Good Bad Ugly Review: தமிழ்நாடு தியேட்டர் எல்லாம் என்ன ஆக போகுதோ? குட் பேட் அக்லிக்கு குவியும் பாசிட்டிவ் விமர்சனங்கள்..

இருப்பினும், படத்தில் கதை அல்லது உணர்ச்சிபூர்வமான தொடர்புகள் எல்லாம் அதிகம் இல்லை, மேலும் பல வழக்கமான பில்ட்-அப்கள், ஹைப்புகள் இருக்கின்றன. பின்னணி இசை பொருத்தமாக இருக்கிறது, ஆனால் நிச்சயமாக இன்னும் சிறப்பாக இருந்திருக்கலாம். சில காட்சிகள் படத்தை தூக்கி நிறுத்துவது போல உள்ளது.

படம் எதிர்பார்ப்புகளை முழுமையாக பூர்த்தி செய்யாமல் போனாலும் நிச்சயமாக சமீபத்திய காலங்களில் அஜித்தின் சிறந்த படம் இதுவாகத்தான் இருக்கும். சில சுவாரஸ்யமான மாஸ் தருணங்களுக்கும் ஒரு விண்டேஜ் மாஸ் அஜித்தைப் பார்க்கவும் இந்தப் படத்தை பார்க்கலாம் எனக் கூறி படத்திற்கு 2.75/5 ரேட்டிங் வழங்கியுள்ளார்.

இன்டஸ்ட்ரி பிளாக் பஸ்டர்

"இது வெறும் படம் இல்லை, அஜித்தின் நட்சத்திர அந்தஸ்தை கொண்டாடும் படம். இதுவரை இல்லாத அளவுக்கு மிகவும் பொழுதுபோக்கு நிறைந்த அஜித் படமாக குட் பேட் அக்லி இருக்கிறது. எல்லா காலத்திலும் இண்டஸ்ட்ரி பிளாக்பஸ்டராக இது இருக்கும். அஜித்தின் சினிமா வாழ்க்கையில் நீங்க தான் சிறந்த ரசிகர்" என ரசிகர் ஒருவர் படத்தின் இயக்குநர் ஆதிக் ரவிச்சந்திரனை பாராட்டி உள்ளார்.

தமிழ்நாடு என்ன ஆகப் போகுதோ..

தமிழ்நாட்டில் காலை 9 மணிக்கு தான் அஜித்தின் குட் பேட் அக்லி படம் ரிலீஸ் ஆக உள்ள நிலையில், ஐக்கிய அரபு எமிரேட்ஸில் படம் பார்த்த நபர் ஒருவர் அவரது கருத்தை பதிவிட்டுள்ளார். அதில், குட் பேட் அக்லி படத்தின் முதல் நாள் முதல் ஷோ பார்த்தேன். தமிழ்நாடு என்ன ஆகப் போகுதோ? இது ஐக்கிய அரபு எமிரேட்ஸ். இங்க படம் முடிஞ்சு யாருமே தியேட்டர விட்டு வெளிய போகல. ஆடிட்டே இருக்காங்க. படம் அந்த அளவுக்கு இருக்கு. ஆதிக் ரவிச்சந்திரன் அண்ணா உங்களுக்கு நான் தலை வணங்குறேன் எனக் கூறி இருக்கிறார்.