ஓடிடியை கலக்க வரும் சூர்யாவின் ரெட்ரோ படம்! எப்போது ? எந்த ஓடிடியில் ரிலீஸ்? இண்டர்நெட்டில் வைரலாகும் தகவல்

ரெட்ரோ ஓடிடி

சூழல் இப்படி இருக்க, ரெட்ரோ திரைப்படம் நெட்ஃபிளிக்ஸ் ஓடிடி தளத்தில் விரைவில் வெளியாக இருக்கிறது என்ற தகவல் இணையத்தில் வெளியாகி வருகிறது. இந்தத் தகவல் இன்னும் அதிகாரப்பூர்வமாக வெளியாகவில்லை என்றாலும் படம் தியேட்டரில் வெளியாகி 28 நாட்களுக்கு பின் ஓடிடி தளத்தில் வெளியாகலாம் என்பதன் அடிப்படையில் இந்தத் தகவல் தெரிவிக்கப்பட்டு வருகிறது. நெட்டிசன்களின் கருத்துப்படி இந்தப் படம் வரும் ஜூன் 5 ஆம் தேதி வெளியாகலாம் என எதிர்பார்க்கப்படுகிறது.

ஆணின் கோபம்

முன்னதாக, இது குறித்து முன்னதாக வெளியான அறிவிப்பில், ‘ ஒரு ஆணின் அன்பு மலைகளையே பெயர்த்துவிடும், ஆனால் அவனுடைய கோபம்? அதுதான் ரெட்ரோ!.. தமிழ், தெலுங்கு, மலையாளம், கன்னடம் ஆகிய மொழிகளில் ரெட்ரோ திரைப்படத்தை நெட்ஃபிளிக்ஸ் ஓடிடி தளத்தில் பார்க்கலாம்’ என்று குறிப்பிட்டு இருந்தது.

மேலும் படிக்க| '18 வருஷம் ஆச்சு.. இனிமே ரொமான்ஸ் படத்துல நடிக்க கூடாதுன்னு முடிவு பண்ணிட்டேன்..'- மாதவன் சொன்ன ஷாக் ஸ்டேட்மெண்ட்

ரெட்ரோ லுக்கில் சூர்யா

ரெட்ரோ லுக்கில் சூர்யா அவரது நடிப்பாற்றலால் அசத்தியுள்ளார் என்பது ட்ரைலரில் தெளிவாகிறது. கார்த்திக் சுப்புராஜ் பாணியில், வேகமாகவும், ஆக்‌ஷன் காட்சிகளால் நிறைந்தும் காணப்பட்டது.

சூர்யா- கார்த்திக் சுப்புராஜ் கூட்டணி

பிட்சா போன்ற திகில் படங்களை இயக்கி ரசிகர்களை அச்சுறுத்திய இயக்குனர் கார்த்திக் சுப்புராஜ் இயக்கத்தில் உருவாகியுள்ள திரைப்படம் ரெட்ரோ. சூர்யா நடித்துள்ள இப்படத்தில் பூஜா ஹெக்டே கதாநாயகியாக நடித்துள்ளார். தமிழ் மொழியில் வெளியாகும் இந்தப் படம் தெலுங்கு, ஹிந்தி மொழியிலும் வெளியிடப்பட்டுள்ளது.

சூர்யா 45

இந்த படத்தை தொடர்ந்து ஆர்.ஜே. பாலாஜி இயக்கும் புதிய படத்தில் சூர்யாநடித்து வருகிறார். சூர்யா 45 என்று அழைக்கப்படும் இந்த படத்தில் அவருக்கு ஜோடியாக த்ரிஷா நடிக்கிறார். 2005இல் வெளியான ஆறு படத்துக்கு பின்னர் 20 ஆண்டுகளுக்கு பிறகு சூர்யா - த்ரிஷா ஆகியோர் மீண்டும் இந்த படத்தில் ஜோடி சேர்ந்துள்ளனர்.

மேலும் படிக்க|'நான் அந்த படம் பண்ணவே மாட்டேன்னு சொன்னேன்.. ஆனா அவ்ளோ அழகான பாட்ட கொடுத்தாங்க' நடிகை தேவையானி

அத்துடன் படத்தின் இயக்குநரான ஆர்.ஜே. பாலாஜியே, சூர்யாவுக்கு வில்லனாக நடிக்கிறாராம். படம் லீகல் ட்ராமா பாணியில் உருவாகி வருவதாக கூறப்படுகிறது. இந்தப்படத்திற்கு படத்துக்கு பேட்டைக்காரன் என தலைப்பு வைக்கப்பட்டுள்ளதாக தகவல்கள் உலா வருகின்றன.