Anil Kumar: ‘ அஜித்துக்கு வாழ்த்து.. என்னால முடிஞ்சத நான் பண்ணியிருக்கேன்..முடிஞ்சா நீங்களும் நாய்களுக்கு’ - அஜித் தம்பி
Anil Kumar: ‘நிறைய பேர் தெரு நாய்களை பார்த்து பயப்படுவார்கள் கற்களை தூக்கி அதன் மீது எறிவார்கள். கம்பை கொண்டு துரத்துவார்கள். அப்படி நான் செய்யும் பட்சத்தில், அவர்களுக்கு பயம் வந்து விடும். அப்படி இருக்கும் பட்சத்தில், அவர்கள் நம்மை கடிக்க வந்து விடுவார்கள்.’ - அஜித் தம்பி
Anil Kumar: விலங்குகளுக்கு உதவும் அமைப்பான ‘ஹெவன் ஃபார் அனிமல்' அமைப்பு நடத்திய நிகழ்ச்சியில் அஜித்குமாரின் தம்பியும், விலங்குகள் மீது பிரியமும் கொண்ட அனில்குமார் பங்கேற்று பேசினார். அவர் பேசும் போது, ‘என்னுடைய பெயர் அனில் குமார். ‘ஹெவன் ஃபார் அனிமல்’ குழு விலங்குகளுக்கு மிகவும் உதவிகரமாக இருக்கிறார்கள்.
வீட்டிற்கு வந்த நாய்
நான் உண்மையில் இது போன்றதொரு நிகழ்ச்சிக்கு வருவேன் என்று எதிர்பார்க்கவே இல்லை. மூன்று வருடங்களுக்கு முன்னதாக, வீட்டில் எந்த ஒரு பிராணிகளையும் நாங்கள் வளர்க்கவில்லை. ஆனால் 2021 தீபாவளி தினத்தில், எங்கள் வீட்டிற்கு நாய் ஒன்று வந்தது. எங்கிருந்து அந்த நாய் வந்தது என்றே தெரியவில்லை.
இந்த நாயை அழைத்துச் செல்வதற்கு யாராவது வருவார்களா என்று நாங்கள் பார்த்தோம்; ஆனால் யாரும் வரவில்லை; அவன் என்னுடனே செட் ஆகிவிட்டான். அவன் பெயர் பிட்டு. விலங்குகள் மனிதனுக்கு எவ்வளவு அன்பையும், உண்மையையும் கொடுக்கிறது. என்னுடைய வீட்டில் அந்த நாய் இருப்பதில் நான் மகிழ்ச்சி அடைகிறேன். நான் அடிக்கடி இதைச் சொல்வதுண்டு; உண்மையில் அவனை நான் சேர்த்துக் கொள்ளவில்லை; என்னை தான் அவன் சேர்த்துக் கொண்டான்.