நாக சைதன்யாவுக்கு 10க்கு 10 மார்க் போட்ட சமந்தா.. எதற்கு தெரியுமா? வைரலாகும் தகவல்!

வைரலாகும் வீடியோ

சமந்தா ரூத் பிரபு ஹிருத்திக் ரோஷனின் அழகை நாக சைதன்யாவை விட குறைவாக மதிப்பிட்ட வீடியோவை ரெடிட் பயனர் ஒருவர், பகிர்ந்துள்ளார். அதில், நடிகர்களின் அழகை மதிப்பிட சமந்தாவிடம் கேட்கப்பட்டது. அப்போது சமந்தா, மகேஷ் பாபுவுக்கு 10/10 மதிப்பெண் கொடுத்து விட்டு இந்த விஷயத்தில் “நான் யோசிக்கவே தேவையில்லை” என்றார்.

ஹிருத்திக்கை பிடிக்கவில்லை

ஹிருத்திக்கை மதிப்பிடக் கேட்டபோது, “எல்லாரும் என்னை கொன்றுவிடுவார்கள், ஆனால் எனக்கு ஹிருத்திக்கின் தோற்றம் அவ்வளவாக பிடிக்கவில்லை” என்று கூறி 7/10 மதிப்பெண் கொடுத்தார். நாக சைதன்யாவுக்கு 10/10 மற்றும் ரன்பீர் கபூருக்கு 8/10 மதிப்பெண் கொடுத்தார். ஷாஹித் கபூரைப் பற்றி கேட்டபோது, “காமீனிக்கு முன் ஷாஹித் - 5/10, கமீனிக்குப் பிறகு - 9/10” என்றார்.

மேலும் படிக்க| வருகிறது க்ரிஷ் 4.. இந்த முறை ஹீரோ மட்டுமில்ல டைரக்டரும்  நான் தான்- ஹிருத்திக் ரோஷன்

சமந்தா- சைதன்யா

சமந்தாவும் நாக சைதன்யாவும் 2010 ஆம் ஆண்டு வெளியான தெலுங்கு திரைப்படம் 'யே மாயா செசவே' படப்பிடிப்பில் முதன்முதலில் சந்தித்தனர். ஆனால், 2014 ஆம் ஆண்டு 'ஆட்டோநகர் சூர்யா' படப்பிடிப்பின் போதுதான் அவர்கள் காதலித்ததாக கூறப்படுகிறது. 2017 ஆம் ஆண்டு திருமணம் செய்து கொண்ட அவர்கள், நான்கு ஆண்டுகளுக்குப் பிறகு பிரிந்ததாக அறிவித்தனர். 2023 ஆம் ஆண்டு, நீதிமன்றம் அவர்களுக்கு விவாகரத்தை வழங்கியதாக சைதன்யா தெரிவித்தார்.

சமந்தா மற்றும் ஹிருத்திக் ரோஷனின் வரவிருக்கும் படங்கள்

சமந்தா தற்போது தனது வரவிருக்கும் தொடரான 'ரக்த பிரம்மாண்ட்: தி பிளடி கிங்டம்' படப்பிடிப்பில் நடித்து வருகிறார். இயக்குனர் ராஜ் & டி.கே இயக்கத்தில் உருவாகும் இந்த தொடர், 'ஒரு கற்பனை அரசின் பின்னணியில் அற்புதமான காட்சிகளுடன் கூடிய ஒரு கவர்ச்சிகரமான, கூர்மையான கதை' என்று விவரிக்கப்படுகிறது.

மனோஜ் பாஜ்பாய், ஜெய்தீப் அஹ்லாவத், பிரியாமணி மற்றும் ஷாரிப் ஹாஷ்மி ஆகியோர் முன்னணி வேடங்களில் நடிக்கும் 'தி ஃபேமிலி மேன் சீசன் 3' படத்திலும் அவர் நடித்துள்ளார். இந்த தொடர் இந்த ஆண்டு நவம்பரில் வெளியாகும் என்று எதிர்பார்க்கப்படுகிறது.

மேலும் படிக்க| சிம்பிளான ஸ்டார் கிட் நாக சைதன்யா.. புகழ்ச்சிக்கு மத்தியில் வைரலாகும் வீடியோ..

மறுபுறம், ஹிருத்திக் ரோஷன் தனது வரவிருக்கும் திரைப்படம் 'வார் 2' படத்தின் வெளியீட்டிற்கு தயாராகி வருகிறார். அயன் முகர்ஜி இயக்கத்தில் உருவாகும் இந்த படத்தில் ஜூனியர் என்.டி.ஆர் மற்றும் கியாரா அத்வானி ஆகியோர் முன்னணி வேடங்களில் நடிக்கின்றனர். இது ஜூனியர் என்.டி.ஆரின் பாலிவுட் அறிமுகமாகும், அதில் அவர் எதிர்மறை கதாப்பாத்திரத்தில் நடிக்கிறார். இந்த படம் ஆகஸ்ட் 14 அன்று திரையரங்குகளில் வெளியாகும். ஹிருத்திக் 'கிருஷ் 4' படத்தின் மூலம் இயக்குனராகவும் அறிமுகமாக உள்ளார்.