‘தன்ஷிகாவை முழுமையாக காதலிக்கிறேன்.. இனிமேல் நிம்மதியாக தூங்குவேன்’ - மேடையில் எமோஷனலான விஷால்!

மேலும் படிக்க | என்ன பேபி சொல்லிடலாமா? - திருமண தேதியை அறிவித்த சாய் தன்ஷிகா! - வெட்கத்தில் பூரித்த விஷால்!

நடிகர் நடிகையாக நிச்சயமாக உங்களை நாங்கள் மீண்டும் சந்திப்போம். ஆனால், ஒரு தம்பதிகளாக என்னுடைய குடும்பமான உங்கள் எல்லோரையும் அந்த இடத்தில் நான் சந்திக்க வேண்டும். எனக்கு மிகவும் சந்தோஷமாக இருக்கிறது. இதற்கு மேல் நான் அறிவிக்கவில்லை என்றால் தப்பாகிவிடும்.

தன்ஷிகா இதற்காக என்னை வீட்டில் சென்று அடித்தாலும் பரவாயில்லை; நான் தாங்கிக் கொள்கிறேன். ஆமாம் இந்த இடத்தில் நான் மிகவும் ஓப்பனாக சொல்கிறேன் நான் முழுமையாக தன்சிகாவை காதலிக்கிறேன். தன்சிகாவை நன்றாக பார்த்துக் கொள்வேன். என்று சொல்லும் போதே அவருடன் தன்ஷிகா இணைந்து கொண்டார்.

தொடர்ந்து பேசிய தன்சிகா, ‘ விஷாலின் பிறந்த நாளில்தான் கல்யாணத்திற்கு திட்டமிட்டு இருக்கிறோம். நடிகர் சங்க கட்டிடம் ஆகஸ்ட் 15ஆம் தேதி திறப்பதற்கான ஏற்பாடுகளை விஷால் செய்து கொண்டிருக்கிறார்.’ என்று பேசினார்.

மேலும் படிக்க | நடிகை சாய் தன்ஷிகாவை கரம் பிடிக்கும் விஷால்.. கோலிவுட்டில் உலாவும் தகவல்! - நெருங்கிய வட்டாரம் சொல்வதென்ன?

தொடர்ந்து பேசிய அவர், ‘நான் இதனை உங்களிடம் ஷேர் செய்து கொள்வதில் மிகுந்த சந்தோஷம் அடைகிறேன். இனிமேல்தான் நான் சந்தோஷமாக தூங்குவேன் என்று நினைக்கிறேன். தயவு செய்து திருமண பத்திரிகை வராது என்று நினைக்காதீர்கள் நிச்சயமாக பத்திரிக்கை வரும்; இன்று நான் வாயால் உங்களுக்கு பத்திரிக்கை வைத்திருக்கிறேன்.’ என்று பேசினார்.