தமன்னா பிரேக் அப்: காதலரை பிரிந்த தமன்னா! மிங்கிளில் இருந்து சிங்கிள் ஆன மில்கி ப்யூட்டி!

நண்பர்களாக தொடர்வோம்

இருவரும் பிரிந்தாலும் நண்பர்களாக தொடர்வார்கள் என்றும் அந்த ரிப்போர்ட் கூறுகிறது. “சில வாரங்களுக்கு முன்பு தமன்னா, விஜய் வர்மா பிரிந்துள்ளனர். ஆனால் அவர்கள் இருவரும் நல்ல நண்பர்களாக இருக்க முடிவு செய்துள்ளனர். இருவரும் தற்போது தங்கள் படப்பிடிப்புகளில் பிஸியாக உள்ளனர்” என்று அவர்களது நெருங்கிய வட்டாரங்கள் தெரிவித்ததாக மணி கண்ட்ரோல் ரிப்போர்ட் தெரிவித்துள்ளது.

விஜய்க்காக பாலிசையை கைவிட்ட தமன்னா

தமன்னா, விஜய் டேட்டிங் செய்தி முதன்முதலில் 2023 இல் லஸ்ட் ஸ்டோரீஸ் 2 என்ற ஆந்தாலஜி தொடரின் படப்பிடிப்பு நிறைவடைந்த சமயத்தில் வெளிவரத் தொடங்கியது. இவர்கள் இருவரும் இதில் முதன்முதலில் இணைந்து நடித்தனர். அதோடு தமன்னா தனது நோ கிஸ்ஸிங் பாலிசியை விட்டுவிட்டு விஜய்யுடன் கவர்ச்சியான ரொமாண்டிக் காட்சியிலும் நடித்தார்.

மேலும் படிக்க: காதலனுடன் கொண்டாட்டத்தில் இறங்கிய தமன்னா.. ஜோராக போகும் பர்த்டே பார்ட்டி

ரகசிய உறவு அல்ல

சில காலம் அவர்கள் தங்கள் உறவைப் பற்றி சொல்லாமல் இருந்தாலும், ஒரு நேர்காணலில் விஜய் வெளிப்படையாக பேசினார். அவர்களது உறவை ரகசியமாக வைத்திருக்கவில்லை என்றும், ஆனால் அதை தனியாக வைத்திருக்க விரும்புவதாகவும் அவர் கூறினார். அதன் பிறகு தமன்னாவும் டேட்டிங் பற்றி உறுதிப்படுத்தினார். இருவரும் பல நிகழ்ச்சிகளுக்குச் சென்றனர். புகைப்படங்களுக்கு போஸ் கொடுத்தனர்.

போட்டோவை நீக்கிய தமன்னா

விரைவில் திருமணம் செய்து கொள்ளப் போகிறார்கள் என்று செய்திகள் வெளியாகின. ஆனால் இதற்கிடையில் இந்த ஜோடி பிரேக் அப் செய்த செய்தி வெளியாகியுள்ளதால் ரசிகர்கள் ஏமாற்றமடைந்துள்ளனர். தமன்னா தனது சமூக வலைத்தள கணக்குகளில் இருந்து விஜய்யின் புகைப்படங்களை நீக்கியது குறிப்பிடத்தக்கது. தமன்னா தற்போது ஓ தேல 2 படத்தில் நடித்து வருகிறார். சமீபத்தில் இந்த படத்தின் டீஸர் மகா கும்பமேளாவில் வெளியிடப்பட்டது.

மேலும் படிக்க: கும்பமேளாவில் புது அவதாரம் எடுத்த தமன்னா.. 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.