தாலியும் கழுத்துமாக வந்து நின்ற கீர்த்தி சுரேஷ்.. புகழ்ந்து தள்ளும் நெட்டிசன்ஸ்.. வைரலாகும் கீர்த்தி..

பேபி ஜான் பட விழாவில் கீர்த்தி

சமீபத்தில், பேபி ஜான் படக்குழு படத்தை விளம்பரப்படுத்தும் நோக்கில் மும்பையில் கிறிஸ்துமஸ் விருந்துக்கு ஏற்பாடு செய்தது. புதுமணத் தம்பதியான கீர்த்தி சுரேஷ் தனது சக நடிகர்களான வருண் தவான் மற்றும் வாமிகா கப்பி ஆகியோருடன் இந்த நிகழ்ச்சியில் இணைந்தார். நடிகர் ஒரு சிவப்பு பாடிகான் உடை அணிந்து வந்த கீர்த்தி சுரேஷ் கழுத்தில் அவரது தாலியுடன் தோற்றமளித்தார். மறுபுறம், வருண் சிவப்பு ஜாக்கெட்டுடன் வெள்ளை டி-ஷர்ட் அணிந்திருந்தார், வாமிகா சிவப்பு லெதர் உடையில் காணப்பட்டார்.

பாரம்பரியத்தை கடைபிடிக்கும் கீர்த்தி

இதைக் கண்ட ரசிகர்கள், திருமணத்திற்கு பின் கீர்த்தி பொது நிகழ்ச்சியில் பங்கேற்ற புகைப்படங்கள் வைரலான நிலையில், நெட்டிசன் அவரது புகைப்படத்தை வைரலாக்கினர், அத்துடன் கீர்த்தி சுரேஷ் திருமணத்திற்கு பின் பளபளப்பாக காணப்படுகிறார் என்று ஒருதரப்பும், தாலியுடன் நிகழ்ச்சியில் பங்கேற்றதால், அவர் பாரம்பரியத்தை பின்பற்றுபவர் என்றும் ஒரு தரப்பினர் கருத்து தெரிவித்தனர்.

பாலிவுட்டில் அறிமுகம்

கீர்த்தி சுரேஷ் பாலிவுட் சினிமாவில் அறிமுகமாக இருக்கும் பேபி ஜான் திரைப்படம் வரும் 25ஆம் தேதி திரைக்கு வருகிறது. காலீஸ் இயக்கியுள்ள இப்படம் தமிழில் விஜய் நடிப்பில் சூப்பர் ஹிட்டான தெறி படத்தின் தழுவலாக பேபி ஜான் உருவாகியுள்ளது. இந்த படத்தில் வருண் தவான் ஹீரோவாகவும், சமந்தா நடித்த கதாபாத்திரத்தில் கீர்த்தி சுரேஷும் நடித்துள்ளார்கள். இந்த படத்தில் வாமிகா கப்பி, ஜாரா ஜியானா மற்றும் ஜாக்கி ஷெராஃப் ஆகியோரும் நடிக்கின்றனர்,

வைரலாகும் நைன் மடாக்கா

இந்த படத்தில் சிங்கிளாக நைன் மடாக்கா என்ற பாடல் சமீபத்தில் வெளியாகி வரவேற்பை பெற்றதுடன், சமூக வலைத்தளங்களிலும் ட்ரெண்டானது. இதுவரை இல்லாத அளவில் இந்த பாடலில் கவர்ச்சி தரிசனத்தை வெளிப்படுத்தியுள்ளார் கீர்த்தி சுரேஷ். இதனால் படம் மீது மிகுந்த எதிர்பார்ப்பு ஏற்பட்டுள்ளது. படத்தின் ட்ரெய்லரும் வெளியாகி ரசிகர்களை வெகுவாக கவர்ந்துள்ளது.

காதலரை கரம் பிடித்த கீர்த்தி

கடந்த 15 ஆண்டுகளுக்கும் மேலாக காதல் பறவைகளாக வலம் வந்த கீர்த்தி சுரேஷ் - ஆண்டனி தட்டில் ஆகியோருக்கு இந்து முறைப்படியும் பின்னர் கிருத்துவ முறைப்படியும் திருமணம் நடைபெற்று முடிந்த நிலையில் மணமக்கள் ஆகியுள்ளனர். கோவாவில் நடைபெற்ற இவர்களின் திருமண வைபோகத்தில் இரு குடும்பத்தினரின் நெருங்கிய உறவினர்கள், நண்பர்கள் மட்டும் பங்கேற்றனர். இதையடுத்து தனது இன்ஸ்டாவில் திருமண நிகழ்வில் எடுக்கப்பட்ட புகைப்படங்கள் தான் வைரலாகி வருகின்றன.

மேலும் நடிகர் விஜய் இவர்களது திருமணத்தில் பங்கேற்ற புகைப்படங்களையும் கீர்த்தி சுரேஷ் வெளியிட்டார். இந்தப் புகைப்படமும் வைரலான நிலையில், சமீப காலமாக கீர்த்தி சுரேஷ் தான் இணையத்தை ஆக்கிரமித்து வந்தன.

கீர்த்தி சுரேஷ் படங்கள்

இந்த ஆண்டு கீர்த்தி சுரேஷுக்கு சிறப்பான ஆண்டாகவே அமைந்துள்ளது. இவர் கதையின் நாயகியாக நடித்து கடந்த ஆகஸ்ட் மாதம் வெளியான ரகு தாத்தா திரைப்படம் ரசிகர்கள் மத்தியில் நல்ல வரவேற்பை பெற்றது. இந்த படத்தை தொடர்ந்து ரிவால்வர் ரீட்டா, கன்னிவெடி ஆகிய படங்களில் நடித்து வருகிறார். சினிமாவில் உச்ச நடிகையாக இருக்கும்போது திருமணம் செய்து கொண்டிருக்கும் கீர்த்தி சுரேஷ் தொடர்ந்து திரைப்படங்களில் நடிப்பாரா என்பது குறித்து எதுவும் தெரிவிக்கவில்லை.