'சிரிச்சி சிரிச்சு வந்தா சாச்சமா தேவி டோய்'.. துதி பாடி சாச்சனாவின் ஆட்டத்தை முடித்துவிட்ட கும்பல்..

பிக்பாஸ் ரொம்ப போர் பாஸ்

விஜய் சேதுபதி எவ்வளவு தான் முயற்சி செய்தாலும், வித்தியாசமான டாஸ்குகளை கொடுத்தாலும் பிக்பாஸ் நிகழ்ச்சி என்னவோ மொக்கையாகத் தான் செல்கிறது. பிக்பாஸ் வீடு அரண்மைனை தர்பாராக மாறினால், ஆட்டம் சூடு பிடிக்கும் என நினைத்த போதும் அது சுமாராகவே முடிந்தது.

சீக்ரெட் டாஸ்க்

பிக்பாஸ் வீட்டில் உள்ள ஆண்கள் மற்றும் பெண்கள் அணி, இரு நாடுகளாக பிரிந்து அந்நாட்டு ராஜா, ராணியாகவும், அமைச்சர்களாகவும், மக்களாகவும் நடிக்க வேண்டும் என டாஸ்க் வழங்கப்பட்டது. அத்துடன் அனைவருக்கும் போட்டியின் சுவாரசியத்தை அதிகரிக்க தனித்தனியே சீக்ரெட் டாஸ்க்கும் வழங்கப்பட்டது.

ராணவ் கேசரி, சாச்சமா தேவி

இதில், ஆண்கள் அணியைச் சேர்ந்த ராணவ் அரசன் ராணவ் கேசரியாகவும், பெண்கள் அணியைச் சேர்ந்த சாச்சனா சாச்சமா தேவியாகவும் விளையாடினர். ஆண்கள் அணி, பெண்கள் என பிரித்து விளையாடப்பட்ட இந்தப் போட்டியில் வெற்றி பெருவோர் அரியணை ஏறுவர் என அறிவிக்கப்பட்டது. அத்துடன், அந்த அணியில் நாமினேஷன் லிஸ்டில் உள்ள ஒருவர் காப்பாற்றப்படலாம் என தெரிவிக்கப்பட்டது.

அரியணையை கைப்பற்றிய ஆண்கள் அணி

இதையடுத்து, பலகட்டமாக நடத்தப்பட்ட இந்தப் போட்டியில் ஆண்கள் அணி வெற்றி பெற்று அரியணையை கைப்பற்றி , ஆண்கள் அணியில் நாமினேஷன் பட்டியலில் இருந்த சிவாவை காப்பாற்றினர்.

இதையடுத்து நாமினேஷன் பட்டியிலில் உள்ளவர்களில் யார் வெளியேற்றப்படுவர் என எதிர்பார்த்து பிக்பாஸ் போட்டியாளர்கள் பதற்றத்தில் உள்ளனர்.

காப்பாற்றப்பட்ட போட்டியாளர்கள்

இதையடுத்து வெளியான தகவல்படி, நாமினேஷன் பட்டியலில் இடம் பிடித்த முத்துக்குமார், சௌந்தர்யா, விஜே விஷால் மக்களிடமிருந்து அதிக ஓட்டுகளைப் பிடித்துள்ளதால், அவர்கள் நாமினேஷனில் இருந்து காப்பாற்றப்பட்டனர்.

அதற்கு அடுத்தபடியாக, ஜாக்லின், ராணவ், அருண், பவித்ரா, ரயான் ஆகியோர் அடுத்தடுத்த அளவில் அதிகப்படியான வாக்குகளைப் பெற்று நாமினேஷனில் இருந்து தப்பித்தனர்.

இப்போது டேஞ்சர் ஜோனில் இருப்பது வர்ஷினி வெங்கட், ஆனந்தி, சாச்சனா, தர்ஷிகா மற்றும் சிவக்குமார் தான். இதில், சிவக்குமார் ஆண்கள் அணி சார்பில் காப்பாற்றப்பட்டார். இதனால் அவர் இந்த வார எலிமினேஷனில் இருந்து தப்பித்தார்.

துதி பாடி முடிக்கப்பட்ட சாச்சனாவின் ஆட்டம்

இந்நிலையில், போட்டியாளர்களுக்கு மக்கள் அளித்த வாக்குகளின் அடிப்படையில் பார்க்கும் போது, சாச்சனாவிற்கும், தர்ஷிகாவிற்கும் தான் குறைவான வாக்குகள் கிடைத்துள்ளது. அவர்களில் சாச்சனா மிகவும் குறைவான வாக்கினைப் பெற்றதால், இரண்டாம் முறையாக பிக்பாஸ் வீட்டிலிருந்து வெளியேற்றப்படுகிறார்.

இவர் ராணியாக நடிக்கும் போது செய்த சில செயல்கள் பார்வையாளர்களுக்கு எரிச்சலைக் கொடுத்தது. அத்துடன், அவர் போட்டியாளர்கள் மேல் வன்மத்தை கக்குவது போல் நடந்துகொண்டதால், மக்கள் அவருக்கு வாக்களிக்காமல் போயிருக்கலாம்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.