'லயன் இஸ் ஆல்வேஸ் லயன்'.. ஓடிடியிலும் ஆதிக்கம் செலுத்தும் கோட்.. இதுதான் நம்பர் 1..

தி கோட் படத்தின் கதை:

கென்யாவில் ரயிலில் கொண்டு செல்லப்படும் யுரேனியத்தையும், பயங்கவாதி ஓபரையும் பத்திரமாக கொண்டு வர Special Anti terrorist squad team சார்பில் காந்தி ( விஜய்), அஜய் (அஜ்மல்), சுனில் (பிரசாந்த்), கல்யாண் ( பிரபு தேவா) ஆகியோர் கொண்டு செல்ல ஆயுதங்களுடன் களமிறங்க, அந்த சண்டையில் ரயில் வெடித்து தீவிரவாதி மேனன் ( மோகன்) இறந்துவிடுவதாக காட்டப்படுகிறது.

இதற்கிடையே தாய்லாந்திற்கு மனைவி அனு ( சினேகா) உடன் செல்லும் காந்தி, தன்னுடைய மகனைப் பறி கொடுப்பதாக காட்டப்படுகிறது. ஆனால், பின்னாளில் அவனை காந்தி பிரச்சினை ஒன்றில் சந்திக்கிறார். அந்தப் பிரச்சினை என்ன? அதில் காந்திக்கு வில்லனாக மகன் மாறியது ஏன்? என்பது தி கோட் படத்தின் மீதிக்கதை.

தி கோட் தொழில்நுட்பக் குழுவினர் விவரம்:

இந்தப் படத்தின் மூலம் நடிகர் விஜய்யின் படத்துக்கு, பல ஆண்டுகளுக்குப் பின், யுவன் சங்கர் ராஜா இசையமைத்திருக்கிறார். இப்படம் தமிழ், தெலுங்கு மற்றும் இந்தி மொழிகளில் ரிலீஸாகியிருக்கிறது. இப்படத்தை ஏஜிஎஸ் என்டர்டெயின்மென்ட் சார்பாக, கல்பாத்தி அகோரம்,கல்பாத்தி கணேஷ், கல்பாத்தி சுரேஷ் என சகோதரர்கள் மூவர் இணைந்து தயாரித்துள்ளனர்.

தி கிரேட்டஸ்ட் ஆஃப் ஆல் டைம்'' படத்துக்கு உண்டான ஒளிப்பதிவினை சித்தார்த்தா நுனி புரிய, வெங்கட் ராஜின் என்பவர் எடிட் செய்கிறார். இப்படத்துக்குண்டான வசனத்தை விஜி மற்றும் வெங்கட் பிரபு ஆகிய இருவரும் இணைந்து எழுதியுள்ளனர்.

இப்படத்தில் கங்கை அமரன், மதன் கார்க்கி, கபிலன் வைரமுத்து, விவேக் ஆகிய நால்வர் சேர்ந்து, படத்துக்குண்டான பாடல்களை எழுதியுள்ளனர்.

தளபதி 69

கோட் படத்தின் வெற்றிக்குப் பின், தற்போது நடிகர் விஜய் இயக்குநர் ஹெச். வினோத்துடன் இணைந்து பெயரிடப்படாத படத்தில் நடித்து வருகிறார். கோட் திரைப்படத்தைப் போன்று, இந்தப் படத்திலும், பூஹா ஹெக்டே, மமிதா பைஜூ, பாபி டியோல், பிரகாஷ் ராஜ், கௌதம் மேனன், நரேன், பிரியாமணி என பல நட்சத்திர பட்டாளம் நடித்து வருகின்றன. இது நடிகர் விஜய்யின் கடைசி படம் என்பதால், அவரது ரசிகர்கள் மத்தியில் தளபதி 69 படத்திற்கான எதிர்பார்ப்பு அதிகரித்துள்ளது. இந்தப் படத்தின் பூஜை சில நாட்களுக்கு முன் தொடங்கப்பட்டு படப்பிடிப்பு ஆரம்பமாகியுள்ளது குறிப்பிடத்தக்கது.