Ajithkumar: திரும்பவும் சொல்றேன்.. மதம் மத்தவங்கள வெறுக்க வைக்கும்.. ட்ராவல் பண்ணும் போதுதான் நீங்க யார்னு’ -அஜித்குமார்

நான் என்னுடைய குழந்தைகளுக்கு இதைத்தான் சொல்லிக் கொடுக்கிறேன். பள்ளிக்குச் செல்லுங்கள்; உங்களுக்கு தேவையான கல்வியைப் பெற்றுக் கொள்ளுங்கள்; குறிப்பாக கம்யூனிகேஷன் தொடர்பான திறன்களை வளர்த்துக் கொள்ளுங்கள்.

எல்லாவற்றையும் விட வாழ்க்கைக்கு மிக மிக முக்கியமானது பயணம்தான். நீங்கள் பயணம் செய்யும்பொழுது, வெவ்வேறு விதமான மனிதர்களை சந்திப்பீர்கள். வெவ்வேறு விதமான கலாச்சாரம் பற்றி உங்களுக்கு தெரியவரும். இந்த பழமொழியை நான் ஏற்கனவே கூறியிருக்கிறேன்; மதம் என்பது நீங்கள் முன் பின் தெரியாத மக்களை வெறுக்க வைக்கும். இது உண்மையை பிரதிபலிப்பதாக நான் நினைக்கிறேன். உங்களுடைய உண்மையான கேரக்டர் உங்களுக்குத் தெரியும்.

நீங்கள் பயணம் செய்யும்பொழுது, நீங்கள் எவ்வளவு சிறியவர் என்பதும், இந்த உலகம் எவ்வளவு சிறியது என்பது உங்களுக்கு புலப்படும். விளையாட்டு, உங்களுக்கு வெற்றி மற்றும் தோல்வியை எப்படி கையாள வேண்டும் என்பதை சொல்லிக் கொடுக்கும். நிறைய உலகத் தலைவர்கள் விளையாட்டில் கவனம் செலுத்துவதற்கான காரணம் இதுதான். ஆகையால் வாழ்க்கையில் விளையாட்டும் பயணமும் மிக மிக முக்கியமான ஒன்றாகும்’ என்று பேசினார்.

வெறுப்பு பேச்சு முடிவுக்கு வர வேண்டும்

மேலும் அந்தப் பேட்டியில், சமூக வலைதளங்கள் தற்போது மிகவும் அபாயகரமானதாக மாறியுள்ளது. நம் வாழ்க்கை மிகவும் சிறியது. அதில் நாம் ஏன் இவ்வளவு ஆபத்தானவர்களாகவும் கொடிய சிந்தனை கொண்டவர்களாகவும் இருக்க வேண்டும்.

சமூக வலைதளங்களில் காணப்படும் வெறுப்பு பேச்சுகல் பிரபலங்கள் மட்டுமல்ல தனிப்பட்ட நபர்களையும் பாதிக்கிறது. எனவே தயவ செய்து பொய்யான கருத்துகளையும் வெறுப்பு கருத்துகளையும் பரப்பாதீர்கள். இவை அனைத்தும் முடிவுக்கு வர பிரார்திக்கிறேன்.

நீங்கள் எப்போது வாழப் போகிறீர்கள்?

மற்றவர்கள் உங்களை என்ன சொல்கிறார்கள் என்பதைப் கேட்க காத்திருக்காதீர்கள். அதற்காக நேரமும் செலவிடாதீர்கள். உங்களது முழு கவனமும் உங்களது வாழ்க்கை பற்றியதாகத் தான் இருக்க வேண்டும்.

அஜித் வாழ்க, விஜய் வாழ்க என எப்போதும் சொல்லிக் கொண்டே இருக்கிறீர்கள். இப்படி இருந்தால் நீங்கள் எப்போது வாழப் போகிறீர்கள்? நம் எண்ணம் போல் தான் வாழ்க்கை அமையும். நாம் நிகழ்காலத்தில் வாழ விரும்பினால் அடுத்தவர்களிடம் கருணையுடன் நடந்து கொள்ள வேண்டும்.’ என்றார் 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.