தமிழ் செய்திகள்  /  Entertainment  /  Actress Shakeela Latest Interview About Her Unforgettable Love Life Marriage Life

Actress shakeela interview: ‘எனக்காக அத கட் பண்ணான்… 20,30 காதல் பண்ணிருப்பேன்.. - ஷகிலாவின் காதல் வாழ்க்கை!

Kalyani Pandiyan S HT Tamil
Mar 19, 2024 06:39 AM IST

நான் ஒரு பேட்டி கொடுத்தால், அதில் உண்மையை மட்டுமே பேச வேண்டும் என்று நினைப்பேன். காதல் ஒரு முறை தான் வரும் என்றெல்லாம் விதிமுறை கிடையாது. அது சாகும் வரை வந்து கொண்டே இருக்கும்.

ஷகிலா பேட்டி!
ஷகிலா பேட்டி!

ட்ரெண்டிங் செய்திகள்

அவர் பேசும் போது, “எனக்கு குழந்தைகள் என்றால் அவ்வளவு இஷ்டம். இன்றும் எங்காவது கடைக்குச் சென்றால், அங்கு யாராவது குழந்தையை வைத்திருந்தால், அதை அவரிடம் இருந்து வாங்கிக் கொண்டு ஐந்து நிமிடம் வைத்திருப்பேன். அந்தக் குழந்தை அழுதவுடன் அவர்களிடம் திருப்பிக் கொடுத்து விடுவேன். 

எனக்கும் கல்யாணம் செய்து நன்றாக வாழ வேண்டும் என்ற ஆசை இருந்தது; ஆனால் நம் தலையில் என்ன எழுதி இருக்கிறதோ அதுதானே நடக்கும். இதில் இன்னொரு விஷயம் என்னவென்றால், எனக்கென்று ஒரு வாழ்க்கை வேண்டும். எனக்கென்று ஒரு குடும்பம் வேண்டும் என்பதற்காகவெல்லாம் வலுக்கட்டாயமாக திருமணம் செய்து கொள்ள முடியாது. 

நான் கிட்டத்தட்ட 20, 30 காதல்களை செய்திருப்பேன். அந்த எல்லா காதல் வாழ்க்கையையுமே கல்யாணத்தை நோக்கி இழுத்துச் செல்ல முயற்சிகள் செய்தேன். ஆனால் அவை எதுவும் ஒர்க்அவுட் ஆகவில்லை. இதை வெளிப்படையாக சொல்கிறேன். நான் இப்படித்தான். இதை நான் சொல்வதின் மூலமாக உங்களை எனக்கு பிடிக்கவில்லை என்றால் பரவாயில்லை.

காரணம் நான் ஒரு பேட்டி கொடுத்தால், அதில் உண்மையை மட்டுமே பேச வேண்டும் என்று  நினைப்பேன். காதல் ஒரு முறை தான் வரும் என்றெல்லாம் விதிமுறை கிடையாது. அது சாகும் வரை வந்து கொண்டே இருக்கும். ஆனால் அந்த காதல் யார் மீது வருகிறது என்பதை நாம் பார்த்துக்கொள்ள வேண்டும். 

அதனால் நீங்கள் ஒரு காதல் வாழ்க்கையில் தோற்று விட்டீர்கள் என்றால் பராவாயில்லை. காரணம் காதலானது தொடர்ந்து வந்து கொண்டே இருக்கும். இதை என்னை அம்மாவாக பார்க்கும் குழந்தைகளுக்குச் சொல்லிக் கொள்கிறேன். வாழ்க்கையில் ஒரு காதல் வாழ்க்கை தோற்று விட்டது என்றால் அப்படியே வாழ்க்கை முடிந்து விட்டது என்று அர்த்தம் கிடையாது. 

காதலுக்காக நான் இதுவரை எந்தவித தற்கொலை முயற்சியும் செய்தது கிடையாது. கையை அறுத்துக் கொண்டதும் கிடையாது. ஆனால் என்னுடைய காதலர்கள் கையை கட் செய்து கொண்டிருக்கிறார்கள். கையை மட்டும் இல்லை, எதை எதை எல்லாமோ கட் செய்து இருக்கிறார்கள். உடனே நீங்கள் வேறு எதையோ நினைத்துக் கொள்ள வேண்டாம். நான் இஸ்லாம் மதத்தைச் சேர்ந்தவள். எனக்காக அவர்கள் சுன்னத் செய்து கொண்டு இருக்கிறார்கள் என்பதைதான் அப்படி சொன்னேன். 

என்னை காதலித்த எல்லோரையும் நான் ஆழமாக நேசித்தேன் அவர்களும் என்னை ஆழமாக நேசித்தார்கள். அது இணையாமல் சென்று விட்டால், அது இணையாமல் சென்று விட்டது அவ்வளவுதான்.அதை நினைத்து வருத்தப்பட்டு கொண்டு எல்லாம் இருக்க முடியாது.” என்று பேசினார். 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

IPL_Entry_Point

டாபிக்ஸ்