Biggboss Tamil 8: ‘திரைக்கு முன்பு இருந்த தரையே ஈரமாகிடுச்சு’ தொடங்கியது அழுகாட்சி.. முத்து மற்றும் மஞ்சரி கண்ணீர்!

தொடங்கியது அழுகாட்சி

அனைவரும், அவரவர் தரப்பில் எதையெல்லாம் மிஸ் செய்கிறோம் என்று வழக்கம் போல, கண்ணீரும், சிரிப்புமாக சொல்லி அழுது, திரைக்கு முன்பு இருந்த தரையை ஈரமாக்கினர். அதிலும், பெண் போட்டியாளர்கள், தங்கள் மிஸ் செய்யும் படலத்தை தங்களுக்கே உரிய பாணியில் சொல்லி முடித்து, அவர்களும் அழுது, அதை காண்போரையும் அழ வைத்தனர்.

முத்துக்குமரன் மற்றும் மஞ்சரி வீடியோ

முத்துக்குமரன், தன் பெற்றோர் பற்றிய நினைவுகளை பகிர்ந்து கொண்டார். ஒரு பேரிச்சை பழத்தை வைத்து, தன் தாய் மீதான பாசத்தை பகிர்ந்து கொண்டார். இதில், மஞ்சரி, தன்னுடைய மகன் மற்றும் தாய், தன் துணை பற்றி பேசி, உடைந்து அழுதார். அவரின் பேச்சு, போட்டியாளர்களையும் கலங்கும்படியாக இருந்தது.

நினைவுகளை பகிரும் போதே இந்த நிலை என்றால், குடும்பத்தார் உள்ளே வந்தால், என்னவெல்லாம் ஆகுமோ என்கிற எதிர்பார்ப்பை எகிறும் விதமாக, இன்றைய டாஸ்க் அமைந்துள்ளது. அது மட்டுமின்றி, இந்த வாரத்திற்கான மூட் என்ன என்பதை, கிட்டத்தப்பட்ட பிக்பாஸ் செட் செய்துவிட்டார். இதில் யாருக்கு, என்ன ஸ்கோர் கிடைக்கப் போகிறது என்பதை பொறுத்திருந்து பார்க்கலாம்.