This Week OTT: வெளியானது விடாமுயற்சி.. காத்திருக்கும் குடும்பஸ்தன்.. இந்த வார ஓடிடியில் என்னென்ன படங்கள் ரிலீஸ்..

குடும்பஸ்தன்

தமிழ் காமெடி டிராமா திரைப்படம் குடும்பஸ்தன். மணிகண்டன் நடிப்பில் உருவான இந்த ஃபேமிலி டிராமா படம் மார்ச் 7 ஆம் தேதி ஜீ5 ஓடிடி தளத்தில் ஸ்ட்ரீமிங்கிற்கு வர உள்ளது. இப்படத்தில் மணிகண்டனுடன், குரு சோமசுந்தரம், சுந்தரராஜன் ஆகியோர் முக்கிய வேடங்களில் நடித்துள்ளனர். ராஜேஸ்வர் காளிஸ்வாமி இயக்கியுள்ள இப்படம் ஜனவரி 24 ஆம் தேதி திரையரங்குகளில் வெளியாகி நல்ல வரவேற்பைப் பெற்றுள்ளது.

தண்டேல்

யுவ சாம்ராட் நாக சைதன்யா, சாய் பல்லவி நடிப்பில் உருவாகியுள்ள தண்டேல் திரைப்படம் இந்த வாரம் ஓடிடியில் வெளியாக உள்ளது. இந்த படம் மார்ச் 7 ஆம் தேதி நெட்ஃபிளிக்ஸ் ஓடிடி தளத்தில் வெளியாக உள்ளது. தெலுங்கு மொழியுடன், தமிழ், மலையாளம், கன்னடம், இந்தி ஆகிய மொழிகளிலும் இப்படம் ஸ்ட்ரீம் செய்யப்பட உள்ளது.

மேலும் படிக்க: பாதி உண்மை.. பாதி கற்பனை.. எப்படி இருக்கிறது தண்டேல்! டைரக்டர் விளக்கம்

தண்டேல் திரைப்படம் பிப்ரவரி 7 ஆம் தேதி திரையரங்குகளில் வெளியாகி, ரூ.100 கோடிக்கும் மேல் வசூலித்து பிளாக்பஸ்டர் ஹிட்டாகியுள்ளது. நிஜ நிகழ்வை அடிப்படையாகக் கொண்டு உருவாக்கப்பட்ட இந்த ரொமாண்டிக் ஆக்‌ஷன் திரில்லரை சந்தூ மொண்டேட்டி இயக்கியுள்ளார். தேவி ஸ்ரீ பிரசாத் இசையமைத்துள்ளார்.

ரேகாசித்ரம்

ரேகாசித்ரம் திரைப்படம் மார்ச் 7 ஆம் தேதி சோனி லிவ் ஓடிடி தளத்தில் ஸ்ட்ரீமிங்கிற்கு வர உள்ளது. இந்த மலையாள மர்ம குற்றத் திரில்லர் திரைப்படத்தில் ஆசிஃப் அலி, அனஸ்வரா ராஜன் முக்கிய வேடங்களில் நடித்துள்ளனர். ஜோஃபின் டி சாக்கோ இயக்கியுள்ளார். சோனி லிவ் தளத்தில் இப்படம் மலையாளத்துடன், தெலுங்கு, தமிழ், இந்தி, கன்னடம் ஆகிய மொழிகளிலும் ஸ்ட்ரீமிங்கிற்கு வர உள்ளது. ரேகாசித்ரம் திரைப்படம் மலையாளத்தில் ஜனவரி 9 ஆம் தேதி திரையரங்குகளில் வெளியாகி சூப்பர் ஹிட்டாகியுள்ளது. திருப்பங்களுடன் இப்படம் நகரும். இந்த திரைப்படத்தை மார்ச் 7 முதல் சோனி லிவ்வில் காணலாம்.

மேலும் படிக்க: சுழலை கொண்டாடும் மக்கள்.. அமேசான் ஓடிடி தளத்தில் ட்ரெண்ட் ஆன சுழல் 2 வெப் சீரிஸ்

நாதானியா

நாதானியா திரைப்படம் நெட்ஃபிளிக்ஸ் ஓடிடி தளத்தில் மார்ச் 7 ஆம் தேதி நேரடியாக ஸ்ட்ரீமிங்கிற்கு வர உள்ளது. இந்த ரொமாண்டிக் டிராமா படத்தில் பாலிவுட் ஸ்டார் நடிகர் சைஃப் அலி கான் மகன் இப்ராஹிம் அலி கான் ஹீரோவாக நடித்துள்ளார். இப்படத்தின் மூலம் அவர் அறிமுகமாகிறார். இப்படத்தில் குஷி கபூர் ஹீரோயினாக நடித்துள்ளார். இப்படத்தை சௌனா கௌதம் இயக்கியுள்ளார்.