Actor Sri: ‘அவ்வளவு பிரச்சினைகள்.. அப்போதே சினிமாவை விட்டு போயிடலாம்னு நினைச்சேன்’ - நடிகர் ஸ்ரீ த்ரோபேக் பேட்டி

மேலும் படிக்க | மாநகரம் பட நடிகர் ஸ்ரீயா இது! இவருக்கு என்ன தான் ஆச்சு! இணையத்தில் வைரலாகும் போட்டோக்கள்! அதிர்ச்சியில் ரசிகர்கள்!

அதில் அவர் பேசும் போது, ‘என்னுடைய வீட்டில் யாரும் சினிமா பின்னணி கொண்டவர்கள் கிடையாது. ஆனால் எனக்கு அடிப்படையிலேயே சினிமா மீது ஒரு வித ஈர்ப்பு இருந்தது. நான் விஸ் காம் படித்தேன். அங்கு முதலாமாண்டு படித்துக்கொண்டிருந்த போது பாலாஜி சக்திவேல் இயக்கத்தில் வெளியான கல்லூரி படத்திற்கான ஆடிஷன் செல்வதாக சொன்னார்கள். அதில் சும்மா கலந்து கொண்டேன். ஆனால், அதன் பின்னர் எனக்கு அங்கிருந்து போன்கால் வரவே இல்லை.. நானும் அதனை பெரிதாக எடுத்துக்கொள்ளவில்லை.

மேலும் படிக்க | பவன் கல்யாண் மகனின் உடல் நிலை குறித்து நடிகர் சிரஞ்சீவி பகிர்ந்த தகவல்! எப்படி இருக்கிறார் மார்க் சங்கர்?

நடித்தே ஆக வேண்டும் என்ற கட்டாயம் இல்லை

காரணம், மற்றவர்கள் போல நான் நடித்தே ஆக வேண்டும் என்றெல்லாம் முயற்சி செய்ய வில்லை. பின்னர், நிகழ்ச்சி ஒருங்கிணைப்பு, ரேடியோ உள்ளிட்டவற்றில் வேலை பார்த்தேன். இந்த நிலையில்தான் கனா காணும் காலங்கள் சீரியலுக்கான ஆடிஷன் செல்வதாக நண்பர் ஒருவர் சொன்னார். இதனையடுத்து அங்கு சென்றேன்.

நல்வாய்ப்பாக, கனா காணும் காலங்கள் சீரியலில் நடிக்க வாய்ப்பு கிடைத்தது. அங்கிருந்துதான் இயக்குநர் பாலாஜி சக்திவேல் எடுத்த வழக்கு எண் படத்திற்கான ஆடிஷனில் கலந்து கொண்டேன். அதன் பின்னர் அப்படியே அடுத்தடுத்தப்படங்களில் நடிக்க வாய்ப்புக்கிடைத்தது.

அடிப்படையில் கூச்ச சுபாவம் கொண்டவன்

நான் அடிப்படையிலேயே கூச்ச சுபாவம் கொண்டவன் ஒரு வேளை எனக்கு வாய்ப்பு கிடைக்க வில்லை என்றால், என்ன செய்திருப்பேன் என்று எனக்குத் தெரியாது. ஆனால், எனக்கு வாய்ப்புகள் கிடைத்தன.

முதல் படத்திற்கும் இரண்டாவது படத்திற்கும் அதிக இடைவேளை இருந்தது. அந்த இடைவேளையில் நான் நிறைய கதைகளைக் கேட்டேன். அதில், நான் தவறவிட்ட சில கதைகள் மிகப்பெரிய ஹிட்டாகின. அப்போது நிறைய பிரச்சினைகளை சந்தித்தேன். தொடர்ந்து சினிமாவை விட்டுவிலகி விடலாம் என்று நினைத்தேன். வேறு வேலை பார்ப்பதற்கான ஏற்பாடுகளையும் செய்தேன்.அப்போதுதான் ஓநாயும் ஆட்டுக்குட்டியும் பட வாய்ப்புக் கிடைத்தது. சினிமா பயணம் தொடர்ந்தது’ என்று பேசினார்.

மேலும் படிக்க | 'கர்த்தருக்குள் நித்திரை அடைந்த லொள்ளு சபா ஆண்டனி'- நண்பனின் இழப்பை அறிவித்த விஜய் டிவி சீரியல் நடிகர்

நடிகர் ஸ்ரீ ஓநாயும் ஆட்டுக்குட்டியும், வழக்கு எண் பதினெட்டின் கீழ் ஒன்பது, மாநகரம், வில் அம்பு மற்றும் இறுகப்பற்று என சில படங்களில் முதன்மையான கதாபாத்திரத்தில் நடித்து இருக்கிறார். சில படங்களில் நடித்தாலும், அதில் அனைத்திலும் அவரது நேர்த்தியான நடிப்பை வெளிப்படுத்தி இருந்தார்.

ஒவ்வொரு படங்களில் ஒவ்வொரு விதமான நடிப்பை காட்டியிருப்பார். வழக்கு எண் பதினெட்டின் கீழ் ஒன்பது படத்தில் அப்பாவி இளைஞனாக காதல் வயப்படும் போதும், தன் காதலிக்காக செய்யாத குற்றத்தை ஒப்புக் கொள்ளும் போதும் என ஒவ்வொரு காட்சியிலும் தன்னை நிரூபித்து இருப்பார்.

மாநகரத்தில் கோவாக்கார இளைஞனாக, வில் அம்பு படத்தில் சுற்றித் திரிந்து கெத்து காட்டும் பையனாக என அசத்தியிருப்பார். இவர் இனி பல படங்களில் ஜொலிப்பார் என ரசிகர்கள் எதிர்பார்த்த நிலையில் இறுகப்பற்று படத்திற்கு பின் இவர் எந்த படத்திலும் நடிக்க வில்லை. மேலும் பிக்பாஸ் முதலாவது சீசனில் முதல் போட்டியாளராக உள்ளே சென்று என்னால் இங்கு இருக்க முடியவில்லை எனக் கூறி அவராகவே வெளியேறினார்.