Adhik Ravichandran: படம் இயக்காத தந்தையின் 20 வருட வலி.. அடல்ட் காமெடி.. நம்பி வாய்ப்பு அளித்த அஜித்.. ஆதிக்கின் கதை

ஆனால், அவரது அம்மா அதைத்தடுத்ததால் தனது தாயின் ஆசையை நிறைவேற்ற இன்ஜினியரிங் கல்லூரியில் சேர்ந்து பொறியியல் படித்தார். படித்துக்கொண்டே, தனது கல்லூரியின் முதல் வருடத்தில் இருந்து நான்கு வருடங்கள் முடியும் வரை சினிமாவுக்கான ஸ்கிரிப்ட்களை எழுதி வைத்திருந்தார்.

தனது கல்லூரி படிப்பைப் படித்துமுடித்தபின், மலையாளத்தின் பிரபல இயக்குநரான மேஜர் ரவியிடம் உதவி இயக்குநராகப் பணியாற்றினார்.

மேஜர் ரவியின் உதவி இயக்குநர் ஆதிக் ரவிச்சந்திரன்:

2015ஆம் ஆண்டு, முதன்முறையாக ஆதிக் ரவிச்சந்திரன் அடல்ட் காமெடி படமான திரிஷா இல்லைனா நயன்தாரா படத்தை ஜி.வி.பிரகாஷ் குமாரை வைத்து இயக்கியிருந்தார். படமும் அடல்ட் காமெடி நிறைந்து இருந்ததால் தியேட்டரில் நன்கு ஓடிவிட்டது. மேஜர் ரவியின் உதவி இயக்குநராக இருந்தாலும், இவரது இயக்கம் சார்ந்த ஜானர் முழுக்க முழுக்க இளசுகளை மையப்படுத்தியே இருந்தது.

அடுத்து சிம்புவை இயக்கும் வாய்ப்பைப் பெற்றார், ஆதிக் ரவிச்சந்திரன். அதுதான் அன்பானவன் அசராதவன் அடங்காதவன். இந்தப் படம் ஜூன் 23, 2017ஆம் ஆண்டு ரிலீஸானது. சிம்பு இப்படத்தில் மதுரை மைக்கேல், அஸ்வின், திக்கு சிவன் ஆகிய மூன்று கதாபாத்திரங்களில் நடித்தார். இப்படமும் விமர்சன ரீதியாகவும் வசூல் ரீதியாகவும் சுமாராகவே தியேட்டரில் ஓடியது.

இதன்பின் சரியான வாய்ப்புகள் இல்லாமல் தவித்த ஆதிக் ரவிச்சந்திரன், தபாங் 3 படத்தின் தமிழ் டப்பிங் படத்திற்கு, தமிழ் வசனங்களை எழுதியிருந்தார். அடுத்து பிரபுதேவாவை வைத்து இவர் இயக்கிய சைக்கலாஜிக்கல் ரொமான்டிக் திரில்லர் படமான பகீரா, பாக்ஸ் ஆபிஸில் மீண்டும் தோல்விப்படமாக அமைந்தது.

தோல்விப்படங்கள் கற்றுத்தந்த பாடத்தால் நடிகராகவும் பணி:

இதற்கிடையே தன்னை நடிகராகவும் உருமாற்றிக்கொண்டு, ஆதிக் ரவிச்சந்திரன் நடித்தார். 2019ஆம் ஆண்டு, கே 13 என்ற படத்திலும், அதே 2019ஆம் ஆண்டு, அஜித் நடித்த நேர்கொண்ட பார்வை படத்திலும், 2022ஆம் ஆண்டு, கோப்ரா படத்திலும் அவர் நடித்தார்.

குறிப்பாக நேர்கொண்ட பார்வை படத்தில் அஜித்துடன் கிடைத்த நட்பு,ஆதிக்கிற்கு மிகப்பெரிய நம்பிக்கையைக் கொடுத்தது. ஆதிக் அடிப்படையில் ஒரு அஜித் ரசிகன் என்பதால், அந்த பாண்டிங் மிக நன்றாக ஆகிப்போனது.

அதன்பின், விஷால், எஸ்.ஜே. சூர்யா, ஆகியோரை வைத்து இயக்கிய மார்க் ஆண்டனி படம் மிகுந்த வரவேற்பினைப் பெற்றது. இப்படத்தில் இடம்பெற்ற சில்க் ஸ்மிதாவின் வின்டேஜ் சீக்குவென்ஸ் மிகப்பெரிய அளவில் ஹிட்டடித்தது. பல வருடங்களுக்குப் பின் இப்படம் சூப்பர் ஹிட்டடித்தது.விஷாலின் கேரியரில் 100 கோடி ரூபாய் பாக்ஸ் ஆபிஸில் இணைந்தது.

அஜித் தந்த வாய்ப்பு:

நேர்கொண்ட பார்வையில் அஜித்துடன் கிடைத்த நட்பு, ஆதிக்கிற்கு அஜித்திடம் நேரடியாக கதை சொல்ல வைத்தது. ஆதிக் சொன்ன கதை அஜித்துக்குப் பிடிக்க, மகிழ் திருமேனி இயக்கும் விடாமுயற்சி படத்துக்குப்பின், அவரை இயக்கும் வாய்ப்பினைப் பெற்றார், ஆதிக் அந்தப் படம் தான், குட் பேட் அக்லி.

இப்படமும் விடாமுயற்சி படத்துக்குப் பின், ஏப்ரல் 10ஆம் தேதி வெளியாகும் என எதிர்பார்க்கப்படுகிறது. மேலும், ஆதிக் ரவிச்சந்திரனுக்கு அண்மையில் பிரபுவின் மகளான ஐஸ்வர்யா பிரபுவுடன் திருமணம் நடந்தது என்பது குறிப்பிடத்தக்கது.