Bigg Boss 8: வெச்ச குறி தப்பாது... இனி தான் ஆட்டம்... 24 மணி நேரமும் இனி நிக்காது!
Bigg Boss 8: விஜய் டிவியின் பிரபல ரியாலிட்டி ஷோவான பிக்பாஸ்-ன் 8வது சீசன் தொடங்கும் தேதி குறித்த அறிவிப்பு வெளியாகிறது. இந்த சீசனில் ஆங்க்கர் உள்ளிட்ட பல மாற்றங்கள் உள்ளதால் மிகுந்த எதிர்பார்ப்பில் ரசிகர்கள் உள்ளனர்.
மக்களை ஸ்ட்ரஸ் பஸ்டர் ஆக்குவதில் ரியாலிட்டி ஷோக்களுக்கு முக்கிய பங்கு உண்டு. அதனாலேயே விஜய் டிவி இன்றளவும் அதன் டிஆர்பியை தக்க வைத்துள்ளது. இவை கலாச்சாரத்தை சீரழிப்பதாக ஒருபுறம் கருத்துகள் உலாவிக் கொண்டிருந்தாலும், நாளுக்கு நாள் விஜய் டிவியின் ரியாலிட்டி ஷோ-வை காணும் ரசிகர்களின் எண்ணிக்கை அதிகரித்து வருகிறது.
மாறிவரும் நாகரிகம், வளர்ந்து வரும் கலாச்சார மாற்றம் உள்ளிட்டவை குடும்ப உறவுமுறைகளில் தாக்கத்தை ஏற்படுத்தி வருகின்றன. அந்த ஐடியாவை பிடித்துக் கொண்ட விஜய் டிவி, இளம் தலைமுறைகளை ஈர்க்கும் வண்ணம் பல ரியாலிட்டி ஷோக்களை அளிக்கிறது. பாடல்கள், கேம்கள், குடும்ப உறவைகளைக் கொண்டு நடத்தப்படும் ஷோக்கள் என தனித்தனி வயதினரை ஈர்க்க ரியாலிட்டி ஷோக்கள் உள்ளன.
பிக்பாஸ் தமிழ்
ஆனால், வயது வித்யாசமின்றி மொத்த குடும்பத்தையும் கட்டிப்போடும் ஒரு ரியாலிட்டி ஷோ தான் பிக்பாஸ். ஹிந்தியில் பிரபலமடைந்த இந்த ஷோவை தமிழில் கொண்டுவர நினைத்த விஜய் டிவி இதற்கான ஆங்க்கராக தேர்ந்தெடுத்தது நடிகர் கமல் ஹாசனை. காரணம் ஒரு ஷோவையும் ஒரு கருத்துகளையும் பல கோணங்களில் அலசி ஆராய்ந்து அவற்றை விளக்கி தருவது மட்டுமல்லாமல், கோலிவுட்டின் பெரும் புள்ளி ஒரு நிகழ்ச்சியை தொகுத்து வழங்கினால் அது இன்னும் கூடுதல் ரசிகர்களை கொண்டுவரும் என்ற கணக்கு.
கமல்ஹாசன் டூ விஜய் சேதுபதி
அந்தக் கணக்கு கடந்த 7 சீசனிலும் ஒர்க் அவுட் ஆகவும் செய்தது. ஆனால், கமல் ஹாசன் கட்சி வேலைகளிலும், படப்பிடிப்புகளில் பிஸியாக இருந்ததுடன், கடந்த சீசனில் பிரதீப்பை வெளியேற்றியது, மாயா உடனான வதந்திகள் என நிகழ்ச்சிக்கு பல பிளாக் மார்க்குகள் இருந்தது.
இதை அனைத்தையும் ஒன்று சேர்த்து தற்போது பிக்பாஸ் 8ஆவது சீசனுக்கு விஜய் சேதுபதியை தொகுப்பாளராக அறிவித்துள்ளது விஜய் டிவி நிர்வாகம். இதுதொடர்பான ப்ரமோக்களில் ஆட்டமும் புதுசு ஆளும் புதுசு என வெளியான வசனங்கள் ரசிகர்களுக்கு கூடுதல் எனர்ஜியையும் ஆர்வத்தையும் அளித்துள்ளது.
விஜய் சேதுபதி என்ன செய்ய வேண்டும்?
புதிய தொகுப்பாளரான விஜய் சேதுபதி நிகழ்ச்சியில் எப்படி நடந்து கொள்ள வேண்டும். அங்கு என்னென்ன சிக்கல்கள் உள்ளது, அதை எப்படி சமாளித்து பதிலளிக்க வேண்டும் என மக்கள் நினைக்கிறார்கள் என்பதை அவர்களே ப்ரமோ வழியாக வெளிப்படுத்துகின்றனர். இதனால் இந்த சூடு பறக்கும் ஆட்டத்திற்கு விஜய் சேதுபதி எப்படி ஒத்து வருவார் அவர் அனைத்து போட்டியாளர்களையும் தாக்குப் பிடிப்பாரா,குரூப்பிசம் விவகாரத்தில் எப்படி தாக்குப் பிடிப்பார் என்பதைக் காண ரசிகர்கள் மிகுந்த ஆர்வத்துடன் உள்ளனர்.
பிக்பாஸ் சீசன் 8 எப்போது?
இந்த சமயத்தில் தான் பிக்பாஸ் 8வது சீசன் எப்போது தொடங்குகிறது என்ற அறிவிப்பை விஜய் டிவி நிர்வாகம் வெளியிட்டுள்ளது. அதன்படி, வரும் அக்டோபர் மாதம் 6ம் தேதி ஞாயிற்றுக் கிழமை இந்த சீசன் தொடங்கப்படுகிறது என்றும், அந்த சமயத்தில் போட்டியாளர்கள் யார் என்பது அறிவிக்கப்படுவார்கள் என்றும் அறிவித்துள்ளது. மேலும், டிஸ்னி ப்ளஸ் ஹாட்ஸ்டார் தளத்தில் 24 மணி நேரமும் ரசிகர்கள் கண்டு மகிழலாம் எனவும் தெரவித்துள்ளது. இதனால் பிக்பாஸ் ரசிகர்கள் கொண்டாட்டத்திற்கு தயாராகி வருகின்றனர்.
போட்டியாளர்கள் இவர்களா?
அதேசமயத்தில், 8வது சீசனுக்கான போட்டிாளர்கள் இவர்களாகத்தான் இருப்பார்கள் என இணையத்தில் சிலருடைய பெயர்கள் அடிபட்டு வருகிறது. அந்த லிஸ்டில், விஜே விஷால், திவ்யா துரைசாமி, அமலா ஷாஜி, தயாரிப்பாளர் ரவீந்தர், நடிகர் செந்தில் உள்ளிட்டோர் பெயர்கள் அடிபட்டு வருகிறது. இது உண்மையாகவும் இருக்கலாம், வதந்தியாகவும் இருக்கலாம். இந்த போட்டியாளர்கள் யார் என்பதை வரும் 6ம் தேதி நேரடியாக நாம் காணலாம்.
