Netflix: அடேங்கப்பா..ஒரே நாளில் இத்தனை அறிவிப்பா? தட்டித் தூக்கும் நெட்ஃபிளிக்ஸ்

இதனால் இந்தியாவில் நெட்ஃபிளிக்ஸ் நிறுவனத்தின் வாடிக்கையாளர்கள் குறைந்ததாக சொல்லப்படுகிறது. இந்த நிலையில் பிற ஓடிடி நிறுவனங்களுடனான போட்டியை சமாளிக்க நெட்ஃபிளிக்ஸ் நிறுவனம் 2023 ஆம் ஆண்டு வெளியாகும் முக்கியமான படங்களின் ஓடிடி உரிமையை கைப்பற்றி வருகிறது; அந்த வகையில் நேற்றைய தினம் 2023 ஆம் ஆண்டு தங்கள் நிறுவனம் கைப்பற்றி இருக்கும் 16 தெலுங்கு படங்களின் விவரங்களை வெளியிட்டது. இந்த நிலையில் இன்றைய தினம் அதே பாணியில் 2023 ஆம் ஆண்டு தங்களது ஓடிடி தளத்தில் வெளியாகும் தமிழ் படங்களின் பட்டியலை வெளியிட்டு இருக்கிறது.

அந்த படங்களின் விபரங்கள் இங்கே!

நடிகர் அஜித் நடிப்பில் உருவாக இருக்கும் ஏகே 62 படத்தின் ஓடிடி உரிமையை நெட்ஃபிளிக்ஸ் நிறுவனம் கைப்பற்றி இருக்கிறது. இந்த படத்தை இயக்குநர் விக்னேஷ் சிவன் இயக்குகிறார்.

நடிகர் விக்ரம் நடிப்பில் இயக்குநர் பா.ரஞ்சித் இயக்கத்தில் உருவாகி வரும் தங்கலான் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

ராகவா லாரன்ஸ் நடிப்பில் உருவாகி வரும் சந்திரமுகி 2 பாகத்தின் ஓடிடி உரிமையை நெட்ஃபிளிக்ஸ் நிறுவனம் கைப்பற்றி இருக்கிறது. இந்த படத்தை இயக்குநர் பி.வாசு இயக்கி வருகிறார். பாகுபலி, ஆர்.ஆர்.ஆர் உள்ளிட்ட படங்களின் மூலம் கவனம் ஈர்த்த கீரவாணி இந்தப்படத்திற்கு இசையமைக்கிறார்.

லைகா நிறுவனத்தின் தயாரிப்பில் ஜெய் மற்றும் ஐஸ்வர்யா ராஜேஷ் நடிப்பில், இயக்குநர் ரோகிண் வெங்கடேசன் உருவாகும் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

விஷ்ணு விஷால் நடிப்பில் இயக்குநர் பிரவீன் இயக்கத்தில் பான் இந்தியா படமாக உருவாகி வரும் ஆர்யன் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது. அதே போல கடந்த ஆண்டு விஷ்ணு விஷால், பொன்னியின் செல்வன் படப்புகழ் ஐஸ்வர்யா லட்சுமி ஆகியோரது நடிப்பில் வெளியாகி வரவேற்பை பெற்ற கட்டா குஸ்தி படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

நடிகர் ஜெயம் ரவி நடிப்பில் இயக்குநர் அஹமத் இயக்கத்தில் உருவாகி வரும் இறைவன் படத்தின் ஓடிடி உரிமையை நெட்ஃபிளிக்ஸ் நிறுவனம் கைப்பற்றி இருக்கிறது.

பொட்டன்சியல் ஸ்டூடியோஸ் தயாரிப்பில் இயக்குநர் யுவராஜ் தயாளன் இயக்கத்தில் உருவாகும் இறுகப்பற்று படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

ராஜூமுருகன் இயக்கத்தில் நடிகர் கார்த்தி நடிப்பில் உருவாகி வரும் ஜப்பான் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

கார்த்திக் சுப்புராஜ் இயக்கத்தில் நடிகர் ராகவா லாரன்ஸ், எஸ்.ஜே.சூர்யா ஆகியோரது நடிப்பில் உருவாகி வரும் ஜிகிர் தண்டா படத்தின் இரண்டாம் பாகத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

நடிகர் அமைச்சருமான உதயநிதி ஸ்டாலின் நடிப்பில், இயக்குநர் மாரி செல்வராஜ் இயக்கத்தில் உருவாகி வரும் மாமன்னன் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

வித்தார்த் மற்றும் யோகிபாபு ஆகியோர் நடிப்பில் உருவாகும் லைகா நிறுவனத்தின் 18 ஆவது படத்தின் ஓடிடி உரிமையை கைப்பற்றிய நெட்ஃபிளிக்ஸ் நிறுவனம் நடிகர்கள் பாரதிராஜா மற்றும் அருள்நிதி இணைந்து நடிக்கும் லைகா நிறுவனத்தின் 24 ஆவது படத்தின் ஓடிடி உரிமையையும் கைப்பற்றி இருக்கிறது. இந்த படத்தை ஹரிஷ் பிரபு இயக்குகிறார்.

நடிகர் வடிவேலு நடிப்பில் இயக்குநர் சுராஜ் இயக்கத்தில் கடந்த ஆண்டு வெளியாகி கலவையான விமர்சனங்களை பெற்ற நாய் சேகர் ரிட்டர்ன்ஸ் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

நடிகை கீர்த்தி சுரேஷ் நடிப்பில் உருவாகி வரும் ரிவால்வர் ரீட்டா படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது.

சமுத்திரக்கனி, கதிர், வசுந்திரா ஆகியோரது நடிப்பில் உருவாகி வரும் தலைக்கூத்தல் படத்தின் ஓடிடி உரிமையையும் நெட்ஃபிளிக்ஸ் நிறுவனம் கைப்பற்றி இருக்கிறது;

டைட்டில் / புராஜெக்ட்: வரலாறு முக்கியம்,

மொழி: தமிழ், இந்தி

டைட்டில் / புராஜெக்ட்: புரொடக்ஷன் நம்பர் 20,

மொழி: தமிழ்