எதிர்பாராத ட்விஸ்ட்.. ஷங்கருக்கு போட்டியாக களமிறங்கிய மகள்.. பொங்கல் ரேஸில் வரிசை கட்டும் படங்களின் லிஸ்ட்
விடாமுயற்சி விலகலுக்கு பிறகு பொங்கல் ரிலீஸை டார்கெட் செய்து பல படங்கள் வரிசை கட்டி வருகின்றன. இயக்குநர் ஷங்கரின் கேம் சேஞ்சர் படத்துடன் அவரது மகள் அதிதி ஷங்கர் நடித்திருக்கும் படமும், பல முறை தள்ளிப்போன விஷாலின் மதகஜராஜா படமும் 13 ஆண்டுகளுக்கு பொங்கல் ரேஸில் இணைந்துள்ளது.
அஜித்குமாரின் விடாமுயற்சி ரிலீஸ் தள்ளிபோன நிலையில், ஜெயம் ரவி நடித்த காதலிக்க நேரமில்லை படம் பொங்கல் வெளியீடாக வரப்போவதாக அறிவிக்கப்பட்டது. இதைபோல் மேலும் சில படங்களும் பொங்கல் ரிலீஸுக்கு தயாராகி வருகின்றன.
பாலா இயக்கத்தில் உருவாகி பலமுறை தள்ளிப்போன வணங்கான் படத்தையும் பொங்கலுக்கு வெளியிடவுள்ளனர். விஜயகாந்த் இளைய மகன் சண்முகபாண்டியன் நடித்திருக்கும் படை வீரன் படமும் பொங்கலுக்கு வெளியாகும் என அறிவிக்கப்பட்டுள்ளது. இந்த லிஸ்டில் புதிதாக மற்றொரு எதிர்பார்ப்பை ஏற்படுத்தியிருக்கும் படமும் தற்போது இணைந்துள்ளது.
முரளி மகன் ஆகாஷ் முரளி அறிமுகம்
விஷ்ணுவர்தன் இயக்கத்தில் மறைந்த நடிகர் முரளியின் இளைய மகன் ஆகாஷ் முரளி, பிரமாண்ட இயக்குநர் ஷங்கர் மகள் அதிதி ஷங்கர் இணைந்து நடித்திருக்கும் படம் நேசிப்பாயா. இந்த படம் மூலம் ஆகாஷ் முரளி தமிழ் சினிமாவில் ஹீரோவாக அறிமுகமாகிறார். படத்துக்கு யுவன் சங்கர் ராஜா இசையமைத்துள்ளார். விஜய்யின் மாஸ்டர் படத்தை தயாரித்த சேவியர் பிரிட்டோ தயாரித்துள்ளார்.