தொடர் தோல்விகளுக்கு பின் தியேட்டருக்கு படையெடுக்கும் சூர்யா ரசிகர்கள்.. எதிர்பார்ப்பை நிறைவேற்றுமா ரெட்ரோ?

சூர்யா- கார்த்திக் சுப்புராஜ் கூட்டணி

பிட்சா போன்ற திகில் படங்களை இயக்கி ரசிகர்களை அச்சுறுத்திய இயக்குனர் கார்த்திக் சுப்புராஜ் இயக்கத்தில் உருவாகியுள்ள திரைப்படம் ரெட்ரோ. சூர்யா நடித்துள்ள இப்படத்தில் பூஜா ஹெக்டே கதாநாயகியாக நடித்துள்ளார். தமிழ் மொழியில் வெளியாகும் இந்தப் படத்தின் ட்ரைலர் தமிழ், தெலுங்கு, ஹிந்தி மொழியிலும் வெளியிடப்பட்டுள்ளது.

மேலும் படிக்க| 'நான் புகழுக்காக இல்ல கடனுக்காக நடிக்க வந்தேன்.. நான் இருட்டுல குதிக்குறேன்னு தெரியும்'- அஜித் ரீவைண்ட்

ரெட்ரோ லுக்கில் சூர்யா

ரெட்ரோ லுக்கில் சூர்யா அவரது நடிப்பாற்றலால் அசத்தியுள்ளார் என்பது ட்ரைலரில் தெளிவாகிறது. கார்த்திக் சுப்புராஜ் பாணியில், வேகமாகவும், ஆக்‌ஷன் காட்சிகளால் நிறைந்தும் இந்த ட்ரைலர் அமைந்துள்ளது. ரெட்ரோ ட்ரைலரில் ஆக்‌ஷன் காட்சிகளுடன் சூர்யா மற்றும் பூஜா இடையிலான காதல் காட்சிகளும் இடம்பெற்றுள்ளன

இந்த ட்ரைலரில் படத்தின் கதை முழுமையாக வெளிப்படுத்தப்படவில்லை. ஆனால் சூர்யா மிகவும் வன்முறை நிறைந்த கதாபாத்திரத்தில் நடித்துள்ளார் என்பது தெளிவாகிறது. ஜோஜு ஜார்ஜ், ஜெயராம், பிரகாஷ் ராஜ், நாசர் உள்ளிட்ட மற்ற மிரட்டும் கதாபாத்திரங்களின் தோற்றங்களையும் காண்கிறோம்.

ரெட்ரோ ஓடிடி

ரெட்ரோ திரைப்படம் நெட்ஃபிளிக்ஸ் ஓடிடி தளத்தில் வெளியாக இருக்கிறது. இது குறித்து முன்னதாக வெளியான அறிவிப்பில், ‘ ஒரு ஆணின் அன்பு மலைகளையே பெயர்த்துவிடும், ஆனால் அவனுடைய கோபம்? அதுதான் ரெட்ரோ!.. தமிழ், தெலுங்கு, மலையாளம், கன்னடம் ஆகிய மொழிகளில் ரெட்ரோ திரைப்படத்தை நெட்ஃபிளிக்ஸ் ஓடிடி தளத்தில் பார்க்கலாம்’ என்று குறிப்பிட்டு இருந்தது.

மேலும் படிக்க| சிறந்த நாட்கள் என்றென்றும் நினைவில் இருக்கும்.. கணவருடன் என்ஜாய் செய்த ஷாலினி.. வைரல் போட்டோஸ்

சூர்யா 44

இந்த படத்தை தொடர்ந்து ஆர்.ஜே. பாலாஜி இயக்கும் புதிய படத்தில் சூர்யாநடித்து வருகிறார். சூர்யா 45 என்று அழைக்கப்படும் இந்த படத்தில் அவருக்கு ஜோடியாக த்ரிஷா நடிக்கிறார். 2005இல் வெளியான ஆறு படத்துக்கு பின்னர் 20 ஆண்டுகளுக்கு பிறகு சூர்யா - த்ரிஷா ஆகியோர் மீண்டும் இந்த படத்தில் ஜோடி சேர்ந்துள்ளனர்.

அத்துடன் படத்தின் இயக்குநரான ஆர்.ஜே. பாலாஜியே, சூர்யாவுக்கு வில்லனாக நடிக்கிறாராம். படம் லீகல் ட்ராமா பாணியில் உருவாகி வருவதாக கூறப்படுகிறது. இந்தப்படத்திற்கு படத்துக்கு பேட்டைக்காரன் என தலைப்பு வைக்கப்பட்டுள்ளதாக தகவல்கள் உலா வருகின்றன.