யாரும் எதிர்பார்க்காத வேலையை செய்த கங்குவா! வாஷ் அவுட் படத்திற்கு கிடைக்குமா ஆஸ்கார்? மீண்டும் ட்ரெண்டாகும் ஹேஸ்டாக்..

இவர்களுடன் பாலிவுட் நடிகர் பாபி தியோல், நடராஜன் சுப்ரமணியம், கருணாஸ், போஸ் வெங்கட், யோகி பாபு, ரெடின் கிங்ஸ்லி உள்ளிட்டோர் முக்கியக் கதாபாத்திரங்களில் நடித்திருந்தனர்.

மோசமான விமர்சனம்

இசையமைப்பாளர் தேவிஸ்ரீ பிரசாத் இந்தப்படத்திற்கு இசையமைத்து இருந்தார். இந்நிலையில் கங்குவா படம் நவம்பர் 14ஆம் தேதி உலகெங்கும் 11,500-க்கும் மேற்பட்ட திரையரங்குகளில் வெளியானது. பெரும் எதிர்பார்ப்புகளுக்கு மத்தியில் திரையரங்குகளில் வெளிவந்த கங்குவா, மிக மோசமான விமர்சனங்களை சந்தித்தது. அத்துடன் அந்தப் படத்தில் நடித்தவர்களையும் தனிப்பட்ட முறையில் மிக மோசமாக பேசி, மிரட்டல் விடுத்தனர்.இதனால், படம் 2000 கோடி பாக்ஸ் ஆபிஸ் ஹிட் அடிக்கும் என எதிர்பார்த்த படக்குழுவுக்கு ஏமாற்றமேமிஞ்சியது.

ஓடிடியில் ரிலீஸ்

தியேட்டரில் சுமார் 110 கோடி வசூலை மட்டுமே பெற்ற கங்குவா திரைப்படத்தை ஓடிடியில் விரைவாக வெளியிடலாம் என படக்குழு முடிவு செய்தது. இதன் காரணமாக டிசம்பர் 12ம் தேதிக்கு மேல் ஓடிடியில் வெளியாகும் என நினைத்த கங்குவா திரைப்படம் 4 நாட்களுக்கு முன்னரே அமேசான் பிரைம் வீடியோ தளத்தில் வெளியானது.

கங்குவா திரைப்படத்தின் ஒடிடி உரிமையை அமேசான் பிரைம் வீடியோ ஓடிடி தளம் 80 கோடி ரூபாய் கொடுத்து, வாங்கியதாகக்கூறப்படுகிறது. பிரைம் வீடியோவில் தமிழ், தெலுங்கு, கன்னடம், மலையாளம், இந்தி, ஆங்கிலம் மற்றும் ஸ்பானிஷ் மொழிகளில் கங்குவா திரைப்படம் ஸ்ட்ரீமிங் செய்யப்பட்டு வருகிறது.

கங்குவாவின் சாதனை

கங்குவா திரைப்படம் ஓடிடியில் வெளியான சமயத்தில் அதற்கு எதிரான விமர்சனங்கள் மேலும் வர வாய்ப்பிருப்பதாக பலரும் எதிர்பார்த்த நிலையில், அப்படம் அமேசான் ஸ்ட்ரீமிங்கில் சாதனை ஒன்றை செய்துள்ளதாகத் தெரிகிறது.

அது என்னவென்றால், இந்தப் படம் ஒடிடியில் வெளியான ஒரு வாரத்திலேயே அதிக பார்வையாளர்களை பெற்றுள்ளதாம். அதாவது ஒரே வாரத்தில் ஒரு பில்லியன் ஸ்ட்ரீமிங் மினிட்ஸ் பெற்றுள்ளதாக தெரிவிக்கப்பட்டுள்ளது. இதனால்,விமர்சனங்களைப் பெறும் என எதிர்பார்க்கப்பட்ட படம் வாழ்த்துகளைப் பெற்றுள்ளது.

பட்ஜெட்டில் பாதி கூட வசூலிக்காத கங்குவா

முன்னதாக 350 கோடி ரூபாய் பட்ஜெட்டில் எடுக்கப்பட்ட கங்குவா திரைப்படம் வெளியான 19 நாட்கலில் இதுவரை தமிழ்நாட்டில் மட்டும் 38.72 கோடி ரூபாயும் உலகளவில் ரூ.105.2 கோடி ரூபாயும் வசூலித்ததாகக் கூறப்படுகிறது. அதாவது கங்குவா படத்தின் பட்ஜெட்டில் பாதியைக் கூட வசூலிக்க முடியவில்லை.

படத்தின் தாக்கம் எந்த அளவுக்கு தமிழ்நாட்டில் எழுந்தது என்றால், தயாரிப்பாளர்களும், திரையரங்கு உரிமையாளர்களும் திரையரங்குகளில் பப்ளிக் ரிவியூ எடுக்க வருபவர்களைத் தடை விதிக்கும் அளவுக்கு பெரியளவில் தாக்கத்தைஏற்படுத்தியது.

ஆஸ்கார் ரேஸில் இணைந்த கங்குவா

இத்தனை விமர்சனங்களையும் பொருட்படுத்தாத படக்குழு தற்போது கங்குவா படத்தை சிறந்த திரைப்பட பிரிவில் ஆஸ்கார் விருதுக்கு விண்ணப்பித்துள்ளது. மேலும், கங்குவா திரைப்படத்துடன் ஆடுஜீவிதம், கேர்ள்ஸ் வில் பி கேர்ள்ஸ் உள்ளிட்ட மொத்தம் 323 படங்கள் போட்டியிடுவதாகத் தெரிகிறது.

விண்ணப்பிப்பதால் மட்டும் கங்குவா நேரடியாக ஆஸ்கார் விருதுக்கு பரிந்துரைக்கப்படாது. சிறந்த படமாக தேர்வு செய்யும் முன்னர் கங்குவா 4 சுற்றுகளில் வெற்றி பெற வேண்டும் என்பது குறிப்பிடத்தக்கது.