முன்னாள் போட்டியாளரின் தோழி..சுட்சுமம் அறிந்து பிக் பாஸ் வீட்டினுள் நுழையும் நடிகை! யார் இந்த செளந்தர்யா நஞ்சுண்டன்?

சினிமா கமிட்மெண்ட காரணமாக இதுவரை பிக் பாஸ் நிகழ்ச்சியை தொகுத்து வழங்கி வந்த உலக நாயகன் கமல்ஹாசன் இந்த சீசனில் இருந்து விலகிய நிலையில், புதிய தொகுப்பாளராக நடிகர் விஜய் சேதுபதி இந்த சீசனை தொகுத்து வழங்க இருக்கிறார்.

இந்த சீசனில் பங்கேற்க இருக்கும் போட்டியாளர்கள் யாரெல்லாம் என்பது குறித்த தகவல் வெளியாகியுள்ளன. இதில் பெண் போட்டியாளர்களில் வழக்கம் போல் ஒவ்வொரு சீசன்களிலும் மாடலிங்கில் இருந்து களமிறக்கப்படும் நபராக இந்த முறை நடிகையும், மாடலுமான செளந்தர்யா நஞ்சுண்டன் பிக் பாஸ் வீட்டினுள் நுழைகிறார்.

யார் இந்த செளந்தர்யா நஞ்சுண்டன்?

பெங்களுருவை சேர்ந்த மாடலான செளந்தர்யா நஞ்சுண்டன் தமிழில் ஆதித்யா வர்மா, சூப்பர் ஸ்டார் ரஜினிகாந்தின் தர்பார், துரெளபதி போன்ற பங்களில் சிறிய கதாபாத்திரங்களில் நடித்துள்ளார்.

அதேபோல் ஆஹா தமிழ் ஓடிடி தளத்தில் வெளியாக ரசிகர்கள் மத்தியில் அமோச வரவேற்பை பெற்ற வேற மாறி ஆபிஸ் வெப் சீரிஸில் முக்கிய கதாபாத்திரத்தில் நடித்துள்ளார்.

செளந்தர்யா நஞ்சுண்டன், தனது நடிப்பு பயணத்தை தொடங்குவதற்கு முன்னர் மாடலிங்கில் இருந்துள்ளார். பல்வேறு விளம்பரங்களில் மாடலாக இருந்த அவர் வேற மாறி ஆபிஸ் வெப் சீரிஸில் அற்புதமான நடிப்பை வெளிப்படுத்தி பாராட்டுகளை பெற்றுள்ளார்.

முன்னாள் பிக் பாஸ் போட்டியாளரின் தோழி

கடந்த பிக் பாஸ் சீசனில் போட்டியாளராக பங்கேற்று 4வது ரன்னர் அப் ஆன விஷ்ணு விஷால் தோழிதான் செளந்தர்யா நஞ்சுண்டன். எனவே பிக் பாஸ் வீட்டில் நடக்கும் விஷயங்கள், சூழ்ச்சிகள், அங்கு எப்படி நடக்க வேண்டும் என்கிற அடிப்படை புரிதலுடன் வருவார் என்றே தெரிகிறது.

எனவே பிக் பாஸ் 8 சீசனில் செளந்தர்யாவின் இருப்பு, அவரது ஆட்டமும் களைகட்டும் என எதிர்பார்ப்படுகிறது.

செளந்தர்யாவிடம் என்ன எதிர்பார்க்கலாம்?

பிக் பாஸ் நிகழ்ச்சியில் டேக்லைனை ஆக இதுவரை ஒவ்வொரு சீசனிலும் எதிர்பாராததை எதிர்பாருங்கள் என்று நிகழ்ச்சியை தொகுத்து வழங்கிய கமல்ஹாசன் சொல்வார். அந்த வகையில் ஒவ்வொரு சீசனில் ரசிகர்கள் எதிர்பாராத வகையில் சண்டை, சச்சரவுகள், காதல் கதைகள், சூழ்ச்சிகள் என பல்வேறு வகையான எமோஷன்கள் கலந்த கலவையாக அமைந்துள்ளன.

அந்த வகையில் விஜய் டிவியில் இதுவரை எந்த வகையில் லிங்க் ஆகாத செளந்தர்யா நஞ்சுண்டன் தற்போது முதல் முறையாக அந்த சேனலின் முக்கிய ரியாலிட்டி ஷோவில் பங்கேற்கிறார். கவர்ச்சிகரமான கண்கள், கொள்ளை அழகுடன் இருக்கும் இவர் இந்த முறை ஆர்மி உருவாக்கும் போட்டியாளராக இருப்பார் என ரசிகர்கள் இப்போதே பேச தொடங்விட்டனர். அத்துடன் சர்ச்சையாகவோ அல்லது வேறு ரூபத்திலோ இவர் சிறந்த கண்டென்ட் கிரியேட்டராக இந்த முறை பிக் பாஸ் வீட்டில் இருப்பார் என பலரும் கருத்துகளை பகிர தொடங்கியுள்ளார்கள்.

பிக் பாஸ் 8 இதர பெண் போட்டியாளர்கள்

பிக் பாஸ் 8 நிகழ்ச்சியில் பங்கேற்கும் போட்டியாளர்களின் பட்டியில் வெளியாகியுள்ளது. இதில் பெண் போட்டியாளர்களாக விஜய் டிவி கோட்டாக்களில் தொகுப்பாளின் ஜாக்குலின், சீரியல் நடிகை பவித்ரா ஜனனி, விஜய் டிவி ரியாலிட்டி ஷோக்களில் போட்டியாளராக வரும் சுனிதா ஆகியோர் உள்ளார்கள். முன்னாள் ஹீரோயின் ஐஸ்வர்யா பாஸ்கரன், நடிகை அன்ஷிதா போன்றோரும் மற்ற பெண் போட்டியாளர்களாக இருக்கிறார்கள். இவர்களுடன் செளந்தர்யா நஞ்சுண்டன் பிக் பாஸ் வீட்டினுள் நுழைகிறார்.