அய்யனார் துணை சீரியல் ஜூன் 09 எபிசோட்: தனி குடித்தனம் கண்டிஷன்.. கிடுப்பிடி கேள்வி கேட்ட தம்பிகள்.. கலங்கிய சேரன்!

தனக்காக சோழன் இப்படி உதவுவதைப் பார்த்த நிலா அவனைப் பார்த்து ரசித்துக்கொண்டிருந்தாள். மற்றொரு பக்கம் வீட்டிற்கு வந்த புரோக்கர் ஆவடி அருகே நீங்கள் பார்த்த பெண்ணுக்கு உங்களையும் உங்களது குடும்பத்தையும் பிடித்திருப்பதாகவும், ஆனால், அந்தப் பெண் கண்டிஷன் ஒன்றை வைத்து இருப்பதாகவும் கூறினார்.

வழிமறித்து கேட்ட தம்பிகள்

அது என்ன என்று தம்பிகள் கேட்க, அது சேரனுக்கு மட்டுமே தெரியும் என்றும் சேரனும் அந்தப்பெண்ணும் இது குறித்து தனியாக சந்தித்து பேசி இருக்கிறார்கள் என்று கூறினார்.

இந்த நிலையில் வேலை முடிந்து வந்த சேரனை மடக்கிப்பிடித்த தம்பிகள் நீ ஆவடி அருகே நாம் சென்று பார்த்த பெண்ணை தனியாக பார்த்தாயா என்று கேட்க, ஆமாம் பார்த்தேன் என்று சேரன் கூறினான். இதை ஏன் எங்களிடம் சொல்லவில்லை என்று தம்பிகள் கேட்க, வேலை காரணமாக மறந்துவிட்டேன் என்று சாதாரணமாக கூறினான். தொடர்ந்து, அந்தப்பெண் உன்னிடம் என்ன சொன்னார் என்று கேட்க, அவையெல்லாம் தற்போது தேவையில்லை என்று சொல்லி வேலையை பார்க்க ஆரம்பித்தான் சேரன்.

இந்த நிலையில் நிலாவும் சோழனும் சம்பந்தப்பட்ட பெண்ணின் வீட்டிற்கு சென்று பெண்ணிடம் கண்டிஷனை கேட்கின்றனர். அப்பொழுது அந்த பெண் தனிகுடித்தனம் என்றால் ஓகே என்று சொல்ல இவர்கள் அதிர்ச்சி அடைந்து நின்றனர்.