'மாடு நாக்கு மூலம் என்னைத் தடவும்.. பிரதீப் ரங்கநாதன்கூட நடிக்க ஆசை’: ஓபனாக பேசிய நடிகை சுவாசிகா

முதலில் என்கிட்ட சொன்னது வயது தான். அடுத்து அதோட கேரக்டரை போனிலேயே படிப்படியாக விவரிக்க ஆரம்பிச்சிட்டார். அப்பவே தெரியுது, இந்த யசோதாங்கிற கேரக்டர் சும்மா வந்துட்டு போகிற கேரக்டர் கிடையாது. நிறைய விஷயங்களுக்கு முடிவு, எடுக்கிற மாதிரியான கேரக்டர்னு புரிஞ்சது. அது ஹைலைட்டாகவே இருந்தது. அப்போது தான் தினேஷோட நீங்க ஜோடியாகப் பண்றீங்கன்னு சொன்னாங்க. அவரும் ஒரு நல்ல ஆர்ட்டிஸ்ட்.

மேலும் படிக்க: எம்புரான் படத்தில் முல்லைப் பெரியாறு தொடர்பான காட்சிகள்.. வன்மத்தை கக்கிய பிருதிவிராஜ்.. விவசாயிகள் கடும் எதிர்ப்பு

’இயக்குநர் தமிழரசன் என்னை பார்த்ததுகூட கிடையாது’: நடிகை சுவாசிகா:

அடுத்து ஹரீஷ் கல்யாண். அவரோட படம் எல்லாம் கேரளாவில் ரிலீஸாகி எல்லோருக்கும் பிடிச்ச ஹீரோ மாதிரி வந்து இருந்தாங்க. அப்போது எனக்கு ஒரு உள்ளுணர்வு. கதையைக் கேட்டதும் ஓகே சொல்லிட்டேன்.

டைரக்டர் தமிழரசனுக்கு என் மேல் ஒரு நம்பிக்கை இருந்தது. போட்டோஷுட் எதுவும் பண்ணல. அவங்க என்னை பார்த்ததுகூட கிடையாது. எல்லாமே போன் தான். நேரில் வாங்க, நான் சொல்றது பண்ணினால் போதும்ன்னு சொன்னதை நம்பி செய்த படம் தான், லப்பர் பந்து.

லப்பர் பந்து படத்தில் என்னோட இன்ட்ரோ சீன், இறைச்சிக் கடையில் வொர்க் செய்ற மாதிரி இன்ட்ரோ. வீட்டில் முடிவு எடுக்கிறதே, யசோதா கேரக்டர் தான். தேவதர்ஷினி மேம்கிட்ட பேசுற வசனம் அந்த மாதிரி நிறைய சீன் யசோதா கேரக்டருக்கு இருந்தது. அதெல்லாம் தான் என்னை ஸ்ட்ராங்காக காட்டியது.

பருத்திவீரன் பிரியா மணி மேம், தென்மேற்கு பருவக்காற்று சரண்யா மேம் கேரக்டர் மாதிரின்னு சொன்னாங்க. அதற்காக, அந்த படங்களைத் திரும்பப் பார்த்து நடக்கும் விதம், சேலையை மடிக்கிற விதம் இதெல்லாம் மைண்டில் வைச்சுக்கிட்டேன். ஸ்பாட்டில், அதை பிராக்டீஸ் செய்தேன். நார்மல் சேலை அப்படிங்கிறது நமக்கு டிப்டாப் ஆக போறமாதிரி தான். லப்பர் பந்து படத்தில் யசோதாவுக்கு சேலை என்பது ஒரு கை, கால் மாதிரி தான்.

மேலும் படிக்க: 'விஜய் எதிரியா உங்களுக்கு?’ என வறுத்தெடுத்த த.வெ.க ப்ரோ.. 'எதிரியெல்லாம் கிடையாது’ என்று பம்மிய பவர்ஸ்டார் சீனிவாசன்!

'டிராக்டர் ஓட்ட ஒரு வாரம் பிராக்டீஸ்’ - நடிகை சுவாசிகா

அப்புறம் டிராக்டர் ஓட்ட ஒரு வாரம் பிராக்டீஸ், மாடு ஓட்ட ஒருவாரம் பிராக்டீஸ் கேரளாவிலேயே எடுத்தேன். அது உண்மையிலேயே ஹெல்ப் ஃபுல் ஆக இருந்தது.

எனக்குப் பிராணிகள் என்றாலே பயம். மாடுக்கு ஃபுட் வைக்கும்போது எல்லாம் நிறைய டேக்ஸ் போனேன். மாடு நாக்கு மூலம் என்னைத் தடவும். அது எதேச்சையாக அமைந்தது. அதை அப்படியே கேப்சர் பண்ணுனாங்க.

மேலும் படிக்க:|'நார்மல் மேக்கப் தான் பண்ணுவேன்.. அம்மா ரெடி செய்து கொடுக்கிற ஆயில் தான் தேய்ப்பேன்’: நடிகை பாவனா கூறிய அழகின் ரகசியம்

எனக்கு பாலா சார், மணி ரத்னம் சார், வெற்றிமாறன் சார், மாரிசெல்வராஜ் சார் கூட வொர்க் செய்ய ஆசையாக இருக்கு. அவங்களோட ஒவ்வொரு படங்களிலும் வெவ்வேறு ஜானர் இருக்கும். அதுமட்டுமில்லாமல் கேரக்டர்ஸும் ரொம்ப ஸ்ட்ராங்காக இருக்கும்.

லவ் டுடே டைரக்டர் பிரதீப் ரங்கநாதன் அவரோட படங்கள்கூட வித்தியாசமாக இருக்கு. அவரோட படங்களில் நடிக்கணும்னு ஆசையாக இருக்கு. நிறைய தமிழ்ப்படங்கள் கேரளாவில் ரிலீஸாகுது. அதனால் தமிழில் நிறைய இயக்குநர்கள்கிட்ட வொர்க் செய்யணும் தோணுது'' என நடிகை சுவாசிகா பேசியிருக்கிறார்.

நன்றி: குமுதம் யூட்யூப் சேனல்