Arunraja Kamaraj: ‘என்ன காதலிச்ச முதல் பொண்ணு.. அவ்வளவு அடிதடி.. அவ இல்லாம..’ - அருண்ராஜா காமராஜ்!

காதலிக்கும் பொழுதே அவ்வளவு சண்டைகள் நடந்திருக்கிறது என்றால் கல்யாணத்துக்கு பின்னர் எவ்வளவு சண்டைகள் நடந்து இருக்கும் என்று நீங்கள் யோசித்துக் கொள்ளுங்கள். ஒரு கட்டத்தில் எங்களுக்குள் ஏன் இவ்வளவு சண்டைகள் வருகிறது என்பதை கொரோனா காலக் கட்டத்தில் தான் புரிந்து கொண்டோம்.

எங்கள் இருவருக்கும் இடையேயும் அதிகமான எதிர்பார்ப்பு அதிகமான அன்பு இருப்பதே, மூலக்காரணம் என்பது புரிந்தது.எங்கள் இருவருக்கும் அது புரிந்த பொழுது, ஐயோ இவ்வளவுதானா.. இது தெரியாமல் தான் நாம் இவ்வளவு கஷ்டப்பட்டோமா என்றெல்லாம் பேசியிருக்கிறோம். எங்கள் வீட்டில் என்ன இருக்கிறது?, எவ்வளவு காசு வேண்டும் உள்ளிட்ட எந்த விவரங்களும் எனக்குத் தெரியாது. அனைத்தையும் அவர் தான் பார்த்துக் கொண்டார். 

கொரோனா காலத்தில் அவ்வளவு புரிதலோடு நெருங்கிய  பழகி இருந்தோம். இதனால் அடுத்ததாக ஷூட்டிங் சென்ற பொழுது அவர் இல்லாமல் எனக்கு தூக்கம் வரவில்லை. அதனால் அவரை படப்பிடிப்பிற்கே வர வைத்தேன் அதனை தொடர்ந்து அவர் இறந்து போனார். படத்தின் அடுத்த ஷெடியூலுக்கு அவர் இல்லாமல் நான் சென்றேன்” என்று பேசினார்.