‘8 மாதங்களில் 42 கிலோ எடை குறைத்தேன்.. கெரியர் முடிஞ்சிட்டு சொல்றவங்களுக்கு என்னொட பதில் இதுதான்’ - அஜித்குமார் பேட்டி!

8 மாதத்தில் 42 கிலோ எடை குறைத்தேன்

2024 ஆகஸ்ட் முதல் இன்று வரை கடந்த 8 மாதங்களில் 42 கிலோ வரை உடல் எடையை குறைத்திருக்கிறேன்; சரியான உணவு கட்டுப்பாடு, உணவு முறைகள், நீச்சல், சைக்கிளிங் போன்றவை என் உடல் எடையை குறைக்க உதவி இருக்கின்றன.

மேலும் படிக்க | 'ஷாலினி என்னை தாழ்ந்து போக விட்டதே இல்லை.. இது அவருக்கான மரியாதை..' -பத்ம பூஷண் அஜித் குமார்

இப்போது முழுக்க முழுக்க சைவ உணவிற்கு மாறி இருக்கிறேன். எல்லா தவறான பழக்கங்களுக்கும் முழுக்கு போட்டாயிற்று; ரேசிங்கிற்கு தேவையான உடல்தகுதியை பெறுவதற்கு என்னவெல்லாம் செய்ய முடியுமோ அவை அனைத்தையும் செய்து கொண்டிருக்கிறேன்.

ஏனெனில் நீண்டகால ரேஸ்கள் மிகவும் கஷ்டமாக இருக்கும். ரேசிங்கில் உச்ச நிலையை அடைய, ரேசிங்கிற்கு என் முழு இதயத்தையும் ஆன்மாவையும் கொடுக்க வேண்டும். நான் அதனை இப்போது செய்து கொண்டிருக்கிறேன்’ என்று பேசினார்.

ஒரு காலக்கட்டத்தில் ரேசிங்கையும், சினிமாவையும் மாறி மாறி செய்து கொண்டிருந்தேன். அதனால், ஏற்ற இறக்கங்கள் இருந்தன; ஒரு கட்டத்தில் அது ஒர்க் அவுட் ஆகாது என்பது நன்றாக தெரிந்து விட்டது. இந்த நிலையில் தான் ரேசிங்கின் பொழுது படம் தொடர்பான கமிட்மெண்டுகள் இல்லாமல் இருக்க வேண்டும் என்று முடிவெடுத்தேன்.

மேலும் படிக்க | மிடுக்கான நடை.. மனமார்ந்த புன்னகை.. பத்ம பூஷண் விருதினை கைகளில் ஏந்தினார் அஜித் குமார்..

ஓய்வு கிடையாது

நவம்பர் முதல் பிப்ரவரி மாதம் வரையிலான ரேஸ் இல்லாத காலகட்டத்தில் ஒரு படம் நடிக்க முடிந்தால் ஒவ்வொரு ஆண்டும் என்னால் ஒரு படத்தை வெளியிட முடியும்; இப்படி செய்தால் அடுத்த ஆறு ஆண்டுகளுக்காவது ரேசிங்கில் என்னால் நான் கவனம் செலுத்த முடியும்.

அது அணியின் உரிமையாளராக இருந்தாலும் சரி, ஓட்டுனராக இருந்தாலும் சரி.. ஒரு நடிகராகவ ம் எனது பெயரை நான் காப்பாற்ற வேண்டி இருக்கிறது. ரேசிங் மற்றும் சினிமா என இரண்டு துறைக்கும் தனித்தனியாக நேரம் ஒதுக்குவது என்பது என்னுடைய சினிமா கெரியர் முடிந்து விட்டது என்று விமர்சனம் செய்பவர்களை சாந்தப்படுத்தும்.’என்று பேசினார்.