‘அம்மாடியோவ் என்னா காரம்; ஷீ இஸ் குக்கிங் லைக் திஸ்’ வெளியே வந்த நித்யானந்தா.. தர்ஷாவை சட்னியாக்கிய முத்துக்குமரன்

தர்ஷா குப்தா முழுக்க, முழுக்க பெண்கள் அணிக்கு ஆதரவாக செயல்படுகிறார் என்பது மிகவும் அப்பட்டமாக தெரிந்த நிலையில், உஷாரான ஆண்கள் அணி, தர்ஷாவை ஆரம்பத்தில் இருந்தே தங்களுடைய நடவடிக்கைகளில் ஈடுபடுத்துவதை தவிர்த்து விட்டனர். இது குறித்து தர்ஷா கேள்வி கேட்டு கோபத்தில் கொந்தளித்தாலும், அதை ஆண்கள் அணி பெரிதாக கண்டு கொள்ளவில்லை. ஆனால், அர்னவ் சில விஷயங்களில் முரண்பாடாக நடந்து கொள்ள, ஆண்கள் அணிக்கும், அர்னவுக்கும் இடையே சண்டை மூண்டது.

இதற்கிடையே, தர்ஷா குப்தா, நேற்றைய பூடு, மிளகாய் போட்டு காரமான சட்னியும், வெண்டைக்காய் சாப்பாடும் வைத்துக்கொடுத்தார். அதை சாப்பிட்ட ஆண்கள் நாக்கு சிவந்து பாடாய் பட்டு விட்டனர். இந்த நிலையில் தர்ஷா எப்படி சமைத்தார் என்பதை சக போட்டியாளரான முத்துக்குமரன் சக போட்டியாளர்களிடம் நித்யானந்தா பேசுவது போல பேசி லாய்த்து தள்ளினார். அனைவரும் அதைக்கேட்டு சிரித்தனர். இது தொடர்பான வீடியோ தற்போது சமூகவலைதளங்களில் வைரல் ஆகி வருகிறது.

மற்றொரு பக்கம் நேற்று நடைபெற்ற டிவி டாக்ஸ்க்கில் ஆண்கள் அணி வெற்றி பெற்றனர். இதனையடுத்து அதில் விளையாடிய விதத்தை வைத்து தங்களை தாங்களே ரேங்க் செய்யுமாறு போட்டியாளர்களிடம் பிக்பாஸ் கூற, முதலிடத்தில் முத்துவும், கடைசி இடத்தில் செளந்தர்யாவும் வந்தனர். இன்னொரு பக்கம் ஜாக்குலின் வெடுக்,வெடுக் என்று பேசுவது சுனிதாவிற்கு பிடிக்காத நிலையில், நீ என்னிடம் பேசவே பேசாதே என்று கூறி கண்ணீர் வடித்தார். அங்கும் புகைச்சல் ஏற்பட்டு இருக்கிறது.

முன்னதாக, பிக்பாஸ் சீசன் 8 தொடங்கிய முதல் நாளில் இருந்தே கலவரத்திற்கும், கண்டெண்ட்டிற்கும் பஞ்சம் இல்லாமல் சென்று கொண்டிருக்கிறது. மற்ற எந்த சீசனிலும் இல்லாத வகையில் பலவித புதிய விதிமுறைகளும் விதிக்கப்பட்டு வருகிறது. போட்டியாளர்கள் ஆண்கள் அணி மற்றும் பெண்கள் அணி எனப் பிரிக்கப்பட்டுள்ள நிலையில், 24 மணி நேரத்தில் எலிமினேட் செய்யப்பட்ட சாச்சனா, மீண்டும் வீட்டிற்குள் கொண்டு வரப்பட்டார். இரண்டாவது வாரத்தில், நடந்த நாமினேஷனில் கடைசி வரை இருப்பார் என எதிர்பார்க்கப்பட்ட ரவீந்தர் வெளியேற்றப்பட்டார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.