இரவும் பகலுமாக டார்ச்சர்.. இப்போ பிச்சை எடுக்க போனீங்களா மிஸ்டர் சீமான்! வறுத்தெடுத்த விஜயலட்சுமி

சீமானுக்கு எதிராக வீடியோ

இந்நிலையில், சீமான் நடிகர் ரஜினிகாந்த்தை சந்தித்து பேசினார். அப்போது, இது அரசியல் குறித்த சந்சிப்பு தான் எனக் கூறி பரபரப்பை ஏற்படுத்தினார். இவர்கள் இருவரும் சந்தித்து பேசிய செய்தி பரபரப்பாக பேசப்பட்ட நிலையில், விஜயலட்சுமி, சீமான் ரஜினிகாந்தை சந்தித்து பேசியது தொடர்பாக வீடியோ வெளியிட்டுள்ளார்.

ரஜினி சார் வீட்டில் பிச்சை

அந்த வீடியோவில், "விஜய் அண்ணன் வீட்டில் பிச்சை எடுத்து எடுத்து பாத்தாச்சு.. அது ஒன்றும் வேலைக்கு ஆகவில்லை என அடுத்ததா போயஸ் கார்டனில் ரஜினி சார் வீட்டில் பிச்சை எடுக்க போய்ட்டீங்களா மிஸ்டர் சீமான். விஜய் அண்ணன் கிட்ட இருந்து தப்பிக்கிறதுக்கு வேற எந்த வழியும் கிடைக்கலையா?

ரஜினி சார் யார் அப்படின்னு ஞாபகம் இருக்கா? அவங்க அரசியலுக்கு வர்றேன்னு சொன்னவுடனே உங்க வாய் தான் சொன்னுச்சு. அவரு கர்நாடகா காருரு அவரு.. மேல உப்பு மிளகாய் எல்லாம் போட்டு வறுத்து எடுத்து பாக்கணும் அப்படின்னு விருப்பப்படுகிறேன் அப்படின்னு சொன்னது மறந்து போச்சா?

கேவலமான பொழப்பு

மேடை மேடையா கொச்சைப்படுத்தி பேசினீங்களே. அதை மறந்துட்டா அவர் வீட்டில் போயி பிச்சை போடுங்கன்னு நின்னுகிட்டு இருந்தீங்க. அசிங்கமா இல்ல.. என்ன ஒரு கேவலமான ஒரு பொழப்பு மிஸ்டர் சீமான்.. உங்களுடையது விஜய் அண்ணன் கிட்ட இருந்து தப்பிக்க ரஜினி சார் காலில் போய் விழுகுறீங்க. உங்க மேல வழக்கு தொடுத்தா திமுக காலில் போய் விழுகுறீங்க..

என் வாழ்க்கைய சீரழிச்சிட்டிங்க

உங்களை யாரும் நம்ப மாட்டாங்க மிஸ்டர் சீமான்.. தமிழ்நாடு மக்கள் கிட்ட சொல்றேன் யாரும் சீமான நம்பாதீங்க. நான் அவருடைய முதல் மனைவி அப்படிங்கறது உலகத்துக்கே தெரியும். என் வாழ்க்கையே சீரழிச்சு கர்நாடகாவில் தூக்கி, அனாதையாக தூக்கிப் போட்டாரு. என்னோட அக்கா நடக்கக்கூட முடியாத மோசமான நிலையில் இருக்காங்க.. அந்த நிலைமையில் கூட போன வருஷம் 50000 தர்றேன்னு சொல்லி மதுரை செல்வம்ங்கிறவன வச்சு வீட்டுக்குள்ள வந்து வீடியோக்களை வாங்கிவிட்டு ராவும் பகலுமாக டார்ச்சர் பண்ணார்..

சீமான நம்பாதீங்க

அதை தாங்க முடியாமல் தான் நான் கம்ப்ளைன்ட் கொடுத்தா என்னையும் திமுகவையும் மேடை மேடையாக கேவலமாக பேசி மக்களை ஏமாத்திட்டு சுத்திட்டு இருக்காரு. யாரும் சீமானை சப்போர்ட் பண்ணாதீங்க.. தயவு செய்து மீடியா இந்த வீடியோவை டெலிகாஸ்ட் பண்ணுங்க.. நான் ஏமாந்த மாதிரி தமிழ்நாடு மக்களை சீமான் கிட்ட ஏமாற்றத்துக்கு நான் விடவே மாட்டேன்" எனப் பேசியுள்ளார்.

அரசியல் விமர்சனம்

தமிழ் தேசியத்தை மையமாக வைத்து, கட்சி தொடங்கிய சமயத்தில் இருந்து எந்த கட்சியுடனும் கூட்டணி வைக்காமல் தேர்தலை சந்தித்து வருகிறது நாம் தமிழர் கட்சி. இதன் காரணமாக இவர், திமுக, அதிமுக, பாஜக, காங்கிரஸ் என ஆட்சி அரியணையில் இருப்பவர்களை மட்டும் விமர்சிக்கவில்லை. புதிதாக கட்சி தொடங்குவதாக அறிவித்த நடிகர் ரஜினிகாந்த், விஜய் வரை பலரையும் கடுமையாக பேசியுள்ளார்.

20 நிமிட சந்திப்பு

அப்படி நிலைமை இருக்கையில், சீமான், நடிகர் ரஜினிகாந்தை சந்தித்து அவரிடம் 20 நிமிடம் கலந்துரையாடிவிட்டு வந்திருக்கிறார். இவர்கள் இருவரும் அரசியல் குறித்து தான் பேசினார்கள் என சீமான் பத்திரிகையாளர்களிடம் கூறிய நிலையில், பலரும் சீமானை விமர்சித்து வந்தனர். இதையடுத்து, நடிகை விஜயலட்சுமியும் வீடியோ வெளியிட்டு அவரை மிக மோசமாக விமர்சித்துள்ளார்.

முன்னதாக, விஜய்யின் அரசியல் நிலைப்பாட்டை கிண்டல் செய்த சீமானை அவர் மிக மோசமாக திட்டி வீடியோ வெளியிட்ட நிலையில், இப்போது ரஜினியை சந்தித்ததற்கும் வீடியோ வெளியிட்டுள்ளார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.