Vinodhini Vaidyanathan:வீட்டில் நடந்த திருட்டு; ‘மனிதனை மனிதனே கொல்லும் காலம் வரும்’ - ட்விட்டரில் வினோதினி வேதனை!
பிரபல நடிகை வினோதினி வைத்தியநாதன் தன்னுடைய வீட்டில் நடந்த திருட்டு சம்பவம் குறித்து சொல்லி வேதனை தெரிவித்து இருக்கிறார்
மேடை நாடகத்தில் இருந்து திரைத்துறைக்கு வந்தவர் நடிகை வினோதினி. கடந்த 2009 ஆம் ஆண்டு வெளியான காஞ்சிவரம் திரைப்படத்தின் மூலமாக நடிகையான அறிமுகமான இவர் ஜெய் நடித்த ‘எங்கேயும் எப்போதும்’, யமுனா, வருத்தப்படாத வாலிபர் சங்கம், ஜிகிர்தண்டா, பிசாசு, ஓகே கண்மனி, பொன்னியின் செல்வன் உள்ளிட்ட பல படங்களில் நடித்து இருக்கிறார். சமூக வலைதளங்களிலும் மிகவும் ஆக்டிவாக இருக்கும் வினோதினி அண்மையில் தன்னுடைய வீட்டில் நடந்த திருட்டு சம்பவம் பற்றி ட்விட்டரில் எழுதி இருக்கிறார்.
அந்த பதிவில், “ சென்ற வாரம் என்னிடமிருந்து 2 நபர்கள் மொத்தம் 25000 ரூ திருடிவிட்டனர். (தனித்தனியே நடந்த இரு சம்பவங்கள்). இருவர் மீதும் போலீஸ் கம்ப்ளையிண்ட் தரப்பட்டு இந்த வாரத்திற்குள் பணத்தைத் திரும்பத் தருவதாக வாக்கு கொடுத்திருக்கிறார்கள். ஆனால் எனக்கு நம்பிக்கையில்லை.
அவர்கள் இருவரும் வறுமைக்கோட்டிற்கு கீழ் இல்லையென்றாலும், ஒரு வகையான அன்னாடங்காச்சிகள் தான். ஒருவர் வீட்டு painter. மற்றொருவர் mechanic. தேவைக்காக பணம் திருடிவிட்டனர். CCTV footage இருந்ததால் ஒருவர் ஒப்புக்கொண்டார். மனைவியின் நம்பருக்கு அழைத்து கழுவி ஊத்தியதாலும் அந்த மனைவியுடன் இவர் இப்பொழுது வாழாததாலும் மற்றொருவர் ஒப்புக்கொண்டார். இருவரும் நன்றாக வேலை செய்யக்கூடியவர்கள். In fact, அந்த மெக்கானிக்கை எங்களுக்கு பல வருடங்களாகத்தெரியும். அந்த painter தனியாக project வாங்கியும், Urban Company என்ற corporate-லும் contract வேலைப் பார்க்கிறவர்.
சாதாரணமாக, இப்படிப்பட்டவர்கள் உழைத்து சாப்பிடவே நினைப்பார்கள். Lower to middle classஇல் இருக்கும் இதுபோன்றவர்கள் தங்களது குடும்பத்திற்காகவும், குழந்தைகளுக்காகவும் பல aspirationsஓடு வாழ்வர். தனது வாழ்க்கைத்தரத்தை உயர்த்த கடுமையாக உழைப்பார்கள். பின் இவர்களை (அதாவது களவுக்குப் பரிச்சயமில்லாதவர்களை) எது திருடத்தூண்டுகிறது? இன்றைய காலகட்டமும், நாம் வாழும் சமூகச்சூழலும்தானே.
Demonetisation, GST, state taxes, inflation, petrol hike, electricity hike, low quality of goods, increasing divide between rich and poor, high interest rates என்று பொது மக்கள் நசுக்கப்பட்டுக் கொண்டிருக்கிறார்கள். ஒரு ஏழைக்குடும்பத்திற்கு கூட சென்னை போன்ற metroவில் மாதம் 20-25000 ரூ தேவைப்படுகிறது. இதில் அதிக நேர வேலை, traffic, அதனால் ஏற்படும் உடல் மற்றும் மனக்கோளாறுகள், சம்பளங்கள் சரியான நேரத்திற்கு வராத பிரச்சனைகள், corporateகளுடைய vendorகளாக வேலை செய்யும் delivery boys/ executivesஉடைய உழைப்பைச்சுரண்டி commission போக அவர்களுக்கு பிச்சைப்போடுவதுபோல் சம்பளம் தரும் போக்கு என இன்னும் காரணிகளை அடுக்கிக்கொண்டே போகலாம்.
இனிவரும் காலங்களில் மனிதனை மனிதன் வயிற்றுப்பசிக்காக அடித்துக்கொல்லும் வாய்ப்பும் உள்ளது. அப்படி நடந்தால் அதில் ஒரே நல்ல விஷயம் - அப்பொழுதாவது, சாதி மதம் ஒழிந்து அடுத்த வேளை சாப்பாடு/தண்ணி/காற்று உள்ளவன் - இல்லாதவன் என்ற இரண்டே பிரிவுகளாக நிற்போம்.” என்று அந்த பதிவில் குறிப்பிட்டு இருக்கிறார்.
டாபிக்ஸ்