விலங்கிட்ட கையாலே விருது.. இதான் ரியல் கம்பேக்.. ரசிகர்களின் வாழ்த்து மழையில் அல்லு அர்ஜூன்..

நன்றி சொன்ன அல்லு அர்ஜூன்

இதையடுத்து அல்லு அர்ஜூன் அவரது எக்ஸ் (முன்னர் ட்விட்டர்) தளத்தில், 'புஷ்பா 2 படத்துக்காக சிறந்த நடிகருக்கான கத்தார் விருதைப் பெற்றதற்கு பணிவும் நன்றியும் தெரிவித்துக் கொள்கிறேன்' என்று எழுதினார். தெலங்கானா அரசுக்கு நன்றி தெரிவித்த அவர், 'தெலங்கானா அரசு, மாண்புமிகு முதல்வர் ரேவந்த் ரெட்டி அவர்கள், துணை முதல்வர் அவர்கள், ஒளிப்பதிவு அமைச்சர் அவர்கள், தில் ராஜூ அவர்கள் மற்றும் நடுவர் குழு உறுப்பினர்கள் அனைவருக்கும் நன்றி.

இந்த கௌரவத்திற்கும், சினிமா துறைக்கான இத்தகைய அற்புதமான முயற்சி எடுத்து அதனை கொண்டாடியதற்கும் எனது மனமார்ந்த நன்றிகள்' என்று கூறினார். மேலும் அல்லு அர்ஜுன் தனது ரசிகர்களுக்கும் நன்றி தெரிவித்தார். அதோடு மற்ற வெற்றியாளர்களுக்கும் வாழ்த்து தெரிவித்தார்.

இது தான் ரியல் கம்பேக்

அல்லு அர்ஜுன் ரசிகர்கள் இதை 'கம்பேக்' என்று அழைக்கிறார்கள். ரெவந்த் ரெட்டியிடமிருந்து புஷ்பா 2 படத்துக்காக நடிகர் விருது பெற்றதைப் பார்த்த பிறகு அர்ஜுனின் ரசிகர்கள் அமைதியாக இருக்க முடியவில்லை. தெலங்கானா அரசு நெரிசல் வழக்கில் நடிகரை விமர்சித்த பல வீடியோ கிளிப்புகள் மற்றும் இப்போது அவருக்கு விருது வழங்குவது எக்ஸ் தளத்தில் வெளிவரத் தொடங்கியது.

வழக்கு போட்டவரிடமிருந்தே விருது

ஒரு ரசிகர், 'புஷ்பா 2 நெரிசல் வழக்கில் அல்லு அர்ஜூனை கைது செய்த அதே ரெவந்த் ரெட்டி, இப்போது புன்னகைத்து புஷ்பா 2 படத்துக்காக அல்லு அர்ஜுனுக்கு சிறந்த நடிகருக்கான விருதை வழங்குகிறார். இது நல்லது அல்லு அர்ஜூன்' என்று எழுதினார்.

மற்றொருவர் அர்ஜுனின் வீட்டில் நடந்த போராட்டங்களின் வீடியோவையும், அவர் இப்போது மேடையில் ஆற்றிய உரையையும் பதிவிட்டு, 'இது தான் கம்பேக்.. ரபபரபபபா' என்று எழுதினார். மற்றொருவர், 'சகோதரரின் கம் பேக் என்பது அவர் மீது வழக்கு போட்டவரிடமிருந்து ஒரு மதிப்புமிக்க விருதைப் பெற்றது போல இருக்க வேண்டும்' என்று எழுதினார்.

மற்றொருவர் ரேவந்த் அர்ஜுனை விமர்சித்த கிளிப்பிங்குகளையும், அவர் கத்தார் விருதைப் பெற்றதையும் இணைத்து, 'இந்த கம்பேக் அல்லு அர்ஜூனை தனிப்பட்ட முறையில் வெற்றி பெற செய்துள்ளது. என்னுடைய ஹீரோ மறுபடியும் ஜெயித்துள்ளார். லவ் யூ அல்லு அர்ஜூன் என்றார்.

புஷ்பா 2 நெரிசல் வழக்கு

டிசம்பர் 4, 2024 அன்று, ஹைதராபாத்தில் உள்ள சந்தியா திரையரங்கில் புஷ்பா 2: தி ரூல் படத்தின் பிரீமியரின்போது ஏற்பட்ட நெரிசலில் ஒரு பெண் இறந்தார் மற்றும் அவரது இளம் மகன் ஆபத்தான நிலையில் மருத்துவமனையில் அனுமதிக்கப்பட்டார். அல்லு அர்ஜுனும் அவரது குடும்பத்தினரும் சம்பவத்தின்போது திரையரங்கில் இருந்தனர்.

இந்த விவகாரத்தில் அல்லு அர்ஜூன் அவரது பாதுகாப்பு மற்றும் திரையரங்க நிர்வாகம் மீது வழக்கு பதிவு செய்யப்பட்டது. நடிகர் டிசம்பர் 13 அன்று கைது செய்யப்பட்டார் மற்றும் சில மணி நேரங்களில் உயர் நீதிமன்றத்தால் இடைக்கால ஜாமீன் வழங்கப்பட்டது. இருப்பினும், அவர் விடுவிக்கப்படுவதற்கு முன்பு இரவு முழுவதும் சிறையில் கழித்தார்.

இந்த விவகாரத்தில் நடிகர் அல்லு அர்ஜூன் பின் மன்னிப்பு கேட்டதோடு காயமடைந்த சிறுவனுக்கான மருத்துவ செலவுகளை கவனித்துக்கொண்டார். முதல்வர் ரெவந்த் உட்பட தெலங்கானா அரசும், காவல்துறையும் அர்ஜுனை விமர்சித்தனர். அல்லு அர்ஜூன் முன் அனுமதி இல்லாமல் திரையரங்கிற்கு வந்ததாக குற்றம் சாட்டினர்.