சினிமா ஹீரோக்களிடம் 'போலி' பெண்ணியம்.. மீண்டும் சர்ச்சையில் சிக்கிய நடிகை மாளவிகா மோகனன்..

எப்போது முடிவு?

சமீபத்தில் ஹாட்ஃப்ளைக்கு அளித்த பேட்டியில் பெண்ணியம் குறித்த தனது கருத்துக்களை பகிர்ந்து கொண்டார் மாளவிகா மோகனன். அந்த பேட்டியில் மாளவிகாமோகனன் கூறுகையில், "சினிமா துறையில் இந்த சமத்துவமின்மை (ஆணாதிக்கம்) எப்போதும் முடியாது என்று நான் நினைக்கிறேன்" என்று கூறினார்.

சாமர்த்தியமாக செயல்படுகிறார்கள்

நடிகர்கள், நடிகர்கள் மிகவும் சாமர்த்தியமாக செயல்படுகிறார்கள் என்று நான் நினைக்கிறேன். கடந்த 5-6 ஆண்டுகளில் பல நடிகர்களிடம் இதை நான் பார்த்துள்ளேன். அவர்கள் எப்படி நடிக்க வேண்டும், இந்த பெண்ணியம் அல்லது காஸ்டிங் கவுச் போன்ற சிக்கல்கள் வரும்போது அவர்கள் எப்படி செயல்படுகிறாராகள் என்பதை பார்த்துள்ளேன். இந்தப் பிரச்சனைகளுக்கு எப்படி பேச வேண்டும், எப்படி முகமூடி அணிந்து கொண்டு இருக்க வேண்டும் என்பது அவர்களுக்குத் தெரியும்" என்று மாளவிகா மோகனன் தெரிவித்தார்.

மேலும் படிக்க| 'வீரா ராஜ வீரா பாடல் காப்புரிமை விவகாரம்: ஏ.ஆர்.ரஹ்மானுக்கு ரூ. 2 கோடி செலுத்த ஆணை.. டெல்லி உயர் நீதிமன்றம் தீர்ப்பு

யாரும் இல்லாத போது..

மாளவிகா மேலும் கூறுகையில், "பெண்களை சமமாகப் பார்ப்பவர், மிகவும் முன்னோக்கு சிந்தனை உள்ளவர், பெண்ணியவாதி போல தோன்றுவதற்கு என்னென்ன வார்த்தைகள் சொல்ல வேண்டும் என்பது அவர்களுக்குத் தெரியும். அதேபோல், அவர்கள் யாரும் இல்லாதபோது எப்படி பெண் வெறுப்பாளர்களாக இருக்கிறார்கள் என்பதையும் நான் பார்த்துள்ளேன்" என்று கூறினார். ஆனால், பெண்ணியவாதிகள் போல நடிக்கும் நடிகர்களின் பெயரை மாளவிகா மோகனன் சொல்லவில்லை.

மாளவிகாவின் வரவிருக்கும் படங்கள்

ஆனால், மாளவிகா மோகனனின் கருத்துக்கள் வைரலாகி வருகின்றன. கடந்த ஆண்டு தமிழ் படமான தங்கலான் மூலம் ரசிகர்களை ஈர்த்தார் மாளவிகா மோகனன். தற்போது ஹிந்தி படமான யுத்ராவில் நடித்து வருகிறார். மேலும், மலையாளத்தில் மோகன்லாலுடன் இணைந்து ஹிருதயபூர்வம் எனும் படத்திலும், பான் இந்தியா ஸ்டாரான பிரபாஸுடன் தெலுங்கு படமான 'தி ராஜா சாப்' படத்தில் ஹீரோயினாக நடிக்கிறார்.

மேலும் படிக்க| 'கே.பாலச்சந்தரின் உதவி இயக்குநர் முதல் நடிகர் வரை': சமுத்திரக்கனி கடந்து வந்த திரைப்பாதை

சஞ்சய் தத் சிறப்புத் தோற்றம்?

'தி ராஜா சாப்' படத்தில் மாளவிகாவுடன் நித்யா அகர்வால், ரித்திகா குமார் ஆகியோரும் நடிக்கின்றனர். பாலிவுட் நடிகர் சஞ்சய் தத் இந்த படத்தில் சிறப்புத் தோற்றத்தில் நடிக்க உள்ளதாக தகவல்கள் வெளியாகியுள்ளன. ஆனால், இது குறித்த அதிகாரப்பூர்வ அறிவிப்பு இன்னும் வெளியாகவில்லை. மேலும், மாளவிகா தமிழில் நடிகர் கார்த்தியுடன் 'சர்தார் 2' படத்திலும் நடிக்கிறார்.