மாறன்.
அது தொடர்பான நேரடியாக அல்லது முறைமுகமான பதிவுகளை அவர் தனது ட்விட்டரில் பதிவு செய்வதும் வழக்கம். அந்த வகையில், இன்று ஒரு பதிவை தனது ட்விட்டரில் வெளியிட்டுள்ளார் மாறன், இதோ அதில் உள்ளவை:
‘‘115 விருதுகளை மீடியா முன்பு காட்ட முடியுமா? யார் தந்தனர் என பட்டியல் உண்டா?
Golden Globe, Cannes, Venice, Shanghai, Toronto...என பிரசத்தி பெற்ற விழாக்களில் ஒரு விருது கூட பெறவில்லை.
வாங்கிய பலதும் உப்மா நிறுவன அல்லது அங்கீகாரமற்ற online awards only?
Do not fool the people,’’
என்று தனது ட்விட்டர் பக்கத்தில் ப்ளூ சட்டை மாறன் பதிவிட்டுள்ளார். இது இரவின் நிழல் தொடர்பான பதிவு என்று மட்டும் தெரிகிறது. ஆனால், அதை அவர் நேரடியாக குறிப்பிடவில்லை. சமீபத்தில் இரவின் நிழல் படத்திற்கு விருதுகள் மற்றும் பாராட்டுகள் குவிந்து வருவதாக பார்த்திபன் மகிழ்ச்சியை வெளியிப்படுத்தியிருந்தார் என்பது குறிப்பிடத்தக்கது.
டாபிக்ஸ்