‘கங்குவா தமிழ் மொழியில் உருவான பாகுபலி’.. சூர்யாவின் மாஸ் பேச்சால் எகிறும் எதிர்பார்ப்பு..

கங்குவா இன்ஸ்பிரேஷன்

பிரேவ் ஹார்ட், லார்ட் ஆஃப் தி ரிங்ஸ், கேம் ஆஃப் த்ரோன்ஸ், கேம் ஆஃப் த்ரோன்ஸ், அபோகலிப்டோ போன்ற படங்கள் தான் 'கங்குவா' படத்தை உருவாக்க உத்வேகம் அளித்துள்ளது. அவற்றை நான் பலமுறை பார்த்து ரசித்திருக்கிறேன். இப்போ அப்படி ஒரு படம் பண்ணியிருக்கோம். தமிழில் வரும் கங்குவாவும் பாகுபலி மாதிரி படம் என்று மீடியாக்கள் விளம்பரப்படுத்துகின்றன " என நடிகர் சூர்யா பேசியுள்ளார். இது குறிப்பாக தமிழ் மற்றும் தெலுங்கு மக்களிடையே படத்தின் மீதான எதிர்பார்ப்பை அதிகரித்துள்ளது.

ஏற்கனவே படத்தின் புரொமோஷனில் தெரிவித்தபடி படத்தில் தற்கால காட்சிகள் மற்றும் 700 ஆண்டுக்கு முந்தைய காலத்தில் கங்குவா தேசம் காட்சிகள் என ட்ரெய்லரில் காண்பிக்கப்பட்டுள்ளது. வெறும் 1.30 நிமிடங்கள் மட்டும் ஓடும் இந்த ட்ரெய்லர் படம் மீதான ஆர்வத்தை மேலும் எகிற வைத்துள்ளது.

கங்குவா சென்சார்

கடந்த இரு நாள்களுக்கு முன் கங்குவா படத்துக்கு சென்சார் அளிக்கப்பட்டுள்ளது. அதன்படி படத்துக்கு யு/ஏ சான்றிதழ் அளிக்கப்பட்டடிருக்கும் நிலையில், படம் 2 மணி நேரம் 34 நிமிடங்கள் ஓடும் என தெரிவிக்கப்பட்டுள்ளது.

கங்குவா படத்தின் கதை

கங்குவா படத்துக்கு 700 ஆண்டுகளுக்கு முந்தைய உலகத்தை சிறுத்தை சிவா உருவாக்கி உள்ளார். அங்கு 3 தெய்வங்களை வழிபட்டு வந்த மக்களுக்குக்கிடையே ஏற்பட்ட கருத்து மோதல்கள் யுத்தமாக மாறுகிறது. இதில் யார் வெல்கிறார்கள் என்பது தான் படத்தின் கதையாக உள்ளது.

கங்குவாவின் உலகம் நெருப்பை கடவுளாக கும்பிடுகிறார்கள். அதேபோல் ரத்தத்தை கடவுளாக வணங்கிறார்கள் உதிரனின் உலகம். நீரை கடவுளாக வழிபடும் மக்கள் இருக்கிறார்கள். இந்த மூன்று உலகங்களுக்கு இடையே நடைபெறும் போட்டியை பேண்டஸி, ஆக்‌ஷன் கலந்து சொல்லப்பட்டிருக்கிறது.