நாகார்ஜூனா வீட்டு மருமகள் ஆகிறாரா மிஸ் இந்தியா? இவர் விஜய்யுடன் சேர்ந்து குத்தாட்டம் போட்டவரா?

நாக சைதன்யா தெலுங்கில் முன்னணி நடிகராக வலம் வந்த சமயத்தில் நடிகை சமந்தாவை காதலித்து திருமணம் செய்து கொண்டார். பின், இவர்களுக்குள் கருத்து மோதல் ஏற்பட்டதை அடுத்து இருவரும் பரஸ்பர புரிதலுடன் விவாகரத்து பெற்று பிரிந்தனர்.

நாக சைதன்யா சோபிதா திருமணம்

இந்நிலையில், நாக சைதன்யா, தெலுங்கு, ஹிந்தியில் பிஸியாக நடித்து வரும் சோபிதா துலிபாலாவை காதலித்தார். இதை அறிந்த நாகார்ஜூனா சோபிதாவிற்கும் நாக சைதன்யாவிற்கும் நிச்சயதார்த்தம் செய்து வைத்து அந்தப் புகைப்படங்களை வெளியிட்டு சினிமா உலகில் பரபரப்பை ஏற்படுத்தினார். தொடர்ந்து வரும் டிசம்பர் மாதம் இவர்கள் இருவரின் திருமணம் நடைபெற உள்ள நிலையில், திருமண சடங்குகள் நடந்து வந்தது.

நாகார்ஜூனா வீட்டிற்கு மருமகளாகும் அடுத்த நடிகை

இது தெலுங்கு மற்றும் தமிழ் ரசிகர்களுக்கு அதிர்ச்சியை அளித்த நிலையில், நாகார்ஜூனா வீட்டிற்கு தற்போது தென்னிந்திய சினிமாவில் பீக்கில் இருக்கும் நடிகையும் மிஸ் இந்தியா பட்டம் வென்றவருமான ஒருவர் மருமகளாக வரப் போகிறார் என்ற தகவல் மிக வேகமாகப் பரவி வருகிறது.

தமிழ், தெலுங்கு ரசிகர்களை தன் எதார்த்த நடிப்பால் கவர்ந்த நடிகை மீனாட்சி சௌத்ரி தான் நாகார்ஜூனா வீட்டிற்கு மருமகளாக வரப் போகிறார் என்ற தகவல் சமீப காலங்களில் அதிகளவு பரப்பப்பட்டு வருகிறது.

மீனாட்சி சௌத்ரி

தமிழில் கொலை எனும் விஜய் ஆண்டனி படத்தில் அறிமுகமானவர் தான் மீனாட்சி சௌத்ரி. இவர், இந்தப் படத்தைத் தொடர்ந்து ஆர்.ஜே. பாலாஜியின் சிங்கப்பூர் சலூன் படத்தில் அவரது மனைவியாகவும், விஜய்யின் கோட் படத்தில் மகனாக வரும் விஜய்க்கு ஜோடியாகவும் நடித்திருப்பார்.இதைத்தொடர்ந்து அவர் துல்கர் சல்மானின் லக்கி பாஸ்கர் படத்தில் அவருக்கு மனைவியாகவும் நடித்திருப்பார்.

முதல் படத்திலேயே பற்றிய காதல்

இவர் தமிழில் நடிகையாகும் முன்னே, அவுட் ஆஃப் லவ் எனும் வெப் சீரிஸில் நடித்து தன் திரைப் பயணத்தை தொடர்ந்தார். பின், முதன் முதலில் 2021ம் ஆண்டு இச்சாடா வாகனமுலு நிலுப ராடு எனும் தெலுங்கு படத்தின் மூலம் கதாநாயகியாக அறிமுகமானார். இந்தப் படத்தில் நாகார்ஜூனாவின் சகோதரி மகன் அக்கினேனி சுஷாந்துக்கு ஜோடியாக நடித்தார்.

தன் முதல் படத்தில் தொடர்ந்த இவர்களது நட்பு நாட்கள் செல்ல செல்ல காதலாக மாறியதாக சொல்லப்படுகிறது. இவர்களது காதல் தெலுங்கு திரை உலகில் பெரிதாக பேசப்பட்ட நிலையில், மீனாட்சி சௌத்ரி, சுஷாந்த் திருமணம் விரைவில் நடக்க இருப்பதாகத் தெரிகிறது.

விரைவில் கல்யாணம் தான்

முதலில் நாக சைதன்யா மற்றும் சோபிதாவின் திருமண வேலைகள் முடியட்டும் பின், இவர்களது திருமணம் குறித்த பேச்சுவார்த்தையை தொடங்கலாம் என இரு வீட்டாரும் முடிவு செய்துள்ளனராம். இதுதான் இப்போது டோலிவுட்டின் ஹாட் டாப்பிக்காக மாறியுள்ளது.

நடிகையாக மக்களுக்கு பரிட்சையமான மீனாட்சி சௌத்ரி ஹரியானா மாநிலத்தை பூர்வீகமாகக் கொண்டவர். பல் மருத்துவப் படிப்பை முடித்துள்ள இவர், நீச்சல் மற்றும் பேட்மின்டன் வீராங்கனையாகவும் வலம் வந்தார்.

பின் மாடலிங் மேல் கவனத்தை செலுத்திய இவர், ஃபெமினா மிஸ் இந்தியா அழகிப் போட்டியில் பட்டம் வென்று சாதித்துள்ளார். அதுமட்டுமின்றி, பல்வேறு அழகுப் போட்டி நிகழ்ச்சிகளில் பங்கேற்று இறுதிவரை சென்றுள்ளார் என்பது குறிப்பிடத்தக்கது.