Bigg Boss 8: எல்லாமே சர்ச்சை தான் போலயே.. மல்லுக்கட்ட காத்திருக்கும் போட்டியாளர்கள் - தட்டி தூக்கிய பிக் பாஸ் குழு

போட்டியாளர்கள் பட்டியல்

அக்டோபர் 6 ஆம் தேதி முதல் பிக் பாஸ் 8 ஆவது சீசன் தொடங்க இருப்பதாக நேற்று ( செப் 24 ) அறிவிக்கப்பட்டது. பிக் பாஸ் 8 வது சீசனின் போட்டியாளர்கள் யார் என்றும் மக்கள் மத்தியில் எதிர்பார்ப்பு வலுக்க தொடங்கியுள்ள நிலையில் 8 ஆவது சீசனின் போட்டியாளர்கள் இவர்கள் என்று ஒரு லிஸ்ட் புகைப்படத்துடன் வெளியாகி வைரலாகி வருகிறது.

அந்த வகையில் மன்சூர் அலிகான், பூனம் பஜ்வா, திவ்யா துரைசாமி, விடிவி கணேஷ், ரஞ்சித், சஞ்சனா, நகைச்சுவை நடிகர் செந்தில், பப்லு பிரிதிவிராஜ், பாடகி ஸ்வேதா மேனன், பாடகி கல்பனா, சோனியா அகர்வால் மற்றும் கிரண் போன்றவர்கள் கலந்து கொள்ள போவதாக சொல்லப்படுகிறது.

மக்கள் செல்வன் விஜய் சேதுபதி

கடந்த 7 வருடங்களாக இந்த நிகழ்ச்சியை தொகுத்து வழங்கி வந்த நடிகர் கமல் ஹாசன், பிக் பாஸ் நிகழ்ச்சியில் இருந்து விலகிக்கொள்ள இருப்பதாக அறிவித்த நிலையில், அந்த நிகழ்ச்சியை தொகுத்து வழங்க இருப்பது யார் என்ற கேள்வி எழுந்து இருந்தது.

யாரும் எதிர்பார்க்காத விதமாக மக்கள் செல்வன் விஜய் சேதுபதி, பிக் பாஸ் நிகழ்ச்சியின் 8 ஆவது சீசனை தொகுத்து வழங்க இருக்கிறார் என்று அறிவிப்பு வெளியானது.

இந்த முறை ஆளும் புதுசு ஆட்டமும் புதுசு எனக் கூறி வில்லத்தனமாக சிரிக்கிறார் மக்கள் செல்வன் விஜய் சேதுபதி. இதனால், இவர் நிகழ்ச்சியை எப்படி கையாளப் போகிறார் என்பதைக் காண மக்கள் மிகுந்த ஆவலில் உள்ளனர்.

அதுமட்டுமின்றி, குரூப்பிசம், டாமினேட் செய்பவர்களை ஓட விட வேண்டும். காய்கறிகளில் நல்லது எது கெட்டது எது என பார்த்தாலே தெரிந்துவிடும். ஆனால் மனிதர்களை பார்த்தவுடன் தெரிந்துகொள்ள முடியாது. கேமை தவறாக விளையாடினால் அவர்களுக்கு எந்த கார்டு கொடுக்க வேண்டும் என தெரிய வேண்டும். வார நாட்களில் சண்டையிடுபவர்கள், வார இறுதி நாட்களில் நல்லவர்கள் போல் தங்களை காட்டிக் கொள்வார்கள் என அட்வைஸ்கள் வாரி வழங்கப்பட்டுள்ளது

கமல் ஹாசன் விலகல்

பிக் பாஸ் நிகழ்ச்சியை விட்டு வெளியேறுவதற்கான காரணத்தை நடிகர் கமல் ஹாசன் அறிக்கையாக வெளியிட்டு இருந்தார். அந்த அறிக்கையில், சினிமாவில் நிறைய கமிட்மெண்ட்ஸ் இருப்பதால் தான் இந்த முடிவை எடுத்துள்ளதாக கமல்ஹாசன் தெரிவித்துள்ளார். இதுதொடர்பாக அவர் வெளியிட்டுள்ள அறிக்கையில்,”அன்பான பார்வையாளர்களே, 7 ஆண்டுகளுக்கு முன்பு தொடங்கிய எங்கள் பயணத்திலிருந்து ஒரு சிறிய இடைவெளி எடுக்கிறேன் என்பதை கனத்த இதயத்துடன் தெரிவித்துக் கொள்கிறேன். முந்தைய சினிமா கமிட்மென்ட் காரணமாக, பிக் பாஸ் தமிழ் சீசனின் வரவிருக்கும் சீசனை என்னால் தொகுத்து வழங்க முடியவில்லை.