Ajith Kumar: 'ஏழை குரல் உங்களுக்கு கேட்க வாய்ப்பில்லை'அமீர்கானுக்கு உதவிய அஜித்தை வம்புக்கு இழுக்கும் போஸ் வெங்கட்!
Bose Venkat: உங்களை விரும்பும்.. டிக்கெட் எடுத்து உங்களை பார்க்கும் ஏழை குரல் உங்களுக்கு எப்போதும் கேட்க வாய்ப்பில்லை.,, போஸ் வெங்கட் காட்டம்
மழை வெள்ளத்தில் சிக்கி அமீர் கானுக்கு உதவிய அஜித் குமாரை நடிகரும் இயக்குநருமான போஸ் வெங்கட் கடுமையாக விமர்சித்துள்ளார். இதுகுறித்து அவர் வெளியிட்டுள்ள எக்ஸ் பதிவில் கூறப்பட்டுள்ளதாவது,
வந்தோரை வாழ வைக்கும் தமிழ்நாடு.. இங்கிருக்கும் அத்தனை வட நாட்டவரையும் தமிழகம் காக்கும்....
(உங்களுக்குள் நல்ல இணைப்பு உண்டு).. ஆனால் உங்களை விரும்பும்.. டிக்கெட் எடுத்து உங்களை பார்க்கும் ஏழை குரல் உங்களுக்கு எப்போதும் கேட்க வாய்ப்பில்லை.,,( ஒரு போட் அவனுக்கும் விட்டிருக்களாம்) இவ்வாறு அதில் கூறப்பட்டுள்ளது.
சென்னை காரப்பாக்கத்தில் இருந்து மீட்கப்பட்ட நடிகர் அமீர்கான் விஷ்ணு விசாலுக்கு நடிகர் அஜித்குமார் ஓடிச்சென்று உதவியது இணையத்தில் வைரலானது. இதுகுறித்த புகைப்படம் தற்போது இணைத்தில் வைரலாகி வருகிறது.
ஒரே நாளில் தலைநகர் சென்னை முழுவதும் தத்தளிக்கும் அளவிற்கு மிகப்பெரிய தாக்கத்தை ஏற்படுத்தி இருக்கிறது மிக்ஜாம் புயல். சூறாவளிக் காற்றுடன் பெய்த வரலாறு காணாத கனமழை காரணமாக சென்னையின் பல்வேறு பகுதிகள் வெள்ளக்காடாக மாறியுள்ளது.
இடைவிடாது கொட்டி தீர்த்த இந்த கனமழையால் சென்னையின் பெரும்பாலான பகுதிகளில் தண்ணீர் தேங்கி குளம் போல காட்சியளித்தது. இதனால் பொதுமக்களின் இயல்பு வாழ்க்கை முற்றிலுமாக முடங்கியது. வேளச்சேரி, பூந்தமல்லி, ஆவடி உள்ளிட்ட பகுதிகளில் இன்னும் மழை தண்ணீர் தேங்கியுள்ளதால் பொதுமக்கள் கடும் சிரமத்திற்கு ஆளாகி வருகின்றனர். புயல் மழையால் கனமழையால் விமான சேவை, ரயில் சேவை, பேருந்து சேவை, புறநகர் ரயில் சேவை என அனைத்தும் முடங்கி போயிருக்கிறது.
இந்நிலையில் சென்னை காரப்பாக்கத்தில் உள்ள தன்னுடைய வீட்டை மழைநீர் சூழ்ந்துள்ளதாக விஷ்ணு விஷால் எக்ஸ் தளத்தில் பதிவிட்டதை தொடர்ந்து, மீட்கப்பட்ட விஷ்ணு விஷாலுடன் அமீர் கானையும் படகு மூலம் தீயணைப்புத்துறையினர் மீட்டனர். இந்த புகைப்படத்தை பார்த்த பலரும் ஆச்சரியம் அடைந்தனர்.
இந்த நிலையில் விஷ்ணு விஷால் மீண்டும் பதிவிட்டிருந்தார். அதில் “ஒரு பொதுவான நண்பர் மூலம் எங்கள் நிலையை அறிந்து எப்போதும் உதவும் குணம் கொண்ட அஜித் சார் எங்களை பார்க்க வந்தார். எங்கள் வில்லாவில் இருந்தவர்களுக்கும் எனக்கும் போக்குவரத்து உதவிகளை ஏற்பாடு செய்தார். லவ் யூ அஜித் சார்” என்று குறிப்பிட்டுள்ளார். இதில் அமீர் கான், விஷ்ணு விசாலுடன் அஜித்குமார் எடுத்துக் கொண்ட புகைப்படத்தை விஷ்ணு விஷால் பகிர்ந்துள்ளார். இந்த புகைப்படம் இணையத்தில் தற்போது வைரலாகி வருகிறது.
கடந்த சில மாதங்களாக தன் தாயாரை மருத்துவமனையில் இருந்து கவனித்துக்கொள்வதற்காக சில மாதங்களுக்கு முன்னால் சென்னைக்கு அமீர் கான் குடிபெயர்ந்தார் என்பது குறிப்பிடத்தக்கது.
முன்னதாக நடிகரும், தயாரிப்பாளருமான விஷ்ணு விஷால் வெளியிட்ட பதிவில், எனது வீட்டிற்குள்ளும் தண்ணீர் புகுந்துள்ளது. காரப்பாக்கத்தில் தேங்கி கிடக்கும் தண்ணீரின் அளவு உயர்ந்து வருவதால் நிலைமை மிக மோசமாகி வருகிறது.
உதவிக்காக அழைத்துள்ளேன். மின்சார வசதி இல்லை, வைஃபை சேவை துண்டிக்கப்பட்டிருக்கிறது. செல்போன் சிக்னலும் இல்லை, எதுவுமே இல்லை. ஒரு குறிப்பிட்ட இடத்தில் மொட்டை மாடியில் மட்டுமே எனக்கு சில சிக்னல் கிடைக்கிறது.
எனக்கும் என்னை போன்று சிரமத்திற்கு ஆளாகியுள்ளவர்களுக்கும் ஏதாவது உதவி கிடைக்கும் எனநம்புகிறேன். சென்னை முழுவதும் உள்ள மக்களின் உணர்வுகளை என்னால் புரிந்துகொள்ள முடிகிறது. உறுதியாக இருங்கள் என இதய இமோஜியோடு விஷ்ணு விஷால் பதிவிட்டிருந்தார் என்பது குறிப்பிடத்தக்கது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
https://twitter.com/httamilnews
https://www.facebook.com/HTTamilNews
https://www.youtube.com/@httamil
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்