Alya Sanjeev: ‘வெறும் 500 ரூபாதான் இருந்துச்சு..’ முதல்ல ராஜா ராணி ஹீரோவ அவரதான்.. ரொம்ப கஷ்டமா போச்சு’ - சஞ்சீவ்

ராணி சீரியல்

ஒருவேளை நான் திரைப்படங்களில் நடித்து ஜெயித்திருக்கலாம் அல்லது காணாமல் போய் இருக்கலாம்; அந்த நேரத்தில்தான் நான் சீரியலில் நடிக்கலாமே என்று முடிவு செய்தேன். அதன் பின்னர்தான் நான் ராஜா ராணி சீரியல் கமிட்டானேன். ஆலியா உடைய அதிர்ஷ்டமா? என்று தெரியவில்லை; என்னுடைய கிராஃப் அப்படியே வேறு லெவலுக்கு சென்று விட்டது. அங்கிருந்து எனக்கு தொடர்ச்சியாக வருமானம் என்பது வந்து கொண்டே இருந்தது.

சீரியல் தேர்வின் போது, இன்பா கதாபாத்திரத்தில் அலியா நடிப்பது உறுதியாகிவிட்டது. ஆனால், கார்த்தி கதாபாத்திரத்தில் நான் நடிப்பதாக உறுதியாக வில்லை. இன்னொருவர்தான் நடிப்பதாகத்தான் இருந்தது. இருவருக்கும் இடையேதான் போட்டி நிலவியது; விஜய் டிவி அவருக்குத்தான் அதிகமான முன்னுரிமையை அளித்தது.

நான் அந்த சீரியலில் நடிப்பேனா? இல்லையா? என்பது குறித்தான உறுதியான தகவல் என்னை வந்தடையவில்லை; ஒரு குறிப்பிட்ட நாளில் அந்த தகவல், அந்த சீரியலின் மேனேஜரிடம் இருந்து வந்தது. அப்போது என்னுடைய வங்கிக் கணக்கில் வெறும் 500 ரூபாய்தான் இருந்தது. நாங்கள் அப்போது எங்களுடைய அண்ணன் வீட்டில் இருந்தோம்.

கார்த்திக் கதாபாத்திரம்

அந்த காலில் நான்தான் கார்த்திக் கதாபாத்திரத்தில் நடிக்கிறேன் என்று கூறினார். என் வீட்டில் அப்போது என்னுடைய சொந்த பந்தங்கள் எல்லோரும் இருந்தனர். அந்த செய்தியை கேட்டு அவர்கள் துள்ளி குதித்தனர். அதன் பின்னர், அந்த சீரியல் பீக்கில் சென்றது. பிக் பாஸ் நிகழ்ச்சியெல்லாம் தூக்கி சாப்பிட்டு விட்டது. நான் வந்த பிறகு, அதன் பின்னர் அந்த சேனலில் வெள்ளையாக இருக்கும் ஹீரோக்கள் நிறைய பேர் வந்தார்கள்.

அப்போது, நான் ஏற்கனவே குளிர் என்ற படத்தில் நடித்திருந்தேன். அந்தப் படத்தில் இடம்பெற்ற பாடல் அப்போதே பிரபலமாகி இருந்தது. அந்த பிரபலத்தை வைத்தாவது எனக்கு அவர்கள் ஹீரோ சான்ஸில் முன்னுரிமை கொடுத்திருக்கலாம். அது குறித்து நான் அந்த சமயத்தில் வருத்தப்பட்டேன். அவர்கள் அப்படி யோசித்திருக்க வேண்டாமே என்று நினைத்தேன். ஆனால், இறுதியில் கொடுத்து விட்டார்கள். ’ என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.